كتير من الأمهات بتشتكي لطبيب الأطفال أنها شاكة أن ابنها ممكن يبقي عنده التهاب في ودانه والحقيقة أن التهاب الودان من الأسباب الشائعة جدا الي بتسبب قلة النوم عند الرضع. لو عاوزة تعرفي ازاي تتعلمي مع التهاب الودان وازاي تتجنبيه تابعي بقية المقال:
التهاب الودان شائع عند الرضع
أول حاجة لازم الأم تعرفها أن التهاب الودان من الأمراض الشائعة عند الرضع وفي الغالب بيبقي غير مقلق. سبب الحالة دي هو ان قناة استكيان الي بتوصل الأذن الوسطي مع نهاية الحلق بتكون قصيرة وواسعة ومستقيمة عند الرضع وده بيساعد علي تحرك الافرازات الأنفية والحلقية والجراثيم فيها وممكن يتراكم سوائل بتسبب تكاثر الباكتريا.
أهمية العلاج السليم
حاسة السمع عند طفلك بتعتمد علي الاهتزاز السليم لطبلة الودن. الالتهابات المتكررة ممكن تسبب مشاكل في طبلة الودن وتراكم الافرازات المتكرر ممكن يأثر علي الاهتزاز والاتنين بيأثروا علي حاسة السمع. عشان كدة مهم أنك تاخدي الموضوع بشكل جدي وخصوصا في الفترة الي طفلك بيتعلم يتكلم فيها. فقدان السمع المتكرر ممكن يأثر علي القدرة علي الكلام ومشاكل في اللغة والي ممكن يأثر بعد كدة علي الأداء الدراسي.
اعرفي الأعراض
في بعض العلامات بتكون طريقة الطفل أنه يقولك أنه ودانه بتوجعه. العلاج المبكر بيأدي نتيجة آفضل وعشان كدة لو طفلك عنده أعراض متكررة لازم تتعملي اعراض الإصابة. من العلامات النادرة هي ارتفاع درجة الحرارة. نادرا ما يصاحب التهاب الاذن عند الأطفال ارتفاع في الحرارة الا لو كان يصاحب الحالة اصابة في الجهاز التنفسي. التهاب الأذن الوسطي غالبا بتكون بعد دور برد والي بيكون بدأ بمرخير مسدودة مع افرازات سائلة وشفافة وبعدها بكام يوم يبدأ الطفل في أنه يبقي مضايق ومتوتر والإفرازات دي بتكون لونها أصفر أو أخضر ولزجة مش سايلة.
النوم
لو طفلك بيضحي بالليل كتير وبيكون متألم خصوصا مع دور برد دي ممكن تبقي علامة علي التهاب الأذن. السوائل الملوثة لما تتراكم علي طبلة الودن وتضغط عليها بتخلي الطفل يكون مش عاوز ينام مفرود وعشان كدة من الأفضل تنيميه علي جنبه بحيث أن الأذن المصابة تبقي لفوق.
العيون
القاعدة بتقول أنه لو الأهل بيقولوا أن الطفل عنده برد وسوائل في عينه خصوصا لو الطفل في سن أكبر شواية ده معناه أنه في مشكلة في الجيوب الأنفية أو في الأذن. ساعات إفرازات العيون بتكون دليل علي انسداد مجري الدموع لأنه شائع جدا في الرضع لكن لو الطفل أكبر شواية وفي أعراض برد يبقي وارد جدا يكون اشارة علي اصابة الطفل في الجيوب الأنفية أو في الأذن.
امتي تاخدي طفلك للطبيب
التهابات الودان بتحتاج أن الطبيب يكشف عليها وعلي صدره عشان يقدر يشخص ويكتب أفضل علاج. أغلب الاصابات البسيطة في الودان هتروح لوحدها من غير مضادات حيوية عشان كدة الأكاديمية الأمريكية لطب الأطفال بتوصي بالمراقبة والانتظار. المراقبة بمعني متابعة أعراض الطفل هل بتقل ولا بتزيد والانتظار معناها ان الطبيب مش شرط يكتب مباشرة مضاد حيوي حتي لو في سائل خلف الودان الا لو الحالة لم تتحسن من نفسها في خلال يومين أو تلات أيام.
الوقاية خير من العلاج
في بعض الطرق الي ممكن تقي أطفالك من الإصابة بالتهاب الأذن الوسطي:
الرضاعة الطبيعية بتزود مناعة الطفل بشكل طبيعي.
الرضاعة الصناعية يفضل أنه الطفل يكون في وضع شبه مايل (ميل ٣٠ درجة تقريبا) بلاش الرضاعة والطفل نايم تماما كمان بعد الرضاعة مهم أن الطفل مينمش بشكل مستقيم تمام لازم برضو يكون مايل شواية.
ابعدي مسببات الحساسية عن طفلك زي الدباديب والحيوانات الحقيقة وغيرهم ابعديهم عن طفلك أثناء النوم. وطبعا ممنوع نهائيا التدخين حوالين الطفل.
قلل من استخدام التيتينه (السكاته) لأن الدراسات أثبتت أنه في علاقة بين كثرة استخدام التيتينه وبين التهابات الودان. خلي استخدامها لما طفلك يكون بيحاول ينام بالليل فقط خصوصا أما طفلك يكون عمره ٦ شهور أو أكتر.
قوي مناعة الطفل: الفواكهة والخضراوات والأسماك بتقوي مناعة الأطفال
نصائــــح
متقلقيش دي مرحلة ومع الوقت طفلك هيكبر وودانه هتنمو والالتهابات دي هتروح تماما.
تعليقات
إرسال تعليق