في المقال ده هنساعدك ببعض الطرق العملية اللي تقدر بيها تحافظ علي ريحتك منتعشة طول اليوم لان في جزء كبير من الناس بيعاني من الاجواء الحارة خصوصا مع المجهود طول اليوم اثناء الشغل او الدراسة انها بتكون سبب في كتر العرق وانه مش قادر يحافظ علي ريحته نضيفة ومنعشه .
حافظي علي هدومك نضيفة
اغسلي هدومك بعد كل خروجة خصوصا في فصل الصيف وضيفي بعض النقط من معطرات الملابس علي الهدوم ، تجنبي تماما عدم الاهتمام بغسل ملابسك باستمرار في فصل الصيف لان ده من الاسباب الرئيسة لتراكم رائحة العرق اللي بتسبب رائحة كريهه .
استخدمي ماية ورد
بعد كل شاور استخدمي قطنة بماية ورد ابدئي امشي بيها تحت الابطين وبين الارجل وخلف الاذنين او اي منطقة بالجسم عموما بينها انثناءات ده هيساعدك دايما ان حتي ريحة العرق نفسها تبقي لطيفة وريحتها منعشة وغير منفرة .
اكثري من الاستحمام
عشان دايما تكون ريحتك منعشة لازم يكون الاستحمام روتين يومي صبح وليل او مرة يوميا علي الاقل خصوصا في فترة الصيف ، لان قلة الاستحمام بتساعد علي تراكم العرق والاتربة اللي بتسبب رائحة كريهه .
حاول تتواجد في اماكن مكيفة
كل ما بتزيد درجة الحرارة و عدد ساعات وجودك في الشمس عموما ده بيساعد علي زياد التعرق وبالتالي رائحة غير منعشة ، حاول تكيف الاماكن اللي بتتواجد فيها لفترة طويلة وفيها نسبة حرارة عالي ان امكن ، لان ده هيساعدك بشكل كبير تقلل من التعرق وبالتالي هتحافظ علي رائحتك منتعشة فترة طويلة .
خصصي هدوم خاصة باعمال التنضيف
خصصي هدوم خاصة بجميع اعمال التنضيف بالمنزل سواء بالمطبخ او اثناء نتظيف الشقة او اي عمل هتبزلي فيه مجهود هيسبب كمية اكبر من العرق ، خصصي قطع من هدومك قديمة وقطنية لاعمال التنضيف والطهي .
عطري ملابسك
بعد غسيل الملابس حاولي تعطريها قبل تطبيقها واحتفظي بيها في الدولاب معطرة ، او استخدمي بعض الرشات من البرفيم المفضلة ليكي داخل الدولاب علي جميع الملابس بكمية بسيطة ، هيساعدك دايما ان تكون ريحة الملابس منعشة ونظيفة .
استخدمي برفيم
حافظي علي استخدام البرفيم يوميا علي الاقل مرتين صباحا ومساءا ، لو انت من الاشخاص الليعندهم حساسية للبرفيم فالاسبراي الافضل لانه ريحته وتركيزه هيكون اخف هيساعدك ان ريحتك تكون جميلة باستمرار من غير ما تسببلك اي ضرر .
اعملي اسبراي ملطف
اختاري اي عبوة بلاستيكية عندك فاضية ببخاخ وضيفي بيها كمية من ماية الورد او ماية مقطرة عادية من الصيدلية عليها نقط من الجلسرين ونقط من الزيوت اللي ريحتها محببه ليكي سواء ريحة النعناع او الورد او الكافور او حتي نقط من المسك ، واحتفضي بيها في التلاجة ورشي منها علي الجسم كل فترة هترطب جسمك باستمرار وهتساعد علي ريحتة نضيفة ومنعشه .
استخدم المرطبات يوميا
منتجات العناية بالبشرة عموما مميزة بروايحها الجميلة والمنعشة بجانب حفاظها علي البشرة رطبة استخدمها يوميا هتساعدك ان الجلد دايما يكون ريحته جميلة ومترطب ، وكمان استخدمي اللوشن اللي بعد الاستحمام هيكون ليه نفس التاثير .
نصائــــح
غطي شعرك بغطاء خفيف اثناء تحضير الطعام عشان تحافظي علي ريحته دايما .
تعليقات
إرسال تعليق