لبن الأم بيكون غذاء كافي جدا لطفلك في أول ٤ ل ٦ شهور من عمر الطفل وممكن الطبيب يقولك أنك تبدائى تدخلي الأكل لطفلك من ٤ أو ٦ شهور علي حسب المدرسة الطبية الي بيتبعها الطبيب لكن في علامات مهمة بتظهر هل الطفل مستعد أن يبدأ ياكل ولا لاء تأكدي من وجودها عند طفلك أولا قبل ما تدخليله أكل زي:
التحكم في الرأس
مهم جدا أن ابنك أو بنتك يكون عندهم قدرة كويسة علي التحكم في راسهم وابقائها مرفوعة وعادة الأطفال مش بيكون عندهم القدرة دي قبل ٤ شهور. أهمية قدرة الطفل علي التحكم في راسه سببها أنها بتخالي يقدر يبلع الأكل بسهولة وأمان.
الجلوس جيدا
مهم كمان أن طفلك يكون بيعرف يقعد كويس يعني تقدري تحطيه مثلا في كرسي الأكل المخصص للأطفال ويقدر يقعد فيه وضهرة يكون مستوي.
حركة اللسان والبلع
الأطفال حديثي الولادة بيكون عندهم حركة بلسانهم بيدفعوا بيها الأكل خارج الفم وده معناه أنهم مش مستعدين للأكل. لما طفلك يفقد الحركة دي مع النمو ويبدأ يحرك الأكل للداخل استعدادا أنه هيبلعه يبقي طفلك علي استعداد لتناول الأطعمة.
العمر ومضاعفة الوزن
لو طفلك عمره ٤ شهور أو أكتر ووزنه بقي ضعف وزنه وقت الولادة يبقي هو غالبا مستعد أنك تدخليله أكل.
فضول تجاه الأكل
كتير من الأمهات بتحكي أن فاجأة طفلها بقي بيبص للأكل بتركيز وبقي عنده اهتمام تجاه الأكل أو بمعني آدق فضول ودي برضو من علامات استعداد الطفل.
زيادة جوع الطفل
لو طفلك بيفضل جعان حتي بعد حوالي ١٠ رضعات يوميا في حالة الرضاعة الطبيعية أو ما يعادلهم من عدد الرضعات الصناعي اليومية الي الطبيب محددها يبقي طفلك مستعد أنه يدخله أكل بجانب الرضاعة.
نصائــــح
مفيش ترتيب معين لأنواع الأكل الي تبدأي بيها مع طفلك.
يفضل تبدأي معاه بالخضار
من ٤-٦ شهور الطفل ممكن ياخد وجبتين كل وجبة من معلقتين ل٤ معالق
تعليقات
إرسال تعليق