بتشتكي كتير من نسيان الاسماء وبتنسي مواعيدك وبعض الاشياء الخاصة بيك في اماكن بره البيت ،
1 زود من الماكولات البحرية
ازاي اقوى ذاكرتى
حافظ علي اكل الماكولات البحرية باستمرار اكتر من مره اسبوعيا مشوية او في الفرن ، لان الماكولات البحرية غنية بالبروتينات ودهون اوميجا 3 اللي بتساعد في الوقاية تلفيات المخ اللي بتسبب فقدان الذاكرة والتقليل من نسبة حدوث الجلطات.
خد حبوب اوميجا
تقدر تتناول اوميجا 3 علي شكل حبوب “ادوية “يوميه بعد استشارة الطبيب عن الكمية المناسبة هتساعدك بشكل كبير ومباشر علي تحسين الذاكرة وعمل المخ عموما لانها بتساعد علي تحسين الصحة النفسيةو الذاكرة، وزيادة القدرة على التركيز، وتحسين المزاج،وبتمنع الإصابة بمرض الزهايمر لان زيوت الاوميجا 3 بتدخل في تركيب الأغشية الخلوية العصبية ، اللي بتحافظ عليها من اخطار النسيان .
حبوب اوميجا 3 هتساعك بشكل مباشر علي تقوية الذاكرة وتقليل الضغط وتجنبكتير من الاعراض المرضية التانية ،حبوب الاوميجا لا تتسبب في اي اعراض جانبية الا في حالة تناول جرعات زايدة ، اسال الطبيب عن الرجرعات المناسبة يوميا .
تابع نقص الفيتامينات بجسمك
نقص الفيتامينات بالجسم بشكل عام بياثر علي الذاكرة ، من الفيتامينات اللي ننقصها بياثر بالسلب علي الذاكرة (فيتامين B6 ، B12 ، الزنك والحديد والفوليك اسيد ).
اكثر من تعويض الفيتامينات دي في الجسم عن طريق بعض الماكولات زي السبانخ والخضروات الداكنة والفواكهة او عن طريق اخذ مكملات غذائية باستشارة الطبيب ، تعويض نقص الفيتامينات هيساعدك تحسن من قدرة ذاكرة 4 اضعاف من السابق .
2 اشرب ماية بانتظام
ازاي اقوى ذاكرتى
الماية من الحاجة الاساسية اللي بيحتاجها الجسم عشان يوصل الاكسجين للمخ اللي بدوره بيساعد في عملية التركيز والتذكر ، نقص الماية في الجسم باستمرار بيسبب النسيان ،اشرب ماية يوميا بشكل منتظم بكمية لا تقل عن 2 لتر .
اشرب كوباية شاي يوميا
انتظم علي تناول كوباية من الشاي الاخضر او الاسود يوميا لانها بتساعد علي تحسين الذاكرة وتنشيط الذهن ، اثبت العلماء ان الانتظام علي تناول كوباية من الشاي يوميا بيعيق نشاط انزيم “آسيتل كولين استيريز” اللي ترسبه بيؤدي الي ظهور مرض الزهايمر .
النوم بعمق
لو كنت من الاشخاص اللي بتعاني من بعض الاضطرابات في النوم ، او مش بتنام العدد الكافي من سعات النوم يوميا ، ده ممكن يكون من الاسباب الرئيسية والمباشرة للمعاناة من ضعف الذاكرة ، المقال ده هيساعدك انك تتغلب علي المشاكل الخاصة بالنوم ازاي تتغلب علي مشكلة الارق .
نام العدد الكافي من الساعات لجسمك وصحتك يوميا ، اكد العلماء والابحاث ان النوم مهم لنشاط المخ وانه بيقوي الذاكرة وبيحميها من اعراض التشوش والتاكل او التلفوبيساعد علي تعزيز قدرات التعلم .
كل زبيب ولوز
ضيف الزبيب واللوز يوميا علي الماكولات او المشروبات الخفيفة زي البليلة او الرز باللبن او في العموم علي اي وجبات خفيفة لان الزبيب واللوز غني بالفيتامينات والحديد اللازم للذاكرة وبيساعدوا علي تنشيط خلايا الذاكرة .
درب عقلك
المخ زيه زي اي عضلة في الجسم لو اتدربت واستخدمت بتقوي وبتنمو ولو اهملت ومستخدمتش بتتلف وبتضعف وبتدهور ، العقل كل ما بيستخدم عن طريق التفكير والقراءة وحل الالغاز او المسائل الرياضية او في الشغل عموما كل ما بينشط وقدرته علي الاستيعاب والتركيز بتزيد .
متعودش دماغك علي الحفظ ، اقرا يوميا بانتظام في اي مجال مهتم بيه او بتحبه وبعدها حاول تختبر ذاكرتك بانك تقعد في مكان هادي وتحاول تفتكر اهم النقط اللي كنت بتقرئها عن طريق استدعاء اهم الافكار الخاصة بالجزئية دي ، وكذلك حاول تسترجعها مره تانية قبل ما تقرا تاني يوم جزئية جديدة ،وهكذا داوم علي القراءة يوميا وداوم علي تدريب دماغك بانك تراجع اللي قراته ، ده هيبقي بمثابة تدريب يومي للمخ بيزود من نشاط الدماغ والعقل .
مارس نوع من الالعاب اليومية اللي بيعتمد علي التفكير زي الشطرنج او الكلمات المتقاطعة او العاب الموبايل عموما اللي فيها الغاز بتعتمد علي التفكير .
نظم حياتك
نظم حياتك عموما سواء المقتنيات الخاصة بيك او المواعيد والمهام اللي محتا تنجزها يوميا ، احاطة الشخص بالفوضي في الحياه عموما والتشتت وعدم التركيز من الاسباب الرئيسية للنسيان …
نصائــــح
سمك السالمون والتونة والسردين والرنجة من الماكولات البحرية المشبعة بالاوميجا 3 اللي بتحسن الذاكرة .
البيض واللبن والجبنة واللحم البقري غني بمادة الاوميجا 3 .
تناول حبوب الاوميجا 3 مع الوجبات ولا تتناولها علي معدة فارغة .
تعليقات
إرسال تعليق