القائمة الرئيسية

الصفحات

ازاى اعلم ابنى يكتب موضوع تعبير







الأم في هذا الزمن بقت بتعلب أدوار كتيرة زي كمان دور المدرسة لأولادها! كتير من الأمهات بتلاقي نفسها في موقف المدرسة وبتكون مش عارفة ايه أحسن طريقة تعلم ابنها يقوم بالمهمة أو الواجب المطلوب منه زي مثلا كتابة موضوع التعبير. لو عاوزة تعلمي ابنك ازاي يكتب موضوع تعبير اتبعي الخطوات دي:

 ضعي العنوان أو السؤال أولا


أول خطوة هي أنك تحددي مع ابنك العنوان أو السؤال الي هتحولوا تجاوبوا عليه من خلال موضوع التعبير. ممكن العنوان يبقي “ما هي أهمية حب الوطن” مثلا أو “أولادنا والهوايات”.

 حددي النقاط الفرعية


أي موضوع تعبير بيتكون من مقدمة وخاتمة ونقطتين أو تلاته بيتم مناقشتهم في النص كل نقطة في مقطع لوحدها. فأول حاجة تعلمي ابنك يعملها أنه يحدد النقط الي عاوز يتكلم عليها بالنسبة للموضوع. فمثلا لو عاوز يتكلم عن الهوايات ممكن ال٣ نقط دول يبقوا: ١- أنواع الهوايات ٢- اختيار الهواية المناسبة ٣- تنظيم الوقت للعب الهوايات.

 كتابة المقدمة


المقدمة – من أسمها – بتكون هدفها تعريف القارئ بالموضوع وايه سبب أهمية مناقشة الموضوع ده. الهدف من المقدمة هو اعطاء القارئ أسباب أنه يتم قراءة المقال.

 كتابة وسط الموضوع


استخدمي النقاط الي كنتي حددتيها مع ابنك وخاليه يكتب مقطع عن كل نقطة وأول جملة في المقطع لازم توضح ايه النقطة الي المقطع بيتكلم عليها زي مثلا “في أنواع كتيرة من الهوايات” وبعد كدة يبدأ يتكلم في بقية المقطع عن أنواع الهوايات المختلفة.

 الخاتمة


الخاتمة عادة مكونة من ٣-٤ جمل وبتكون بتلخص المقال للقارئ والنقط الي تم مناقشتها لكن باختصار وممكن لو الطفل له رأي في الموضوع يكتبه في الخاتمة.


هل اعجبك الموضوع :

تعليقات