إزاى أعرف إن إبنى عنده مغص

في الشهور الأولي من ولاده طفلك بيواجهك مشكله انه ممكن يكون عنده مغص وتعبان وانتي مش قادره تحددي بالفعل سبب تعبه ، ودا بيحصل مع معظم الأمهات وخاصه المبتدأين في تربيه أول طفل ليهم ، فهنقدملك مجموعه من الخطوات تساعدك في تحديد معرفه لو عنده مغص أو لا :

 تكرار البكاء بصوت عالي


بكاء طفلك بصوت عالي جدا وبشكل متكرر لمده 4 ساعات يوميا او اكثر ، ودا بيكون علي فتره 3 أسابيع يخليكي تتأكدي انه عنده مغمص قوي وأنك من الأسبوع الأول لازم تعالجي بأسرع وقت ، أنما بكاءه العادي اليومي ممكن يكون بسب أحتياجه للرضاعه أو تغيير الكفوله الخاصه به أو انزعاجه بشكل طبيعي فميستعديش القلق منك ..

 أحمرار وجهه بشكل كبير


الطفل أثناء المغمص بيثني رجليه الأتنين إلي بطنه ووشه بيحمر بشكل كبير ودا بسب أنه مش قادر يتحكم في نفسه بشكل طبيعي وهتبدأي تلاحظي دا من الأسبوع الأول للمغص ..

 البكاء الشديد وقت الرضاعه


أثناء الرضاعه بكاءه هيزيد بشكل كبير ، وايضا أثناء التبرز ، والعلامات دي بتظهر معاكي من اول يوم شعوره بالمغص ، فأنتي تقدري تعالجيه بأسرع وقت في اول يوم لأحساسه بالمغص ..

نصائــــح
لازم طبيب الأول يشوفه ويحدد ليكي سبب المغص وتعتمدي علي الادويه المكتوبه .
اليانسون هيساعدك بشكل كبير انك تغلي معلقه منه مع لتر مايه وتشربهوله بمعلقه صغيره 4 مرات يوميا
بشكل يومي خليه ياخد حمام ساخن يهدي المغص عنده ويظبط جسمه
اعمليله مساج علي بطنه بشكل هادي جدا
أحمليه طول الوقت إلي صدرك مع هزه وعمل مساج علي ضهره