القائمة الرئيسية

الصفحات

ازاي اعرف مراحل تكوين الجنين






الحمل بيمر بمراحل عديدة لحد ما توصل الأم للولادة وتشوف طفلها لأول مرة. خلال كل مرحلة من مراحل الحمل بيحصل تغيرات كتير للجنين. مراحل الحمل عموما بتنقسم الي ٣ مراحل كل مرحلة منها مدتها ٣ شهور لو عاوزة تعرفي أكتر عن ايه الي بيحصل خلال مراحل الحمل الثلاثة وتكوين الجنين تابعي الموضوع ده.

المرحلة الأولي (أول ثلاثة أشهر)


بتبدأ المرحلة دي من أول يوم في اخر دورة جاتلك وبتستمر لحد الأسبوع ال١٣ من الحمل. في المرحلة دي شكل الأم ممكن ميكونش ظهر عليه أعراض الحمل ولكن بيحصل تدفق للهرمونات وتغيرات داخلية زي ارتفاع سرعة نبضات القلب عشان الانسان الجديد الي لسه بيتكون ومحتاج ياخد أكسجين وغذا. كمان في خلال الفترة دي بتظهر أعراض الحمل التقليدية زي الوحم والتعب والإحساس المستمر بالرغبة في القئ.

المرحلة دي بتكون أهم مرحلة في تكون الجنين ومهم تاخدي فيها حمض الفوليك والي بيكتبلك عليه الطبيبة. وفي نهاية المرحلة دي بيكون الطفل كون كل الأعضاء بتعته وعشان كدة مهم أنك تهتمي بغذاكي كويس في المرحلة دي. الطبيبة هتقوم بعمل سونار للطفل عشان تتأكد من نبضات قلب الطفل وممكن تطلب تعملك تحاليل عشان تشوف مناعتك ومستوي تغذيتك وبعض المؤشرات الأخري الخاصة بالطفل.

الفترة دي كمان بيرتفع فيها نسبة حصول إجهاض وعشان كدة مهم تتبعي تعليمات الطبيبة كويس واستغلي الأوقات دي في تعلم حاجات عن الرضع والرضاعة الطبيعية واهتمي جدا بغذائك.

المرحلة الثانية من الأسبوع ال١٣ وحتي الأ


الفترة دي تعبتر أفضل فترة في الحمل وكتير من الأمهات بترجع تاني نوعا ما لنشاطها وبتروح في الفترة دي أغلب أعراض التعب المعتادة بتاعة أول فترة في الحمل. كمان هيبدأ يظهر عليكي الحمل وبطنك هتبدأ تكبر وغالبا هتحتاجي تغيري ملابسك وتلبسي ملابس مناسبة للحمل. في الفترة دي ممكن هتشعري بالحموضة لكن شهيتك هتكون مفتوحة وهيحصل زيادة في الوزن عشان كده مهم تحافظي علي الأكل الصحي.

في الفترة دي الأم بتبدأ تشعر لأول مرة بحركة الجنين في بطنها وبيبدأ الطفل يسمع الأصوات الخارجية عادة من الأسبوع ال٢٠. عادة الطبيبة بتطلب سونار في المرحلة دي عشان تقيس وتتأكد من أن القلب والرئة والكلية والمخ عند الطفل بصحة جيدة وممكن تعرفي نوع الجنين اذا كان ولد ولا بنت في المرحلة دي.

المرحلة الثالثة من الآسبوع ال٢٨ وحتي الو


في الفترة دي بتبدئي تتبعي مع الطبيبة بشكل مكثف أكتر وفي المرحلة دي الطبيبة بتبدأ تشوف وضع الجنين داخل الرحم. يفضل في المرحلة دي أنك متسافريش بعيد عن الطبيبة بتاعتك لأنك ممكن تحتاجي تولدي. في المرحلة دي بتكون الأم حاسة أن حركتها صعبة وتقيلة وبيزيد الإحساس بالتعب والإرهاق والإفرازات المهبلية. مهم أنك تعرفي من الطبيبة بتاعتك العلامات الهامة للطلق والولادة.


هل اعجبك الموضوع :

تعليقات