كتير مننا بيفاجئ إن مؤشر الحرارة عنده في العربية أرتفع بشكل كبير ومش طبيعي وهو سايق مسافات قصيرة وبدون سفر فلازم أول ما تلاقي المؤشر أرتفع بشكل متكرر وبدون سبب واضح لازم متتجاهلش اﻷمر
قربة المياه
إتأكد من وجود مايه كفايه في قربة المايه علشان ممكن يكون فيه تسريب وبكده نظام التبريد مش هيشتغل كويس
غطاء قربة المياه
لو مستوى المايه كويس في قربة المياه يبقى تحاول تتأكد إن غطاء القربة محكم القفل ومفيهوش تسريب علشان قربة المياه متأخدش هوا علشان لو أخدت هوا هتسبب حرارة عالية ولازم تسحب الهوا ده من قربة المايه علشان ميقطعش في دورة التبريد .
مروحة تبريد الموتور
إتأكد من إن مروحة التبريد على الماتور شغاله ومفيهاش أي عطل لأن عطلها أو ضعف أداءها بيسبب أرتفاع السخونية في العربية وممكن يضرب وش السليندر .
الترموستات
وجود عطل في ترموستات الكوع في نظام التبريد وده لما بيبوظ بيقفل الكوع ومش بيسمح للمايه أنها تدخل لدورة التبريد وبيسبب خلل في وقت تشغيل مروحة التبريد على الماتور واللي المفروض متشتغلش إلا عند درجة حرارة 90 درجة مئوية الترموستات عبارة عن حساس للحرارة بيدي إشارة كهربية للمراوح وعداد الحرارة في التابلوه والكوع عبارة عن “محبس” مهمته إنه يتحكم في وصول المياه للرادياتير .. يعني لما العربية تبقى باردة يمنع وصول المياه للردياتير عشان الموتور يسخن بسرعة وياخد وضع التشغيل بأسرع وقت .. ولما المياه تسخن يبدأ يفتح السكة للرادياتير عشان يبردها وبكده يحافظ على درجة حرارة ثابتة للتشغيل .
نصائــــح
لو كل الخطوات تمام ومفيهاش مشكله يبقى لازم تعمل كشف أعطال بالكمبيوتر عند أي مركز كويس علشان تعرف لو فيه أي جزء عمره الأفتراضي إنتهى زي حزام (القشاط) لمضخة نظام التبريد أو وجود شوائب في مضخة المايه
#ارتفاع حرارة السيارة اثناء السير, #ارتفاع حرارة السيارة عند المشي, #ارتفاع حرارة السيارة فجأة, #اسباب ارتفاع حرارة السيارة عند السرعة, #اسباب ارتفاع حرارة السيارة عند الوقوف, #اسباب ارتفاع درجة حرارة محركات الديزل, #اضرار ارتفاع حرارة السيارة, #علاج حرارة السيارة
P
تعليقات
إرسال تعليق