ازاي اعرف اني بعاني من نقص الفيتامينات ؟

نقص كميات الفيتامينات اللازمة للجسم بتسبب اضرار وخيمة بتاثر علي صحة الفرد ومجهوده وانتاجيته بسبب شعوره الدائم بالارهاق والتعب والخمول ، رغم انها من المشاكل الصحية البسيطة وسهلة الحل ، عشان كده في المقال ده هنقولك علي بعض العلامات اللي تساعدك تعرف اذا كنت بتعاني بالفعل من نقص بعض الفيتامينات او لا ؟

 صحة الشعر والاظافر
تساقط الشعر يوميا بكمية اكبر من الحد الطبيعي وهو 100 شعرة في اليوم من المنبت او الجذور كاملة ، وتدهور حالة الشعر في العموم من تقصفه وضعفه بيدل علي نقص بعض الفيتامينات بالجسم .

ضعف حالة الاظافر وسهولة تكسرها او وجود تشققات بها ، المشاكل الخاصة بالاظافر وبضعفها في الغالب بيكون نتيجة لنقص فيتامينات محتاجها الجسم .

 وجود هالات سودا
وجود هالات سودا حول العين من ضمن الاعراض الرئيسية لوجود انيميا ونقص بالحديد والزنك وانخفاض ضغط الدم وبيحتاج علاجه لبعض الفيتامينات زي فيتامين E وفيتامين C وفيتامين K .

 الشعور بالدوخة والخمول
الشعور بنوبات من الوخة وعدم الاتزان مع تكرارها والاحساس بالخمول والكسل والنوم اكتر من الحد الطبيعي ، قد يكون مؤشر لنقص الفيتامينات بالجسم خصوصا فيتامين “د” او نقص بالحديد ووجود فقر دم .

 وجود مشاكل بالبشرة
وجود بعض المشاكل بالبشرة كجفافها او ظهور الحبوب ببعض الاماكن بالوجهه وعدم نضارتها قد يكون مؤشر لنقص فيتامين “د” لان نقص فيتامين “د” بيؤدي لضعف الجهاز المناعي بالجسم المسؤل عن ظهور الحبوب وبشرة مترهله وغير نضرة .

 الاصابات المتكررة بنزلات البرد
لو انت من الاشخاص اللي بتعاني باستمرار من نزلات البرد وسهولة الاصابة بيها مصاحب لنزيف باللثة وبطئ التام الجروح فدي من ضمن المؤشرات لنقص فيتامين “ج” بالجسم .

 تنميل الاطراف المتكرر
الشعور بتنميل في الاطراف “اليدين_القدمين” باستمرار قد يكون بسبب ضعف عام في الاعصاب بسبب نقص فيتامين “ب” ، لذلك من السهل معالجتها بتناول اقراص او اخذ حقن فيتامين “ب” ،ازاي اتخلص من تنميل الاطراف .

 اعمل تحاليل دم
اعمل تحاليل دم تتاكد بيها من نسب الفيتامينات في الجسم هي اللي هتحددلك بدقة انك بتعاني من نقص بعض الفيتامينات في جسمك او لا ، من المهم عمل تحليلات الدم باي معمل تحاليل مختص قبل البدا في تناول اي دوا او عقار .

نصائــــح
متاخدش اي دوا بناءا علي الاعراض فقط من المهم التاكد بالتحليلات اللازمة .