القائمة الرئيسية

الصفحات

ازاى العب مع ابني حديث الولادة








اللعب هي الطريقة الرئيسية والأساسية الي الطفل بيتعلم من خلالها الحركة والتواصل والتعامل مع البيئية المحيطة بيه. خلال الشهور الأولي من حياة الطفل، الطفل بيتعلم من خلال التعامل مع الأم وعشان كدة أمهات كتير بتسأال إزاي العب مع ابني حديث الولادة. إجابة السؤال ده في الخطوات التالية.

 اتكلمي مع طفلك وغنيله


بالرغم من إن حديث الولادة يبدوا عليه أنه غير مدرك لكن كلام الأم معاه بيفيده وبيعلمه وبيثري عنده الناحية اللغوية جدا. اهتمي إنك تتكلمي مع ابنك وممكن كمان تربطيله كلمات معينة بأوقات معينة زي صباح الخير في أول اليوم وتصبح علي خير بالليل عشان يربط الكلام بالأحداث الي بتحصل في الوقت ده.

 إلمسي ابنك


كتير من الأمهات بينساقوا ورا عادات مجتمعية بتتلخص أن الأم لازم تلبس ابنها طباقت كتير من اللبس وده في حدود معينة ممكن يبقي مسموح بيه في الجو البارد لكن لو الجو مناسب حاولي أن يبقي في جزء من جسم ابنك مكشوف زي ظهره وبطنه والمسيه وطبطبي عليه. الأطفال حديثة الولادة بتحب اللمس جدا.

 شيلي ابنك!


من ضمن المعتقدات الي الناس بترددها أن الأم مش المفروض تشيل الطفل حديث الولادة كتير والأفضل أنها تسيبه يعيط لكن الحقيقة عكس كدة. شيلي ابنك واحضنيه واتمشي بيه ده مفيد لطفلك وبيلبي احتياجات نفسية عند الطفل حديث الولادة.

 اخرجي معاه


من المهم أن الأطفال تتعرض للهواء والشمس وبيئة مختلفة عن البيت وبعض الأمهات بتتخيل أن ده مهم فقط للأطفال الأكبر سنا لكن الحقيقة أن حتي الأطفال حديثي الولادة مهم يخرجوا ويشوفوا الشمس والنباتات والخضرة أو حتي لو خروجة بسيطة للبلكونة.

 خلي وقت الاستحمام للعب


الطفل حديث الولادة بطبعه بيحب المياة، حاولي تجيبي الكرسي المخصص لاستحمام الأطفال حديثي الولادة وحطيه في مستوي مناسب من المية الدافية وطبعا متسيبيس أبدا الطفل لوحده ودي هتكون فرصة لابنك ان يحرك ايده ورجله ويحس بالمية من حواليه.

 استخدمي الألعاب المناسبة لسنه


في العاب كتيرة للأطفال حديثي الولادة والي منها حاجات بتتلبس في ايه او رجله وتعمل صوت كل اما يحركهم. في كمان كتب مصنوعة من القماش وبيكون فيها خامات مختلفة ممكن تمرري ايد الطفل عليها عشان يحس بملمس الخامات المختلفة بين ناعم وخشن ومتوسط. ابتعدي تماما عن أي ألعاب أو حاجات فيها قطع متير صغيرة لأنها خطر علي طفلك.

نصائــــح
متسيبيش الطفل لوحده مع الألعاب أو في المية أو فوق سطح مرتفع تحت أي ظرف.
استمتعي باللحظات دي مع الطفل الحلوة والصعبة لأنها بتبقي فترة بسيطة من حياته
اهتمي بنفسك ومزاجك وأكلك عشان تقدري تهتمي بطفلك كويس


هل اعجبك الموضوع :

تعليقات