ازاي تتجنب الشيخوخة المبكرة ؟

ازاي تتغلب علي ضغوط واعباء الحياة اليومية ؟
كتير صادفنا ناس في في السبعينات من عمرها وصحتها كويسه وحركتهم وشكلهم كانهم شباب صغير وكتير بنشوف ناس في ال 40 ونحس ان صحتهم وحركتهم كانهم في السبيعنات من عمرهم وده بيرجع لاسباب كتير عشان كده في المقال ده هنقولك ايه الاسباب اللي ممكن تسبب لاي شخص شيخوخة مبكرة وازاي تتجنب الشيخوخة المبكرة ؟

 اهمال الرياضة
الرياضة بجميع انواعها هي اللي بتحدد مدي قوة العضلات، التوازن وكثافة العظام ، وخلو الجسم من السموم والامراض بشكل عام ، لان الرياضة ليها دور رئيسي في صحة معظم اعضاء الجسم وحيويتها والحفاظ عليها من الضمور والتدهور .

اهمال الرياضة بشكل عام طوال فترات الحياة بيسبب شيخوخة الجسم علي المدي القريب ، اذا الحل في تغير نظام الحياة والمحافظة علي الرياضة باشكالها المختلفة سواء المشي حولين السكن او الجري او الاشتراك في انواع معينة من الرياضة زي الكورة والسباحة او اي نوع رياضة يومي .

حافظ كل يوم علي حسب طبيعية حياتك علي نمط يومي من الرياضة اقلها المشي ، حافظ عليه من سن الشباب عشان يكون اساس الجسم سليم وبنيانه قوي .

 اهمال النوم بشكل كافي
النوم من العمليات الحيوية للجسم اللي بتعيد بناؤه واحيائه يوميا اثناء النوم ، قلة عدد ساعات النوم عن 6 ساعات يوميا واحساسك المستمر لاحتياج جسمك للنوم ده بيزود من نسبة الشيخوخة المبكرة وبيزود من نسبة خطر الاصابة بالنوبات القلبية أو السكتة الدماغية بشكل كبير ،بالإضافة إلى ان الدماغ يتضمر بسرعة أكبر ، حاول تحافظ علي المعدل المتوسط او الطبيعي للنوم 8 ساعات يوميا …

كمان اضطرابات النوم زي الارق بيسبب ظهور علامات الشيخوخة المبكرة ، لان النوم العميق بيساعد علي حدوث عمليات البناء اثناء النوم من تجديد خلايا الجسم والبشرة ازاي تتغلب علي مشكلة الارق .

 اهمال الماكولات البحرية
حافظ علي تناول الماكولات البحرية مرتين اسبوعيا او اكثر ان امكن ، لان الماكولات البحرية غنية بمادة الاوميجا 3 اللي بتساعد بشكل مباشر علي محاربة اعراض الشيخوخة لانها ليها دور رئيسي في المحافظة علي صحة القلب والعقل والذاكرة …

خد اقراص اوميجا 3 يوميا بعد استشارة الطبيب اذا كنت مبتتناولش القدر الكافي من الماكولات البحرية ازاي تقوي ذاكرتك .

التدخين
التدخين علي المدي البعيد بيسبب شيخوخة مبكرة وضرر حاد بجميع اجهزة الجسم زي الرئتين والاسنان والقلب وبياثر بالسلب علي جميع اجهزة الجسم عموما وصحتها ،اعرف ان عدم ظهور اضرار التدخين واضحة حاليا مش هيمنع من ظهورها في المستقبل ، المقال ده هيساعدك علي خطوات تبطل بيها تدخين باكتر من طريقة ازاي تبطل سجاير نهائيا .

 اهمال روتين العناية بالبشرة
اهمال تغذية البشرة باستمرار والعناية بيها وازالة الجلد الميت بيسبب جفاف البشرة وسرعة ظهور التجاعيد في وقت مبكر ، من المهم انك تحدد نوع البشرة والتغذية والعناية المناسبة ليها ، في المقال ده هتلاقي الروتين اليومي الضروري لتنضيف البشرة وتغذيتها روتين العناية بالبشرة اليومي .

استعملي الكريمات المضادة للتجاعيد والغنية بالفيتامينات اللي بتغذي البشرة وبتاخر ظهور التجاعيد ، واستخدمي الماسكات الطبيعية اللي بتساعد علي شد البشرة ومتهمليش الروتين اليومي للعناية بالبشرة .

 عدم استخدام الصن بلوك
70% من ظواهر الشيخوخة مصدرها التعرض المباشر لأشعة الشمس الضارة اثناء فترة الظهر للعصر ، الصن بلوك من الحاجات المهمه لحماية البشرة خصوصا من فترة الظهر للعصر ، استخدم الصن بلوك المناسب لبشرتك يوميا اثناء الخروج في الشمس .

 كثرة تقشير البشرة
تقشير البشرة من الروتين المهم لازالة الخلايا الميتة من الجلد وعدم تراكمها ، لكن المعدل الطبيعي لتقشير البشرة هو مرتين اسبوعيا ، الافراط في التقشير بيسبب جفاف الجلد والظهور المبكر للتجاعيد .

 العادات الغذائية السيئة
النظام الغذائي اللي معتمد علي الدهون والزيوت والوجبات السريعة بيخلي الجسم فقير من جميع الفيتامينات وفاقد لجميع القيم الغذائية المهمة لصحته وحدوث السمنة وبالتالي ضعف الجسم ، معظم الامراض اللي بينتج عنها ضعف الجسم وتقل الحركة بتكون بسبب النظام الغذائي الغير الصحي الملئ بالحلويات والسكريات والدهون وتجاهل الخضروات والفاكهة والبروتينات .

كمان الافراط في التقليل من الدهون والمبالغة في الحميات الغذائية باستمرار بيخلي الجسم فاقد للنسبة الطبيعية من الدهون اللي بيحتاجها عشان يكون الجسم قوي والبشرة نضرة .

اهتم بالاطعمة الغنية بمضادات الاكسدة
نوع من تناول المواد الغذائية الغنية بالمواد المضادة للاكسدة مثل السبانخ والطماطم والجزر والكوسة والخضرات الداكنة والفاكهة ، اهتم في العموم بالماكولات الطبيعية الغير مصنعة .

 العمل بالاعمال المكتبية
العمل بالاعمال المكتبية امام شاشات الكمبيوتر واللاب توب لفترات طويلة بياثر علي العمود الفقري بالسلب ، اهتم بالحركة لمدة 10 او 5 دقايق كل فترة ، واهتم للجلوس بشكل مستقيم او مريح للظهر ،ولان الالام الظهر من العلامات الرئيسية لتضرر العمود الفقري في المقال ده هنقولك علي خطوات ونصايح عشان متاذيش عمودك الفقري اثناء فترة الشغل ازاي تتخلص من الم الظهر .

 كثرة الضغوط
الضغوط المستمرة والحزن والتوتر والقلق والروتين او التواجد المستمر في جو ملئ بالمشاحنات من الاسباب الرئيسية للشيخوخة المبكرة سواء في اعراض ظهورها علي الجسم او علي العقل والذاكرة …

حاول تقلل من تواجدك بالاماكن اللي بتحطك تحت ضغط وقلق مستمر ، خلي دايما في اهداف وتحديات في حياتك تحاول تنفذها يوم بعد يوم عشان تقلل من الروتين اليومي الثابت اللي بتبقي بمثابة مر قاتل صامت للانسان ، مارس التامل او اليوجا وتمارين التنفس والاسترخاء يوميا لانها بتساعد بشكل كبير علي التقليل من الضغوط .

 الاهتمام بالفحوصات والكشوفات الدورية
الاهتمام بمتابعة الصحة وعدم تجاهل الاعراض المرضية والمتابعة باستمرار في حالة وجود اي عرض مع طبيب مختص ،والكشوفات الدورية علي جميع اجهزة الجسم كل فترة من العوامل الرئيسية للمحافظة علي الجسم بصحته جيدة وخلوه من الامراض ، تابع مع الدكتور المختص في حالة وجود اي عرض والتزم بنصايحه وتعليماته .

 التواجد بالاماكن الساحليه
التواجد بالاماكن الساحلية او الغينة بالمناظر الطبيعي والهوا النقي الخالي من الاتربة والعوادم السامة بيقلل من الشيخوخة المبكرة علي الاطلاق ، حاول تاخد سكن في مكان هواه نقي ومنظم وهادي ، او سافر كل فترة لاماكن ساحلية او غنية بالمناظر الطبيعية الجميلة .

الاستخدام الخاطئ للمكياج
الاستخدام للمكياج خصوصا المستحضرات مجهولة المصدرة وبجودة منخفضة بشكل يومي وعدم ازالته بالطريقة السليمة وعدم تنضيف البشرة جيدا قبل النوم من اثار المكياج بيسبب الشيخوخة المبكرة للبشرة .

تجنبي انواع المكياج الرديئة المضرة ببشرتك ، وتجنبي الافراط بشكل عام في استخدام مستحضرات التجميل ، واتاكدي من تنضيف بشرتك يوميا من المكياج بشكل صحيح قبل النوم .

 خلي دماغك دايما شغالة
وقوف الشخص في سن معين عن القراءة والتفكير والابتكار سواء في روتين حياته والانشطة اللي بيمارسها او في الشغل بيساعد علي الشيخوخة المبكرة ، لان الدماغ زي اي عضلة في المخ بتحتاج انها تكون دايما شغاله عشان تقوي ومتضمرش .

طور نفسك باستمرار ولا تتوقف عن التعليم طوال الحياة والتفكير والتطوير المستمر وده يعتبر نوع من انواع مكافحة الشيخوخة الدماغية لان تعريض الدماغ للتحديات الدائمة بيخلي القنوات العصبية مفتوحة و بيمنع و يعيق ظهور مرض الزهايمر .ش