ازاي أحمي طفلي من تأثير الأقارب السلبي عليه؟

الطموح أن أولادك يكونوا أفضل أولاد في الدنيا عمره مهيفارقك وبتحاولي من صغرهم بكل الطرق انك تساعديهم يثقوا في نفسهم وغيره كتير ، بس في لحظه بتحسي أن كل دا اتهد لو موجود في العائله أقارب بيأثروا بشكل سلبي علي كل اللي عملتيه زي أنهم يقولوا ألفاظ أمامه او بيميلوا للعنف مع أطفالهم وغيره من السلوك السلبي ..

وأكيد انتي مينفعش تعزليه عن العالم الموجود فيه أقاربه وأطفالهم لأن دا هياثر بالتأكيد علي سلوكه ، فلابد أن تلجأي لبعض الطرق علشان تحميه من سلوكهم السلبي :

أنتي مصدر التعلم


_ أكتر شخصيه بيتعلم منها طفلك هو أنتي ، وانتي بالنسبه ليه مصدر التعلم الأول والأخير فأستغلي النقطه دي بأنك تعرفيه الصح من الغلط كويس ، واتكلمي دايما معاه بهدوء وقت توجيه النصيحه والمعلومه الجديده علشان يقدر يستوعبها ويتقبلها منك الي جانب أنك مينفعش اطلاقا تعملي قدامه الخطأ وتقوليله ان دا خطأ ! ..

_ علي سبيل المثال : ممكن تعلميه أن المشروبات الغازيه مضره لصحته وفي نفس الوقت تشربيها انتي ، دا هيشوه صورتك قدامه وهيتأثر بشكل كبير بأفعال الأقارب السلبيه لأنك مقتدرتيش بشكل كافي تكوني الدرع الحامي ليه من الأخطاء .

زودي ثقتهم فيكي


_ هتقدري تزودي ثقتهم فيكي كويس جدا ، لو قدرتي تكوني علاقه بينكم قويه مبينه علي الأنتصات الجيد وأبداء الرأي بهدوء وحكمه .

_ علي سبيل المثال : مينفعش طفلك يحكيلك موقف حصله مع أحدي أقاربه وأنتي تعنفيه انه غلط ، مره بعد مره هيتوقف نهائيا أنه يحكيلك أي حاجه ، فلازم تكوني هاديه تماما وتعرفيه ان اللي سمعه أو عرفه دا خطأ وأنه مينفعش يكرره وفي النهايه تسمعي رأيه في كلامك وتتأكدي أنه من جواه مقتنع تماما باللي قولتيه مش مجرد ألزام فقط بكلامك .

الغلط بيعلم


_ أتربينا علي مقوله ” الغلط بيعلم ” وهي بنسبه 100% مقوله صح ، فكره أنك تبعدي طفلك نهائيا عن الغلط دي مش صحيحه أطلاقا ، لأنه أول ما يكبر ويبدأ ينزل الشارع هيغلط كتير وهيحب دا ، أنما لو أنتي شايفه أطفال أقاربكم بيغلطوا سواء في الفاظ أو أفعال سبيه يجرب وبعده أقعدي معاه وأتكلمي بهدوء وبدون عقاب أطلاقا أن اللي عمله دا غلط وعرفيه أنك سبتيه يعلم كدا علشان يتعلم بنفسه ويتأكد أنه غلط .

_ ودا هيساعده بشكل كبير في المستقبل ، بأنه يعرف الصح من الخطأ وأن ليه حد بيوجهه صح .

أنصحي أقاربك


كل أم بتشوف أن طريقتها هي الصح في تربيه أولادها ودا بسب الجهل الكبير المنتشر بعدم الثقافه بمجال الطفل ، فأنتي لو شايفه أن أم الطفل المتقرب من أبنك بتربيه غلط حاولي توجهيها للطريق الصحيح في التربيه بشكل غير مباشر .

_ علي سبيل المثال : أدعيها في بيتك ووريها بنفسك بتربي أطفالك أزاي ، أو ابعتيلها فيديوهات عن تربيه الأطفال وقوليلها أنا بشوف دا دلوقتي ،، فتعالي نشوفه سوا ! ..

قوي شخصيه طفلك


الطفل الواثق من نفسه وشخصيه قويه عمره مهيتأثر بالكلام اللي هيسمعه من أقاربه ، أو أفعال بتحصل قدامه بالعكس هيبقي متأكد أنه مينفعش يعمل كدا لأن دا غلط وهتلاقيه بنفسه بيحاول يبعد عنهم ويرتبط بالأشخاص الأسوياء اللي شبه في التصرفات وبيوجهوه للأحسن .

نصائــــح
بلاش تعزلي طفلك عن أقاربه علشان الأختلاف موجود في كل مكان ومن الأفضل يكتشفه بدري .
دايما شجعيه بعد ما يخلص وقته مع أقاربه أنه كان كويس جدا ومعملش أي حاجه غلط ولا أتبعهم في أي شئ .
متنقديش أي شخص أمامه ، لأن الانتقاد بيعمل طفلك الخطأ وأتباع السلوك السلبي وبالتالي هيكون من السهل التأثير علي شخصيته من أي حد .