سرقة العربيات بقت ظاهرة منتشرة جدا الفتره الأخيره .. كمان الموضوع ده مبقاش مجرد خبر عادي بنقراه كل فتره لكن ده تحول لظاهرة واسعة جدا وأتحول لأنه بقى فيه عصابات متخصصة في سرقة العربيات بس وبتطلب مبالغ ضخمة بعد سرقة العربيه علشان يرجعولك عربيتك . والأمر بقى مش مجرد أنك راكن عربيتك جنب البيت فتصحى متلاقيهاش لكن ده بقى فيه كمان تثبيت في المناطق الهاديه أو على الطرق السريعة . وهنعرف ازاي النهارده نحمي العربية من السرقة .
ركب جهاز إنذار
جزء مهم جداً من تأمين عربيتك وهو تركيب جهاز إنذار متطور وحساس جدا للحركة وده هيساعدك كتير جدا علشان تتابع عربيتك وتراقبها كويس من أي حد يقرب منها ويحاول يحرك أي حاجه فيها . واللي لازم يكون حساس لكسر الباب والنوافذ وكاشف حركة.
تنقسم أجهزة الإنذار ضد السرقة إلى نوعين:
النوع الأول -أجهزة إنذار ضد السرقة سلكية:
يتم توصيلها بأسلاك الى الجهاز الرئيسي الذي يقوم بتغذية هذه الأجهزة بالكهرباء اللازمة لها والفولت التى تعمل من خلاله اللي هي الفيوز .
النوع الثانى -أجهزة إنذار ضد السرقة لا سلكية:
وتعمل هذه الأجهزة على إرسال إشارات أو رسائل إلى الجهاز الذي يقوم بتنبيه صاحب العربية -موبايل مثلاً- علشان يقوم بأخذ استعداداته للحفاظ على ممتلكاته .
ركب جهاز تتبع
في حالة سرقة العربية لا قدر الله فلازم تكون مأمن نفسك وتحط جهاز تتبع أو ما يسمى GPS Tracker .
والجهاز ده وظيفته أنه بيساعدك في تحديد مكان العربية فى أى وقت وفى أى مكان فى العالم عن طريق الأقمار الصناعية مع إمكانية معرفة حالة العربية (متوقفة – متحركة ) بمجرد النظر إلى شاشة التتبع وده عن طريق ربطه بجهاز معين أو بموبايلك وكمان بيتيح ليك أنك تشغل الـ Speaker وتسمع كل صوت بيتقال في العربيه
استخدم قفل السيارة
بعض الناس بيفضل استخدام الأقفال عند توقفها في أي مكان ونسبة الحماية بأستخدام الوسيلة دي مش كبيرة جدا لأن الحرامي بيعرف ازاي يفكه والعامل الوحيد اللي ممكن يفيد أن الحرامي بياخد بعض الوقت في فكه علشان كده الفايدة الحقيقية هنا هتكون في امتناع بعض الحرامية عن سرقة العربية علشان الحرامي عاوز حاجه سهله وبعيده عن الوقت الكتير بس بردوا دي وسيلة ضرورية بس مينفعش تعتمد عليها لوحدها
والأقفال دي ليها أنواع كتير جدا منها –
قفل الدركسيون فقط .
دراع قفل الدركسيون مع دواسه واحده فقط زي الفرامل أو الدبرياج .
قفل دواسه فقط .
قفل فرامل اليد .
قفل عصا الفتيس .
قفل الكاوتش .
نظام الأموبليزر
هو نظام موجود في العربيات الحديثه ولازم تركبه في عربيتك لو طرازها قديم و وظيفة النظام ده هي منع تشغيل المحرك إلا عن طريق المفتاحين الرئيسيين اللي بتستلمهم مع العربية .
لا تثق في كل الناس
متثقش في كل واحد يقولك مثلاً حاسب أنت خبطت عربيتي أو حاسب ده الكاوتش عاوز يتزود أو أي حاجه من الخدع دي وحاول متقفش الا لما تروح أقرب بنزينه أو مكان فيه ناس كتير وتتأكد من عربيتك . وعلى الطرق السريعه في بعض الناس بترمي على عربيتك أي حاجه تحجب عنك الرؤية فحاول تحافظ على ثباتك الأنفعالي وبردوا متقفش أبداً
نصائــــح
حاول تتجنب الأماكن الضلمه والجديده عليك واللي مش عارف مداخلها ومخارجها
متعرضش توصيل حد متعرفوش أو شكله غريب
متركنش في مكان فاضي أو متعرفهوش أو بعيد عنك علشان تقدر تسمع صوت الإنذار لو لا قدر الله حصل حاجه
متخليش حاجه مهمة أو غاليه في عربيتك ولو أضطريت تعمل كده يبقى لوقت قصير ويكون مش ظاهر للناس اللي بره العربية
إتاكد أنك قفلت الدركسيون (المسوجر) لما تركن عربيتك
شيل مفتاح العربية حتى لو نازل تشتري حاجه بسيطه وسريعه من السوبر ماركت
#اسعار اجهزة حماية السيارات من السرقة, #افضل طريقة لحفظ السيارة من السرقة, #كلابش السيارة لمنع السرقة
تعليقات
إرسال تعليق