ازاي اربي ابني صح

ازاي-اربي-ابني-صح
أي طفل في الدنيا بيتولد نقي من اي عيوب والبيئة والجو المحيط بالطفل هما اللي بيشكلوا شخصيته، اما بيخلوها شخصية سوية أو شخصية مشوهة مليانة بالانحرافات والعقد ،وعشان تتجنبي الانحراف في سلوك طفلك اتبعي الخطوات التالية :-

1 حافظ على فكرة المشاركة مع الطفل
من الانحرافات اللي بتصيب شخصية الطفل هي الأنانية، والطفل بيبقي متمسك باي حاجه بتاعته ميديهاش لاي حد وكمان في اغلب الاوقات قاعد لوحده مش حابب يكون مع اي حد ،وده بيكون بسبب أخطاء من الام او الاب بدون قصد بتشكل انحراف في شخصية الطفل زي ان الاب يقول لابنه ما تمسكش الموبايل بتاعي او الاب بتاعي او حاجة تحصه

ده بيعلم الطفل يحتفظ بالحاجة بتاعته وميحبش حد يمسكها ولا يلعب بيها ،المطلوب من الأم والأب يدعموا في الطفل فكرة المشاركة مع مراعاة أن الطفل يكون بدأ في ال3 سنين لأن الطفل قبل ال3 سنين مبيعرفش يلعب مع حد ممكن يلعب جنب حد تاني لكن مش معاه

ولما الطفل يبدأ ال3 سنين يبدأوا يغرسوا فيه فكرة المشاركة عن طريق ان محدش فيهم يذكر كلمة ان دي الحاجة بتاعتي ومش بتاعتك ،، ولما يلاقوا الطفل رافض يلعب مع حد بلعبته يجيبوله لعبتين بشرط انهم يقولوله واحدة ليك وواحدة هتلعب بيها مع صحابك ، ويبدلوا فكرة ألعاب المنافسة بألعاب المشاركة عشان يعودوا الطفل على التعاون

1 رحبوا بالضيوف قدام الطفل
وعشان تخلي الطفل اجتماعي يبقي تبدأ توري للطفل المشاركة عن طريق ان لما تخرج مع صحابكوا او الاقارب تجهزوا ساندوتشات وتوزع علي كل اللي معاك من الاكل اللي انت جايبه عشان الطفل بيتعلم لما بيشوف أفعال قدامه مش مجرد نصايح وكلام بيسمعه

و تاني غلطة الاب والام بيغلطوا فيها قدام الطفل أنهم بيضايقوا لو حد جالهم البيت ، وعشان الطفل يتعلم يكون اجتماعي لازم يشوف من أهله الافعال اللي تخليه كده زي انه يشوف اهله مبسوطين لو جالهم حد وخبط علي الباب ويبداو يجهزوا للضيوف حاجة يستقبلوهم بيها

وخليه يتصور مع صحابه وفكره بالصور دي واتكلم عنها وانت مبسوط وابدا احكيله عن اليوم ده وعن صحابه دول واد ايه كان الوقت معاهم جميل

2 متضربش ابنك علي ايده
تاني انحراف بيغلط فيه الأب والأم ويعلموه العنف بيه هو انهم يضربوه علي ايده لما يمسك حاجه مش بتاعته او يعمل حاجة غلط ونتيجة ده بيبدا الطفل يكون عنيف مع صحابه واي حد يمسك حاجته يبدا يضربه ،ولو عايز ابنك ميكنش عنيف متخليهوش يشوف العنف منك كرد فعل واستبداله بالتفاهم او باي طريقة تانية

وكمان الضرب بيعلم الطفل الكذب لأنه بيخاف من رد الفعل اللي بيأذيه بدنيا وجسمانيا فيبدأ لو غلط يكذب عشان مايلاقيش رد الفعل ده من ابوه او امه

3 قلل من كلمة لأ
من الاسباب اللي بتخلي الطفل ميسمعش الكلام ويصمم علي كلمة لا والاهل بيستغربوا ليه الطفل مبيسمعش كلامهم انه بيسمع منهم لا كتير ، زي مثلا انهم يقولوله ” لا متمسكش اللاب توب _ متمسكش الفازة و متلعبش بالريموت _ متلعبش في حاجة اخوك “

وعشان تتجنب أن الطفل يكون عنده انحراف في سلوكه لازم تبدا تبدل كلمة لا متعملش الحاجة دي بانك تعلمه يعملها ازاي ، زي انك تعلمه يجيب العاب من على اللاب توب بدل من انك تمنعه يستخدمه لان من كتر الرفض للطفل بيتحول لطفل عندي وعصبي لانه حاسس دايما بالقهر والتحكم في تصرفاته ، وعشان يعبر عن مشاعره دي بيبدا يعاند لمجرد انه يضايق اللي بيتحكم فيه لأنه بيقف في طريق استكشافه الأشياء

4 متوصفش طفلك بصفة سلبية
لما بنقول للطفل انت مبتسمعش الكلام لازم هيكون فعلا مبيسمعش الكلام لأنه عقله بيصدق اللي انت بتقوله وبتحولها لصفة دايمة فيه أو لما نقوله انت وحش او انت غبي او كداب هو بيقتنع فعلا ان هو كده

لازم دايما نسمع الطفل صفة إيجابية ونشكر فيه عشان يطلع شخصية سوية مش معقدة ونديله دايما ثقة في نفسك ونحسسه اننا واثقين فيه وأنه حاجه غالية عندنا عشان مايحسش بالنقص ويبدا يعوضه بأي انحراف في الشخصية

idea نصائــــح
الطفل نبتة صغيرة بتكبر زي ما بنرويها يعني لازم نكون عارفين كويس اوي احنا بنتعامل معاه ازاي عشان يطلع شخص غير معقد وتربيتة سليمة