زي ما في ناس كتير جدا بتعاني من السمنة ففي فئة كبية جدا بتعاني من النحافة وان وزنهم اقل الطبيعي اللي مفروض يكونوا عليه وده بيخليهم مضطرين يسمعوا تعلقيات يوميه وكلام بيزعجهم جدا وبيسبب لهم ضيق واحيانا بيوصل ان الشخص يفقد ثقته بنفسه وينعزل ومش بيبقي حابب يتعامل مع حد .
كتري من النشويات
النشويات من الحاجات الغنية بالسعرات الحرارية زي الرز والمكرونة والعيش الخ .. كل دي من الحاجات المهمه انها تكون في وجبتك ومن الافضل تبدئي بيها وتخلي البروتينات في اخر الوجبة .
متختصريش وجبات
من المهم المحافظة علي اكل 3 وجبات في اليوم وعدم اختصار اي وجبة فيهم وتكون الوجبات غنية بالمكونات المليئة بالسعرات الحرارية زي الموز والمانجا والبلح والتين والمسكرات والشورب الغنية بالكريمة والنشويات الخ..
اتعشي وجبات دسمة
بليل معدل الحرق بيكون ضعيف جدا و اقل من النهار بشكل كبير وده هيساعد علي زيادة الوزن خصوصا لو حرصتي علي اخذ وجبات غنية بالسعرات زي البطاطس المحمرة او الكبدة او السجق والبانية المقلي وضيفي عليهم المايونيز والكاتشب .
كلي حلويات
كتري من اكل الحلويات زي الحلويات الشرقية او الجاتوه والتورت خصوصا بعد الاكل ، و الشكولاتات و البسكوتات الغنية بالسعرات زي البسكوت بالشكولاته او الكريمة الخ ..
اشربي مشروبات زيادة الوزن
في بعض المشروبات ليها القدرة علي زيادة الوزن بشكل كبير احرصي علي شربها بين الوجبات زي البليلة غنية بالسعرات الحرارية ووجبة غذائية متكاملة ،مشروبات الحليب بالشكولاته السخنة والكاكاو والسحلب بالمكسرات والحلبة المحوجة بالمكسرات والعصاير الطبيعية زي عصير المانجة والموز باللبن والكوكتيل .
كوكتيل اللبن بالتمر والذبيب
كوباية لبن مغلية كاملة الدسم وتدوبي فيها معلقتين لبن بودرة ومعلقة عسل ابيض معاها 7 تمرات و21 ذبيبة وتحضريهم من بليل وتشربيهم علي الريق الصبح وتقدري تضربيهم بالخلاط لو حابة تشربيه كعصير يوميا كوب الصبح وكوب مساءا لمدة شهر وهتلاحظي الفرق .
ابعدي عن الحاجات اللي بتضايقك
من ضمن الاسباب الرئيسية للنحافة هي الحالة النفسية وان الشخص يبقي في حالة اكتئاب او اي توتر او ازمة نفسية او عاطفية شاغله حياته فحاولي تتخلصي من سبب المشكلة الرئيسي زي وجود شخص معاكي معين بياثر علي حالتك النفسية بالسلب دايما ، الحالة النفسية السيئة بتخلي الشخص يفقد الاحساس والرغبة بالاكل ، من اول خطوات العلاج ان الشخص المريض بالنحافة يحاول يحل سبب الحالة النفسية لان مهما اخد من علاج هتبقي الاستجابة بطيئة جدا لو مفيش تحسن بالحالة النفسية .
اعملي تحاليل
كتير من الناس بيعتمدوا علي الوصفات او بيبقوا مستجعلين وعايزين نتيجة فورية ، لكن للاسف لو في سبب مرضي ومتعالجش فمش هيوصل الشخص للنتيجة المرغوبة ،الامراض دي زي زيادة افراز الغدة الدرقية او امراض الكلي او مرض السكر او ارتفاع هرمون الذكورة عند السيدات اهم حاجة التحليل عشان يبدا يتشخص اذا كانت النحافة مرضية او طبيعية ؟وده في الغالب بيبقي شخص كان وزنه طبيعي وخس مكنش طفل نحيف من وهو صغير
روحي جيم
علي عكس الاعتقاد الشائع ان الرياضة بس بتخسس كمان الرياضة بتساعد الناس اللي عايزه تتخن عن طريق بعض التمرينات اللي بتبني العضلات واكل دسم بعد التمرين مباشرة ، الاعتماد علي كثرة الاكل فقط عشان الشخص يزود من وزنه ممكن يخليه يتخن من مناطق معينة فقط زي البطن من غير بقيت مناطق الجسم وبالتالي شكل سئ لكن الرياضة مع الاكل هتزود وزن الجسم كله .
خدي اقراص خميرة
اشتري علبة اقراص خميرة من الصيدلية واستمري علي اخد من 3ل 4 اقراص يوميا بعد الوجبات الرئيسية ، والخميرة بتحتوي علي مجموعة فيتامينات بي وكلها فوايد ملهاش اي اضرار جانية بالعكس بتساعد علي علاج فقر الدم او الانيما بشكل عام وبينصح بيها معظم الدكاترة ولكن حاول معاها تشرب حاجة بيها مصدر كالسيوم زي اللبن
خدي ادوية
النحافة دايما بيبقي مصاحب ليها بعض المشاكل زي الشعر الخفيف او الضوافر اللي بتتكسر او في مشاكل في الجلد او البشره مع الاسمرار بسبب ضعف المناعة ، عن طريق الدكتور بيديك دوا او فيتامينات للشعر او البشرة بيبقي من ضمن الاعراض الجانبية ليه انه بيتتخن وبكدة بيبقي علاج وحل للبشرة او الشعر الخ .. وكمان علاج للنحافة .
كمان في بعض المكملات الغذائية وفواتح الشهية اللي ليها دور كبير في زيادة الوزن لكن يجب عدم استعمال اي دوا الا باستشارة الطبيب .
نصائــــح
من الضروري اتباع نظام غذائي كامل مع الدكتور عشان يديكي النتيجة المطلوبة .
دخلي في وجباتك العيش الفينو
تعليقات
إرسال تعليق