ازاي أعلِّم طفلي عدم إفشاء أسرار البيت

الأطفال بطبيعتهم عفويين ، وبيحبوا يتكلموا عن كل شئ بيحدث في المنزل لضيوفكم بدون ما يدركوا أن دا أمر خاص ومينفعش اي حد خارج الأسره يعرفه ، الي جانب أن لو شخص هما ميعرفوهوش سألهم عن اي حاجه خاصه في البيت هيقعدوا يتكلموا ويشرحوا بالتفصيل ، لذلك يجب علي الأسره تعليمهم جيدا ان هذا خطأ عن طريق عده طرق وهما :

زودي ثقته بنفسه


– من اهم الأمور اللي هتخلي طفلك أول ما يشوف ضيوف عندكم يفشي كل الأسرار هي عدم أحساسه بثقته في نفسه وأنه ميقدرش يفتح مواضيع تجذب اليه الأخرين غير أمور المنزل ، لذلك يجب عليكي أن تشعريه بأنه مهم وعلي قدر عالي من الذكاء وأنك بتثقي فيه طول الوقت ..

– وتاكدي اول ما الطفل يشعر بالثقه اللي انتي مديهاله هيشعر بمدي ذكاءه وثقته في نفسه وأن الكلام اللي بيسمعه في البيت لا يمكن يفشيه لأنه هيحس الاخرين هيستهونوا بذكاءه ، وهيحس من جواه أنه مش محتاج يظهر نفسه قدامه لأنه واثق في شخصيته وكلامه بشكل كبير فهيتجه للعب مع أخواته او مساعدتك في المنزل ..

كلميه بهدوء


العصبيه والضرب في التعامل مع هذا الأمر غير مستحبه علي الأطلاق ، لذلك يجب عليكي توجيه له أن أفشاء امور منزلكم غير مستحب وأن الأطفال الأذكياء مثله والمتفوقين لا يفعلون مثل هذه الامور بكل هدوء وبطريقه وديه حتي يتقبل منك النصيحه ، وحاولي تكرري له هذه النصيحه بشكل متواصل وذكريه بها قبل مجئ أي ضيوف عندكم ..

متفشيش أسرار أمامه


الأطفال بيسمعوا كويس جدا وبيركزوا بشكل كبير وهوايتهم الأساسيه هي تقليد كل اللي بيسمعوه ويفشوه ، فأنتي مينفعش تفشي أي أسرار امامه مع والده ، أو تاخديه معاكي النادي وتقعديه مع صحباتك وتفشي أسرار الأخرين امامه لانه بالتأكيد هيلاحظ علامات السعاده صديقتك وقت أفشاءك السر لها ، فهيحاول بالتأكيد يعمل كدا بهدف أسعاد الأخرين ..

اللوم المستمر


أتفقنا معكي في الخطوه الثانيه بالبعد تماما عن ضربه أو التعصب عليه أذا أفشي السر ، ولكن توجد طرق كتيره تقدري تتابعيها وأكيد هتجيب معاه نتيجه قويه وعلي رأسهم :

_ اللوم المستمر : بأنك تلوميه بشكل مستمر لو أفشي سر ، وتعرفيه انك هتفضلي تلوميه لأنه فعل حاجه مينفعش طفل زيه يعملها ..

_ العقاب : يعتبر العقاب من أهم الطرق اللي ممكن تساعدك في تربيه طفلك ، وتقدري تقومي بيها عن طريق أنك تعرفيه أنك مش هتكلميه لمده ساعه وحاولي متكتريش من العقاب لأن بعض الأطفال بيتعودا عليه ..

 الأداب الدينيه


طفلك بيبدأ يفشي الأسرار من بدايه 4 سنوات ، لذلك في السن دا هيبدأ يفهم ويستوعب الأداب الدينيه والأخلاق الحميده زي الكذب غلط وحرام وأفشاء الأسرار ممنوع ومنافي لدينك ودا هيساعده لما يكبر بشكل كبير يمتنع عن فعل كل الأشياء المنافيه لدينه ..

نصائــــح
أبتعدي نهائي عن ضرب الطفل عند أفشاءه للأسرار لأنه هيجيب معاه نتيجه عكسيه .
أقريله يوميا القصص اللي تساعده يستفاد منها بعبره معينه وأساليه في نهايه كل قصه عن اللي استفاده .