ازاى تقنعين ابنك بتناول الخضار والفواكه

معظم الأطفال من عمر السنتين لـ 6 سنوات مبيبحش يأكل كتير وخصوصا أكل الفاكهه والخضار وممكن يقعد طول اليوم في الحضانه بدون ما يبدأ في ساندوتشاته ودا طبعا شئ صعب جدا وهيضعف مانعته وهيسببله مشاكل كتيره علي المدي بالبعيد ، وأكيد هما مش عارفين كدا هما كل اللي يهمهم في المرحله دي اللعب وبس ، فأنتي لازم تتبعي الخطوات الآتيه وتساعديه خطوه خطوه أنه يأكل بدون عقاب أو ضرب أو زعيق يخليه يعند معاكي أكتر وأكتر من خلال الخطوات التالية

 عصائر الفواكه


معظم الأطفال بيستمتعوا جدا بالعصائر ، وخاصه لو كان الفاكهه المميزه عنده عصير أكيد هيشربها علي طول ، فأنتي يوميا جهزيله العصير اللي بيحبه وأعمليله واحد كمان وليكن عصير مانجا أو موز باللبن أو تفاح وشربيله براحه وأتكلمي معاه بهدوء وهو بيشربه عن مكونات العصير اللي بيشربه وعن فائده كل مكون من المكونات دي ، ودايما أذكريله ان المكونات دي مع بعضها هتتطلعلك العصير اللي بتشربه واللي هيخليك بطل زي باتمان او سوبرمان أي كان الشخصيه الكرتونيه اللي بيحبها ..

 الخضار المهروس


الخضروات لها فائده كبيره لجسمه بس للأسف معظم الأطفال مبيفضلوش الخضروات وكتير منهم بينفروا منها ، فأنتي أهرسي الخضروات اللي ليها اهميه كبيره زي البطاطس والبطاطا والسبانخ والكوسه والجزر وحطيها في أكله بدون ما يعرف أو ممكن في صغير جمب أكله وتديله معلقه صغيره منها أكنها تحيله جمب اللي بيأكله ..

 البطاطس المشويه


أكيد طفلك بيحب البطاطس المحمره وبيحب يأكلها دايما بس صحيا هي مفيهاش اي فايده ليه ، فتقدري تعملهالها محمره بس بشكل تاني ويكون فيها كل الفايده ، وهتقدري تعملي دا عن طريق أنك تجيبي بطاطس وتقطعيها قطع كبيره وحطيها شويه في مايه سخنه وطلعيها وصفيها خالص من المايه وحطي عليها زيت وتوابلك الخاصه وأفرديها في صاجه ودخليها الفرن شويه .. وهتلاقيها متحمره بشكل كويس وهيحبها أكتر من البطاطس المحمره وياخد كل الفوايد اللي فيها ..

 ضيفي التوابل


مش أنتي بس اللي عندك معتقد أن التوابل في الأكل مضر بالطفل ، دا يعتبر عند كل الأمهات بس أكيد دي معلومه خاطئه تماما ، لأن التوابل مبتضرش أطلاقا بالعكس دي بتضيف سعرات حراريه لطفلك مفيده بجانب الروائح اللي بتتديها للأكل واللي بيغير تماما من طعمه فبيحبب الطفل فيه ..

 أتعلمي تجهيز الوجبات السريعه


كل الأطفال بيحبوا الوجبات السريعه واللي بنسبه 100% مش مفيده لجسمهم بل ممكن تسبب ليهم أضرار ، فأنتي تقدري بسهوله تتعلمي تجهزي أي وجبه سريعه ليهم في البيت زي البرجر والشاورما والبيتزا ولازم تقديمهلم بنفس الشكل اللي بيشوفوه بره ودا تقدري تعمليه بسهوله بأنك تشتري نفس العيش اللي بياكلوه في المطاعم وتحطي فيه البرجر وكذلك بقيه الوجبات السريعه ..

 أبتكار شكل الأكل


الأطفال بيحبوا جدا الكارتون فأنتي تقدري تقديمله الأكل علي شكل الشخصيه الكارتونيه اللي بيحبها ، علي سبيل المثال ” التونه ” ، تعتبر التونه من أفضل الوجبات لصحته واللي هتفيده بالأحماض الدهنيه وزيت اوميجا 3 ، فزيني التونه ورتبيها كويس في الطبق وزودي عليها الخضروات اللي بيحبها وأدمجي الأتنين مع بعض علي شكل شخصيه كرتونيه بيحبها ..

نصائــــح
بلاش فكره الزعيق فيه وأجباره علي الأكل .
كفاءيه يوميا لو خلص الطبق بتاعه .
قدميله الخضروات او الفاكهه في وقت يكون مبسوط فيه زي مثلا وهو بيلعب لعبته المفضله .
اعزمي صحابه من الحضانه في البيت وقدميلهم الخضروات والفاكهه وهو هياكل معاهم اي شئ