ازاي تتعامل مع اهلك الكبار في السن

ازاي تتعامل مع اهلك الكبار في السن ازاي تتعامل مع اهلك الكبار في السن
اولا لازم ندرك ان من الطبيعي يحصل تغيرات للاهل ولطباعهم وسلوكهم لما يكبروا في السن ونتفهم ده بسبب اختلاف الحاله النفسيه ليهم وصحتهم وحتي الماديه وكل ده بياثر عليهم بشكل مباشر وعلي تصرفاتهم ، وعشان حالتهم النفسية مهمه لصحتهم يبقي لازم نعرف ازاي نتعامل معاهم ونساعدهم يكونوا مبسوطين وفي احسن حال .

1 شجعهم واديهم امل
في مرحله من ٦٠-٦٥ بيصاب الاب والام بحاله من انعدام الرغبه او الدافعيه وده بيخليهم يفقدوا الرغبه في الاشياء وبتقل صرعاتهم مع الدنيا وبيبدؤا بيفقدوا شغفهم وحماسهم للافكار الجديده وبيبقي في حاله من رفض اي تغير ، وده بسبب احساسهم بكبر السن وانهم ادوا ادوارهم واتموها علي اكمل وجهه وبسبب التقاعد من الشغل ،في المرحله دي بيحتاجوا مننا اننا دايما نحكيلهم علي ناس كبيره في السن وصحتها كويسه وعندها انجازات ونشجعهم يعملوا ده ونكلمهم دايما عن الحياه بنظره تفاؤليه وقولهم اخبار سعيده واديهم دايما امل ان الانسان يقدر يعيش لسن كبير بصحه كويسه وان هو المسؤل عن ده عن طريق اهتمامه بصحته

2 زود اهتمامك بيهم
في الفترة دي بيبقي الاب والام مستني ومتظر الاهتمام من الاخرين لان بينتقل الاهل من كونهم مركز القوه وانهم هما اللي بيصرفوا علي اولاده وبيعولهم لانهم هما اللي في احتياج لاهتمام منهم ، من العوامل اللي بتاثر جداا علي نفسية الاهل في المرحله دي انو يحس بعدم الاهتمام وعدم السؤال من اولاده والاهمال ، من الضروري جدا انك تخصصلهم وقت يوميا تسال عليهم وعلي احوالهم ولو في التليفون وزيارة اسبوعية علي الاقل و لو محتاجين اي حاجه تشتريهالهم علي قدر استطاعتك .

3 اقترح عليهم مشروع او عمل حر
اقترح عليهم يقوموا باي مشروع او عمل حر خاص بيهم علي قدر الماديات والحاله الصحيه والوقت او المجهود المتاح ، اي عمل حر حتي لو صغير مش لدافع المكسب والشغل في حد ذاته علي قدر ماهو عامل نفسي مهم هيساعده نفسيا انو يحس بان ليه قيمة وهدف واهمية وهيساعده بشكل غير بماشريقابل ناس ويتكلم معاهم ويقلل من احساسه بالوحده او الاحساس بالعجز والكبر في السن .

4 عليك بالصبر واللين
في الفتره بيبدا يحصل تلف في بعض خلايا المخ وتراجع في الذاكره ،فبيدا يحس الاهل بالضعف بعد القوة و بيحصل نوع من النسيان ممكن تطلب منهم حاجات وينسوها او ينسوا حاجات مهمه في اماكن بره البيت او يحكولك حاجه وينسوا ويرجعوا يكرروهالك تاني ودا عرض طبيعي جدا للفتره دي ، فما عليك الا انك تتقبلهم زي ما هما وتتعامل بالصبر واللين .

كمان من التغيرات اللي بتطرا عليهم هي العصبيه لاتفه او ابسط المواقف وباسباب وبدون اسباب في الفترة دي محتاجين من اولادهم انهم يسايسوهم او يصبروا عليهم ويحاولوا يهدوهم وينفذوا لهم اللي هما محتاجينه بالشكل اللي هما محتاجينه بدون جدال كبير .

5 خليك مستمع جيد

الفتره دي هي الفتره اللي شريط حياتهم بيعدي قدامهم لحظه بلحظه ، وبيبدا الحاضر يتلاشي ويعيشوا مع الماضي ومع ذكرياتهم كمان وجود وقت فراغ مع العزلة بيساعد علي ده ، حاول تكون مستمع جيد ليهم حتي لو عادوا لك نفس الموقف اكتر من مره ، اسمعهم كويس واتكلم معاهم واسمع مشاكلهم واحساسهم حاول تفصل بين حياتك الشخصيه ومشاكلك لما تقعد معاهم وتفضيلهم ذهنك وتسمعهم كويس وتتكلم معاهم .

6 متبلغهومش الاخبار السيئة

علي قد ماتقدر حاول متبلغهومش اي خبر سئ خاص بيك لانهم بيحزنوا جدا وبيشيلوا همك وبيفضلوا يفكروا فيه طول الوقت ومتبلغهومش الاخبار السيئه بشكل عام لان ده بياثر علي نفسيتهم بالسلب ، بلغهم الاخبار السعيدة بتفاصيلها ده ، العامل النفسي من الحاجات المهمه جداا اللي بتاثر علي صحتهم بشكل مباشر في الفتره دي فحاول تراعيه لاقصي درجة ممكنة .

idea نصائــــح
وجودك جمب اهلك علي قد ما تقدر اهم من الفلوس اللي بتبعتهالهم كل شهر .
في حالة وجود احد الابوين متوفي حاول متسيبش الطرف التاني مقيم بالبيت لوحده .

 #اداب التعامل مع كبار السن, #اسئلة عن كبار السن, #اشياء تسعد كبار السن, #العناد عند كبار السن, #تصرفات كبار السن, #حوار عن كبار السن