ازاي اجيب فكرة ناجحة لمشروع ؟

الفكرة هي سبب رئيسي لنجاح اي مشروع وفشله ، فمعظم المشاريع اللي فشلت كانت بسبب ان كلها افكار لناس تانية مكرره بدون اي اضافة جديدة السوق متشبع منها ، الفكره هي حجر الاساس لاي مشروع ، الفكره الناجحه مع التخطيط والتنفيذ الجيد من الممكن ان تقلب حياة صاحبها راسا علي عقب فرأس مال الشركات هي افكارها .

الشكوي مصنع الافكار
الشكوي اليوميه للناس او للاشخاص عامة ، هو عبارة عن احتياج لمنتج او خدمة تسد احتياجتهم ، بيتم اشباع هذه الحاجه او الشكوي عن طريق فكرة جديده بتخلي او بتساعد ان حياتهم تبقي افضل واسهل ، اسمع للناس جيدا ولشكواهم وفكر في منتج او طريقه تسد هذا الاحتياج ، وحاول الابتعاد عن الافكار المكرره ، ففكر في حلول جديده مبدعه وسهله الاستخدام .

التامل والتفكر ، ملاحظة مشكله
و ازاي نقدر نغير ؟او نحلها ؟ ازاي ممكن اعمل حاجه خدميه او منتج يسد الاحتياج ده ، نظرتك بطريقة ايجابيه للمحن او الشكاوي بيساعدك علي انك توجد الفكره.

شركة عالمية تسمي انفنشن لاند هي عبارة عن مكان يعتبر مصنع للافكار او الاختراعات ، ففكرة صاحب الشركه انه وجد ان عدد كبير من الاشخاص عندهم افكار واختراعات لكن مش عارفه ازاي وايه الاليه اللي ممكن يطلعوا بيها المنتج للسوق(مشكلة) ، فبالتالي اسس شركة تخصصها ان اي حد عنده فكرة بيروح بيقولهم الفكره وهما بيجسدوها في منتج (الحل) ، وبيتم تجريب المنتج ونشره في السوق ، اطلقت الشكره الاف المنتجات وتبيع ملايين المنتجات يوميا اللي بتسد احتياجات او مشاكل الناس يوميا .

لرؤية الشركة من الداخل https://www.youtube.com/watch?v=GqMZxxnNMA0

او عن طريق https://www.youtube.com/channel/UCBiv1cbHgV1_p3W17N4jQ

اوجد فريق عمل مؤمن بفكرتك
ستيف جوبز في احد خطاباته قال ان سر نجاح اي شركة ناشئة هي وجود فريق عنده رؤيه مشتركه وشغف وهدف مشترك مع وجود الخبره والمهارة ، وجود فريق كل فرد فيه عنده مهاره معينه محترف فيها مرتبطه بالفكره ممكن ينجح اي فكره ويساعد علي تطويرها ، ووجود فريق عنده حلم مشترك هيساعد علي استمرار المشروع ، اذا حصل لفرد من الفريق حالة احباط او واجهه تحدي هيلاقي اللي يساعده ويقوله علي حلول ابداعية ويقومه ، فتكوين فريق عمل عنده المهاره وعنده هدف مشترك هو من سر نجاح اي مشروع واستمراره .

شخص بمفرده مهما كانت لديه افكار رائعه لا يمكنه صنع شئ عظيم او عمل شركة بمفرده ، فلا يوجد شركه لها مدير هو نفسه مسؤل الدعايا وهو نفسه الموزع .

نعلم ان تكوين فريق لديه المهاره ورؤيه وهدف مشترك ليس بالامر السهل
ولكن الافكار الناجحه تستحق ذلك .

لمشاهدة فيديو ستيف جوبز مؤسس شركة ابل


اوجد ممول لفكرتك
ايمانك بفكرتك ونفعها وفيدتها ، هيخليك تقدر تلاقي الممول اللي يأمن بفكرتك ويدعمك ، هتقابل ناس كتير مش هتؤمن بالفكره ولا تقتنع بيها لكن مع الشغل علي الفكره والبحث والمثابرة ، هتقابل الشخص اللي يستحق انو يبقي جزء من فكرتك ويمولها ، وفي بعض المؤسسات اللي ممكن تساعدك في ده الخ..

حط راس مال كافي
قلة راس المال وعدم اعطاء المنتج او الخدمه حقها في الخامات او التكلفه او ارضاء العميل او الدعايا الخاصة بيها بشكل مباشر ممكن تكون سبب فشل الفكره رغم ابدعها ، لا تختصر بعض الاشياء التي تؤثر في جودة المنتج او الدعايا الخاصه به .

ابدع في فكرة سابقة
هناك العديد من المنتجات والافكار التي طبقت بالفعل وحققت نجاحا ولكن مع تطور الزمن لم تطور هي ايضا ، فمن الممكن ان تاخذ فكرة سابقة وتطورها بشكل يتناسب مع الوقت الحالي وجعلها تستخدم بطريقة اسرع او اسهل ..الخ ، فحاول ان تبدع بها ومن الافضل ان تصنعها بشكل مختلف يشعر فيه المستهلك بالفارق .

قارنها بافكار متشابهه
ادرس السوق وحاول تدور علي الافكار المشابهة للفكرة وادر نقط ضعفهم او اختلافهم عنك او المحاولات السابقة لتنفيذ الفكرة وتعلم من اخطائهم وحاول تجنبها في منتجك او مشروعك

لاتجعل هذه المحاولات تسبب لك الاحباط لانها من الممكن ان تكون محاولات غير مكتمله ،او ليست تطبيق فكرتك تماما بتفصيلها ادرسها جيدا وتعلم من اخطائهم

 نصائــــح
الفكرة الناجحه تحتاج لوقت وتخطيط فلا تتسرع في تنفيذها غير كاملة .
كل محنة منحه .. فكل شكوي هي فكرة وثروة لمشروع .
فريق العمل من اهم عوامل نجاح الفكرة .
المنتج اللي عليه احتياج هو اللي بيوجدلك العميل .
خلي مشروعك يعمل/يسيب فرق قبل وجوده وبعد وجوده في السوق .
المثابرة والشغف سر نجاح فكرة .