مما لا شك فيه أن خبر الحمل بيبقي خبر سعيد علي الأسرة وعلي الأم ولكن يسبقه دايما مرحلة التخمين والي الأم فيها بتفضل تفكر يا تري أنا حامل ولا لا.عشان تعرفي علامات الحمل وتريحي بالك اتبعي الخطوات دي:
التعب والإرهاق
من أكتر العلامات وضوحا وانتشارا هو شعور الأم بالتعب والإرهاق لأن الحمل بيرفع هرمون البروجيتسيرون والي ممكن يخلي الأم تشعل بالنعاس كمان.
تعب الصباح
من العلامات المميزة جدا الشعور بالتعب والإحساس بالقئ بالذات في فترة الصباح. الموضوع ده بيكون متكرر جدا في الفترة الأولي من الحمل.
الشعور بالحر
الحامل ساعات بتشعر بالحر أكتر من الاخرين الي حواليها لأن درجة حرارة جسمها بترتفع شواية بسيطة مع الحمل.
التغيرات المزاجية
ودي بتبقي من الأعراض الصعبة علي الحامل وعلي الناس المحيطة بيها لأن تدفق الهرمونات المختلفة أثناء الحمل بيسبب التغيرات المزاجية وممكن تلاقي الأم بتتأثر أو تعيط بسهولة قوي ومن غير سبب واضح خصوصا في الفترة الأولي من الحمل.
التغيرات في الثدي
من العلامات المبكرة جدا هي حجم الثدي والي ممن يبدأ يتأثر بالحمل ويظهر تغيرات في حجمه من أول أسبوعين من بعد بداية الحمل.
الصداع والإمساك
تدفق الهرمونات المختلفة في الجسم ممكن يؤدي لصداع بسيط متكرر وكمان هرمون البروجيستيرون علي وجه الخصوص ممكن يأثر علي حركة الأكل في الأمعاء وبالتالي ممكن يحصل إمساك.
تعليقات
إرسال تعليق