القائمة الرئيسية

الصفحات

ازاي تتعامل مع نوبات ضيق التنفس (البانيك اتاك )









كتير من الناس بتعاني من نوبات ضيق التنفس الحاده المتكرره وفي الغالب بيعملوا فحوصات زي أشعة إكس واختبار وظائف الرئة وتخطيط صدى القلب ومبيلاقوش اي سبب عضوي واضح لضيق التنفس ، وجود ضيق التنفس بدون وجود سبب عضوي واضح في الغالب بيبقي مصاحب لسبب نفسي وهي عبارة عن نوبات ضيق تنفس متكرره ممكن تستمر النوبه لمده اقل من ساعه ،بتحصل فجاه بطريقة غير متوقعه وبتظهر بعض الاعراض الجسدية زي :-

1- خفقان وسرعة وعنف في ضربات القلب لدرجة بتخلي الشخص يعتقد أنه أصيب بنوبة قلبية حادة.

2-ارتخاء اوضعف في عضلات القدمين واليدين مع رغبة متكررة بالتبول ، وننوبة ضيق التنفس في الغالب سببها انشقاقات نفسية ناجمة عن المواقف والأحداث السلبية والمؤلمة اللي عاشها الفرد المصاب تماما كالزلزال.

3-بيصاب المريض بالغثيان والدوخة وآلام في الصدر والأطراف وبيصاحبه احساس بعدم التوازن .

4- بينتاب المريض إحساس بالاختناق وسحب الروح وشعور بالخوف من احتمال الموت.

5-صعوبة في الكلام واضطراب في الذاكرة ، يتصبب عرق وبتحصل رعشة في الجسم كله .

تابع مع استشاري او طبيب نفسي
اول خطوة واهم خطوه للعلاج هي انك تعرف سبب الخوف او القلق وده مش هتقدر تقوم بيه لوحدك الا من خلال المتابعه مع طبيب نفسي لان السبب الرئيسي لنوبات ضيق التنفس المفاجئ بانيك اتاك هو القلق والخوف الزايد المفاجئ بدون معرفة مصدر الخوف .

غالبا مصدر الخوف بيبقي لسبب نفسي ناتج عن ضغوط او صدمات اتعرضلها الشخص وكانت مؤلمه جدا ليه وسابت اثار نفسيه حاده سلبيه عليه ،مع الانتظام والمتابعه في الجلسات مع الاستشاري النفسي هيساعدك على انك تستكشاف الأفكار والتصورات المرضية و تصححها وانك تستبدالها بأفكار وتصورات صحيحة وده بيطلق عليه العلاج السلوكي المعرفي .

حافظ علي تمارين استرخاء يوميه
الانتظام علي تمارين الاسترخاء من 10-20دقيقه يوميا هتساعدك علي التقليل من حالة التوتر والقلق والتعب والضغط النفسي اللي بتصيب الشخص أثناء النوبة وكمان هتخليك عندك نوع من السيطره على نفسك اثناء النوبة ، للان الاسترخاء والتامل والتخيل هيساعدك علي انتظام التنفس بعمق وبطريقه سليمة .

اتنفس بشكل سليم
اثناء حدوث النوبه بيحصل حاله من سرعة ضربات القلب والتنفس بيبقي غير منتظم و سريع فابدا بتنظيم النفس عن طريق اخذ شهيق ببطئ وكذلك الزفير وده هيقلل من حدة اضرابات التنفس وبالتالي الافكار المزعجه المصاحبه ليه ، حاول تحافظ بشكل يومي انك تعمل تدريبات تنفس تخليك تقدر تتنفس بشكل سليم وطبيعي ومنتظم .

شتت تفكيرك
شتت تفكيرك مع بداية التفكير في اشياء تكاد تكون بتسببلك الم او بتزعجك شتت تفكيرك بشئ تاني ملوش اي علاقه افتح مع حد في موضوع تاني ، اقرا او اعمل سيرش علي شئ تاني وابدء اقرا فيه العب رياضة روح زور حد من الناس اللي بتحبها وهكذا حاول تشتت تفكيرك عن الفكره او الشئ اللي بيسببلك ضيق بشتي الطرق .

احيانا بداية الاحساس بالقلق او الافكار السلبيه بتبقي بسبب حدث خارجي مش متسبب فيه الشخص نفسه الحدث ده احيانا بيكون مربوط عندالشخص بشعور معين او احساس بيسببله التوتر والقلق بشكل عام فبتبدا الافكار السلبيه تتابع وتزيد بشكل سريع و متتالي ، بتبدا الدماغ تقترح او تطرح مجموعه كبيره من المخاوف او الافكار السلبيه او القلق بشكل سريع كانها ملفات بتفتحهم الدماغ كانهم مسائل او ملفات ملهاش اجابه فبالتالي بتدا تظهر في شكل اضطرابات او ردود فعل علي الجسم زي زيادة ضربات القلب والدوخه وضيق التنفس الخ..

واحيانا بيحصل بسبب الشخص نفسه انو بيكون بيضخم الصعوبات اللي بيتعرضلها وبيركز على مخاوفه اللي بتكون نتائجها سلبية، وفي نفس الوقت بيقللوا وبيهملوا قدراتهم على التعامل مع الاشياء اللي بتخيفهم، او بيعتقدوا ان هما مش هيقدروا يواجهوهاا او يتخطوها .

ابعد عن الحاجات اللي بتزعجك
ابعد او تجاهل الحاجات المزعجة بالنسبة ليك او اللي بتسببلك ضغط وتوتر ،حاول متحطش نفسك دايما في صراع مع الحاجات اللي بتسببلك الضيق او الالم ، تجنب الاشخاص والمواقف او حتي النقاشات اللي ملهاش اي قيمه غير ان هي بتسبب عبئ عليك وضيق وازعاج بدون فائده ، احيانا الشخص نفسه هو اللي دايما بيبقي بيسعي وبيتصدر الاوضاع اللي ممكن تضايقه او تزعجه حاول تتجنبها تماما ويكون عندك هدوء اعصاب .

اتكلم مع حد
اول ما تبدا تحس بنوبات الاختناق او ضيق التنفس في بدايتها حاول تتكلم مع حد ولو بشكل بسيط ولو مش قادر فحاول تخلي حد قدامك هو اللي يكلمك عشان تبدا توجهه تفكيرك كليا لشئ تاني وافكار تانيه وكمان عشان متبداش تغيب عن الوعي بشكل كامل وتبقي مركز .

صلح افكارك
حاول تصلح بعض الافكار اللي بتجيلك بشكل عام وتبعد عن التعيميم يعني تعرف ان مش معني انك اتعرضت لتجربه سيئه زي موت او فقد شخص عزيز عليك انك لازم تفقد كل الاشخاص اللي بتحبهم فيجيلك نوع من الخوف الزائد ،او لو مريت بتجربه سيئه فتحكم ان كل الاشخاص سيئين او تحكم علي حاجه معينه كامله انها زي بعضها او ان الاحداث قابله للتكرار.

صلح مفهومك عن نفسك وقدراتك زي انك تعرف انك هتقدر تعدي من اي حدث وانك مش اضعف منه وان كل موقف ومشكله ليها الاف الحلول والطرق اللي تقدر تتخطاها بيها .

متحكمش علي نفسك بالفشل بشكل عام بسبب تجربه سيئه مريت بيها او موقف او اتنين ادي لنفسك فرصه تغلط وتتعلم واعتبرها فرصه ليك عشان تبقي شخص افضل واقوي .

استعين ببعض الادوية
في بعض الحالات اللي بيكون فيها الاضطراب قوي جداً وبيكون في بعض الخلل العضوي بيبقي هو المسؤل عن زيادة مادة الادرنالين المولده للقلق ،فلابد من وجود علاج دوائي يوازي العلاج النفسي، من خلال الطبيب بيصرحله بدواء مناسب بيخفف من قلقه ويساعده على الاستفادة من العلاج النفسي .

اتعلم بعض المهارات
احيانا بيكون المريض عنده صعوبه في التكيف مع الاخرين او المواقف والاحداث ،او مبيملكش قدر من المرونه عشان يقدر يواجهه المواقف المختلفه ويتعامل مع انماط الناس بشخصياتهم المختلفه فبيحتاج لانه يتعلم بعض المهارات الاجتماعيه اللي هتساعده بشكل كبير انه يقلل من صدامته ويعرف يتعامل وبالتالي هتقل نوبات ضيق التنفس .


هل اعجبك الموضوع :

تعليقات