ازاي تتغلب علي الخوف من الجواز والارتباط
تنضيف البشرة يوميا من الحاجات السهله جدا واللي ممكن تتعمل بابسط الطرق بالبيت ومش بتحتاج مجهود كبير او وقت كتير وتجاهل تنضيف البشرة بيكون السبب اساسي في تكوين الحبوب والبثور بالوش والاهتمام بيه بيساعد علي عدم وجود مشاكل بالبشرة وبالتالي بشرة صافية ومشرقة .
استخدمي الغسول
غسل الوش بالغسول صباحا ومساءا مهم جدا و يعتبر حاجه اساسيه في تنضيف البشرة وعدم تكون البكترية وتراكم الاتربة والجلد الميت اللي بدورها ممكن تسبب ظهور بثور علي البشرة استخدمي يوميا الغسول او الصابونه الطبيه (النابلسي)من اي صيدلية .
وتقدري تعملي غسول بنفسك في البيت بمكونات طبيعيه مش مكلفة وخالية من وجود اي مواد كيماوية مضرة بالبشرة عن طريق خلط معلقة زيت زيتون مع معلقة كركم ومعلقة بيكنج بودر ، الكركم من المواد اللي بتساعد علي التخلص من الحبوب وتنضيف البشرة وازالة البقع الداكنه ، او معلقتين من الصابون المغربي من عند اي عطار +معلقة عسل+معلقة كبيره حليب+معلقة صغيره ماء ورد اخلطيهم كويس لحد لما يبقي قوامه زي الشاور جيل .
اعملي ماسكات طبيعية
عمل ماسك يومي طبيعي بالبيت مناسب لنوع بشرتك بمواد طبيعيه هيغذي البشره باستمرار وهيرطبها وفي انواع كتيرة جدا من الماسكات منها المرطب ومنها المغذي ومنها اللي بيفتح ،من الماسكات دي ماسك اللبن بالعسل والليمون ، اخلطي معلقه من لبن البودر+عصرة ليمون+قطرات ماء ورد +نقط عسل ابيض وامزجيهم جيدا وافردية فترة علي الوش بعدين اغسلية .
ازالة الميكب
من الحاجات المهمه جدا انك تشيلي الميكب بمزيل الميكب (makeup remover )واحذري من النوم بيه ، عدم ازلت الميكب بيسبب تكون بكتريا والتهابات وتهيج في بعض مناطق الجلد وده بيسبب ظهور حبوب او بثور حمرا ،،وكمان متحطهوش علي وشك لفترات طويلة لان ده بيخلي البشرة مش قادرة تتنفس لفترة طويلة او تفاعل الجلد مع المواد الكيماوية بالميكب خصوصا لو كان من الانواع الرديئة المضرة بالبشرة .
رطبي بشرتك باستمرار
فقدان البشرة للترطيب وللسوائل بيخليها تجف ويحصل بعض التشققات والتهيجات بيها وبالتالي ضرر بالبشرة ومظهر سئ ، رطبيها عن طريق كريمات ترطيب البشره او بوصفات طبيعيه بالمنزل مثل الجلسرين مع ماء الورد ، او خلط فراوله مع زبادي او اي ماسك طبيعي يناسب نوع بشرتك عشان تتجنبي جفافها وفقدانها لحيويتها ونضرتها .
اعملي حمام بخار اسبوعيا
عمل حمام بخار للوش قبل الماسكات مفيد جدا في حيوية ونضارة البشرة لانه بيمنع تراكم الخلايا الميته وبيساعد علي فتح المسام وأخد الجلد الاستفادة الكاملة من الماسك ، اعملي حمام بخار للوش مره اسبوعيا او مرتين بالكتير ، لو مش عندك جهاز البخار أستخدمي حله متوسطه او صغيرة الحجم يكون بيها ماية سخنة فيها ورق نعناع او بدونه (حسب الرغبة )وتحطي وشك علي قرب منها لكن مع ترك مسافة من غير ما وشك يلمس الحلة تجنبا لحدوث اي حرق بالوش او التهابات وحطي فوطه حولين راسك عشان تمنعي خروج البخار لمدة من تلت لنصف ساعه.
من المهم انك تحطي ماسك طبيعي او تمرري قطعه من التلج بداخل قطنه علي الوش بعد حمام البخار مباشرة لغلق المسام لانها بتكون مفتوحة وتجنب تعريض البشره لاي مشاكل او اتربه .
متنسيش تقشري بشرتك اسبوعيا
اسكرب التقشير اسبوعيا مهم لانه بيشيل طبقة الجلد الميته عن طريق دعك الاسكرب بحركة دائريه ، تقدري تشتري اسكرب جاهز من الصيدليه وتقدري تعمليه بنفسك بالمنزل عن طريق استخدام نص ليمونه ووضع السكر فوقها و تمرير الليمونه بالسكر بحركه دائريه علي الوش ، او خلط معلقة سكر+زائد معلقة زيت زيتون وفركه بحركه دائريه خفيفه و تقدري كمان تستخدمي اي طريقه بسيطه مناسبه لنوع بشرتك .
استخدمي كريم ليلي ونهاري
الكريم او الزيت الليلي والنهاري بيمد الوش التغذيه المناسبه من الفيتامينات اثناء النوم وده بيخلي البشره نضره ومشرقه وهيمنع ظهور التجاعيد في سن مبكر او هياخر ظهورها ، تقدري تعملي بديل ليه بالمنزل بطريقه بسيطه وهي معلقة زيت جوز هند+ نصف كوب من زيت الزيتون+معلقة شمع عسل او استبداله بمعلقة عسل ابيض طبيعي ضفيهم علي النار لغاية لما يذوبوا وبتجانسوا مع بعضهم بعدين ضيفي كبسولة فيتامين E احفظيه بالثلاجه واستخدميه ك كريم ليلي.
نصائــــح
نضافة بشرتك والاهتمام بيها هيجنبك المعاناة من مشاكل البشرة .
قبل ما تعملي اي ماسك ، اعرفي نوع بشرتك والمناسب ليها .
تعليقات
إرسال تعليق