الأطفال من بدايه سن الـ 4 سنوات بيبدوأ يندمجوا مع الألعاب الألكترونيه وبعده هتلاقيه قاعد معظم وقته يلعب والموضوع هيتطور معاه أنه يقعد فترات علي مواقع التواصل الأجتماعي ، ومن المؤكد ان دا شئ هيخوفك جدا وخاصه أنه أندمج مع الألكترونيات ومواقع التواصل الأجتماعي في سن صغير !
وكتير من الأباء بيبدأو ينزعجوا من علاقته بالنت عامه والألكترونيات خاصه فيقرروا أن أبنهم لازم يبعد تماما عن النت ودا فعل خاطئ جدا ، علشان كدا هنقدملكم مجموعه من الخطوات تساعدكم علي حمايته من ادمانها :
معرفه سبب التعلق
_ في البدايه لازم تتكلموا مع طفلكم وتعرفوا سبب تعلقه باللعبه اللي دايما بيلعبها بشكل مستمر ، وتتفاعلوا معاه وهو بيقول أسبابه الخاصه وتتفقوا معاه بشكل ودي جدا انكم حابين تشتركوا معاه في لعبها .
_ بالتأكيد لو عرضتوا عليه الامر بهدوء وبحب هيوافق وبكدا تقدروا ترقبوه بشكل متقطع وتقوا العلاقه بينكم .
تحديد وقت معين للالعاب
أقناع الطفل بوقت معين للالعاب صعب جدا ومحتاج محاولات مع الطفل ، فلازم في البدايه يتعرض عليه الامر بهدوء واقناعه بإن دا في مصلحته علشان يقدر يلعب مع اخواته ويذاكر وجباته وياكل وجباته الاساسيه ويخرج معاكم ، وبالتاكيد يجب تكرار عرض الامر عليه وبعده تفاجئوه مره واحده ان بكرا اول يوم هيلعب فيه لعبته المفضله في وقت فراغه من الساعه كذا لـ كذا .
_ ولازم تختاروا وقت مناسب جدا بمعني انه مينفعش يخلص اللعبه ويحس بالضيق أو الزعل الشديد بسب انه مش لاقي حاجه يعملها ، فحددوا وقت انتهاء اللعبه مع بدايه حاجه تانيه ممتعه ليه .
جهاز مراقبه المواقع الالكترونيه
جهاز مراقبه المواقع الالكترونيه هيساعدكم في معرفه نوع الالعاب اللي بيمارسها الطفل كل يوم وهيعرفكم بالظبط بيعمل ايه ، لذلك لازم تفعلوه علي الجهاز الخاص بطفلكم .
نصائــــح
ساعدوه يمارس الرياضه ويختار بنفسه النوع المفضل ليه وبنسبه كبيره هيتجه للرياضه ويتكره الالعاب الالكترونيه .
عودوه علي القراءه من صغره عن طريق القصص المسليه قبل النوم .
الابتعاد تماما عن العصبيه لانه لو فعل اي شئ سئ عند استخدامه الالعاب الالكترونيه هيخاف بالتاكيد يتكلم عن اللي عمله .
تعليقات
إرسال تعليق