كل يوم الطفل بيكبر عن اليوم الي قبله وكمان المفروض مهاراته تكبر معاه وقدرته في الاعتماد علي نفسه. من المهارات الي الطفل مهم يتعلمها أنه ازاي يأكل نفسه بنفسه من غير ما يحتاج مساعدة من الأم. لو عاوزة تعرفي ازاي تعلمي ابنك ياكل لوحده اتبعي الخطوات دي:
كوني مستعدة
أول وأهم شئ هو أن الأم تكون مهيئة نفسا للأخطاء الي هتحصل أثناء مرحلة ما ابنها بيتعلم يأكل نفسه وأنه هيكون في أكل كتير بيقع. جهزي مفرش مشمع لو متاح وافرشيه علي السفرة أو علي ترابيزة الأكل وكوني مستعدة نفسيا لده لأنه مفيش أي حاجة ممكن تتعمل لتفادي الأخطاء دي. ونفس الكلام بالنسبة لملابس الطفل وارد جدا أنها تتوسخ فلو تحبي تلبس الطفل مريلة طعام يكون أفضل.
اختاري معلقة مناسبة
بلاش تدي الطفل معلقة الكبار المعدن لأنه تعتبر تقيلة علي ايدهم وكبيره علي بقهم ممكن معلقة الشاي الصغيرة ويستحسن المعالق المخصصة للأطفال المتوفرة في الصيداليات ومحلات اكسسوارات الأطفال.
اختاري الأطعمة المناسبة
اختاري لابنك في الاول الأطعمة المتامسكة وخدي بالك عشان مخاطر الاختناق. ممكن تبدئي معاه ببطاطس بيوريه مثلا أو مكرونة. وفي كل الأحوال لازم يكون تحبت اشرافك.
مع الأسرة
من الحاجات الي بتشجع الطفل أنه ياكل لوحده أما ياكل مع الأسرة. الأطفال مش بتحب تاكل لوحدها وبتتشجع أكتر لو بتاكل مع مجموعة سواء من أهلها أو مع أطفال تانيين.
شجعي الطفل
اهتمي أنك في نهاية الوجبة تشجعي الطفل وتمدحيه علي محاولته حتي لو مخلصش أكله أو مأكلش بالشكل الي أنتي عاوزاه.
علميه بنفسك
ممكن كمان في بداية الوجبة تفهميه ازاي يستخدم المعلقة وممكن يبقي معاكي معلقة زيادة ليكي عشان هو ياكل بنفسه مرة وانتي تأكليه مرة.
نصائــــح
حافظي علي هدوئك وتحلي بالصبر
تعليقات
إرسال تعليق