القائمة الرئيسية

الصفحات

ازاى توفر فى بنزين العربية




بعد الارتفاع في البنزين والسولار والخطة لرفع الدعم تدريجيا عن البنزين والمواد البترولية عموما هيخليك تلقائيا تفكر في الطرق اللي من خلالها تقدر تقلل من استهلاك البنزين وهل في ما يسمي بالقيادة الاقتصادية ؟وازاي اوفر من استخدامه ؟

متفتحش الشباك كامل
لما تكون سايق علي سرعة كبيرة او علي طريق سريع متفتحش الشباك كامل لان ده بيزود مقاومة الهوا وبالتالي بيزيد استهلاك العربية من البنزين ،افتح التكيف والعربية علي سرعة عالية وافتح الشباك والعربية علي سرعة منخفظة .

متدوسش فرامل وانت علي سرعة عالية كتير
حاول تمشي بسرعة مستقرة ولما تكون علي سرعة عالية وتقلل من سرعة العربية عن طريق انك تشيل رجلك من علي البنزين .

متسخنش العربية لفترة طويلة
سخنها لفترة مش طويلة والافضل تمشي اول كيلو بسرعة قليلة وده هيتكفل بتسخينها وان الزيت يفك تدريجيا ، اما العربيات الحديثة فمبتحتاجش للتسخين اكتر من 30 ثانية .

افتح الشباك قبل ما تشغل التكيف
لو راكن العربية في الشمس لفترة طويلة فحاول تفتح الشباك لمدة كام دقيقة عشان الهوا السخن يخرج قبل ما تفتح التكيف لان التكيف بياخد وقت وجهد كبير عشان ينقل العربية من مرحلة السخونة الشديدة للبرودة وده بيزود من استهلاك البنزين بشكل كبير .

متمشيش بسرعة عالية
زيادة السرعة عن 95 كيلو بيزود من استهلاك البنزين 10% علي كل 10 كيلو زيادة فوق سرعة 95 .

افصل العربية لما تقف
حاول تفصل العربية فالاشارات ولو هتقف فترة طويلة اكتر من ثواني فالافضل فصل العربية واعادة تشغيلها عند التحرك لان ده بيخلي الموتور يستهلك بنزين حتي لو العربية واقفه ، فصل العربية واعادة تشتغليها مبيزودش من استخدام البنزين لكن تركها مفتوحة بيزود بنسبة 12% .

اركن العربية وشها للشارع
متركنش العربية بالعكس بحيث ان ظهرها يكون للشارع لان ده بيضطرك انك ترجع بالعربية للخلف وده بيخلي العربية محتاجة تاخد دفعة وهي لسه بتتسخن وبالتالي بيزود من استهلاك البنزين ، علي عكس لو كانت في اتجاه الشارع فتقدر تسخنها من خلال مشيك بسرعة قليلة .

 غير الزيت واملا الرداتير واتاكد من المرو
اتاكد من ان العربية فيها ماية كافية والمروحة سليمة لان سخونة الموتور بتزود من استلاك البنزين ، وكذلك غير الزيت باستمرار لان قلة لزوجة الزيت وارتفاع رخوته بيزود من استهلاك البنزين بنسبة 3 % .

حافظ علي ضغط الكاوتش
حافظ علي ان الكاوتش يكون مظبوط وزواياه مظبوطه ، لان الكاوتش لما بيكون فاضي بيخلي الموتور بيذل مجهود مضاعف عشان يدي دفعة للعربية ويمشيها وده بيزود من استهلاك البنزين بنسبة 70% .

متحتفظش باوزان تقيله في شنطة العربية
متحتفظش بحاجه وزنها تقيل في شنطة العربية او علي الشبكة مش محتاجها لان كل وزن زيادة 100 كيلو بيزود من استهلاك البنزين ، العربية مش مكان للتخزين .

 اهتم بالنقل
متمشيش علي الاول فترة طويلة والعربية محتاجة تاخد التاني ، ومتمشيش علي التاني والعربية محتاجة تاخد التالت وهكذا ، لان ده بيزود الحمل علي المحرك وبالتالي بيزيد استهلاك البنزين.

متزودتش سرعتك علي فجاة
الضغط فجاة علي البنزين بيضخ كمية كبيره من البنزين وبيسبب تهدير في البنزين زود سرعتك تدريجيا وتجنب السواقة العنيفة لانها السبب الرئيسي في زيادة استهلاك البنزين .

متستناش لما البنزين يخلص
حاول تفول والعربية وهي فيها بنزين سواء تلت او نص التنك عشان تحافظ علي كمية البنزين اللي بتدخل للموتور ومتقلش كفائته فيضطر يستخدم بنزين اكتر .

اشتري عربية صغيرة
كل ما العربية كانت اكبر حجم كل ما متورها كان اكبر واستخدمها للبنزين اعلي العربيات الصغيرة تعتبر عربيات اقتصادية من حيث استخدام البنزين .

نصائــــح
فول العربية بدري في الشروق عشان كثافة البنزين بتبقي اعلي .
اتاكد من نضافة مصفي الهوا والشمعات .
حاول تركن العربية في الضل او في جراج اثناء النهار .
متتحركش بسرعة اول ما تدور العربية زود السرعة تدريجيا .

 #السرعة المثالية لاستهلاك البنزين, #توفير استهلاك البنزين, #جهاز تقليل استهلاك البنزين, #جهاز توفير الوقود للسيارات, #ضبط استهلاك البنزين, #كيفية تقليل استهلاك الوقود في السيارة


هل اعجبك الموضوع :

تعليقات