المدونة من الحاجات اللي ممكن تستخدمها في حاجات كتير جدا ان هي تكون وسيلة من وسايل الاعلان والترويج لمشروعك ، او ممكن تستخدمها في الدعايا او الاعلان ، تقدر من خلالها تعرض افكارك وارائك في كل المجالات ، تنشئ بشكل عام محتوي في اي مجال حابه ويكون مسجل ومأرشف تقدر ترجعله في اي وقت ، وتقدر من خلاله تطلع عائد ربح كل ما بيزيد عدد المشاهدات او الزوار بالاضافة لانه مجاني وسهل الاستخدام
اعمل اكونت علي جوجل
عشان تقدر تعمل مدونة خاصة بيك فلازم يكون ليك حساب علي جوجل لان موقع بلوجر اللي هتنشـأ من خلاله مدونتك مملوك لجوجل ، الخطوات بسيطة جدا عشان تقدر تعمل حساب علي جوجل هيطلب منك تكتب اسم الايميل والباسورد وهيبعتلك رسالة علي موبايلك فيها كود او رمز بتدخله وبكدة تكون عملت اكونت علي جوجل خاص بيك ، لعمل اكونت علي جوجل ادخل علي الموقع التالي .
(www.googlemail.com)
ادخل علي بلوجر
عشان تعمل مدونتك ادخل علي موقع بلوجر ، وابدء اتبع بعض الخطوات البسيطة عشان تعمل بلوجر (مدونة)خاصة بيك ، اللي من خلالها تضيف المواضيع او المحتوي اللي هتقوم بكتابته وبناءا علي عدد الزوار او المتصفحين لمدونتك هيدر عليك الربح او المال
https://www.blogger.com/about/?r=1-null_user
وعشان تعمل بلوجر خاص بيك اتبع الخطوات التالية
دخل ايميل الgmail والباسورد الخاص بيه (ايميل اللي قمت بانشائه علي جوجل)
اختار new blog مدونة جديدة
هيطلب منك (blog title ) اسم المدونة ولتكن هتسميها ezay
وهيطلب (blog address URl ) اما في خانة العنوان هتكتب بالانجلش رابط مدونتك وليكن ezayblog وبالتالي هيصبح رابط مدونتك هو ezayblog.blogger.com
اختار شكل مدونتك
هيطلعلك مربعات او اشكال تختار منها شكل مناسب لمدونتك حاول تختار شكل يجذب الزوار الخاصين بيك ، هتختار شكل منهم وتدوس علي creat blog اي انشاء المدونة وبكدة فانت قدرت تنشا مدونة خاصة بيك واكملت انشائها .
ضيف المحتوي
دلوقتي هتختار new post وتبدا تكتب الموضوع اللي هتتكلم فيه وعنوانه وبعد انتهاء كتابة المحتوي او الموضوع اضغط علي publish وبكدة بقي عندك اول موضوع في المدونة .
اعمل بيدج علي الفيس بوك
اعمل بيدج علي الفيس بوك عشان تقدر من خلالها تشير مدوناتك وتزيد عدد المتابعين لمقالاتك ومن خلاله تقدر تعمل اعلانات مدفوعة وتزود عدد المتابعين ليك او تختار موضوعات مؤثرة في حياة الناس اليومية وبتثير اهتمامهم او بيفكروا فيها دايما وده هيزود عدد الشير والتعليقات وبالتالي اشهار البلوجر الخاص بيك ، لو كنت شخص عنده فلورز /متابعين كتير علي الفيس بوك فده هيساعدك انك تجيب عدد زوار اكتر لموقعك .
تعليقات
إرسال تعليق