كل الأطفال بيزنوا علي أشياء بيكونوا عاوزينها وكل الأمهات بتعاني من الزن! التعامل مع الزن لازم يكون بهدوء وحكم. الأطفال في سن ال٣ وال٤ سنوات بيزنوا لأن بيبقي عندهم توقعات وأحلام عالية جدا وبيحبطوا لما ميقدروش يحققوها أو يحصلوا عليها، لو عندك طفل كثير الزن وعاوزة تعرفي تتعاملي معاه ازاي اتبعي الخطوات دي:
أتصرفي فورا!
بعض الأمهات بتظن أن تجاهل الزن هو الحل وتسيب أبنها أو بنتها يزنوا وتشغل نفسها بالموبيل أو بأعمال المنزل. التجربة أثبتت أن الأطفال ممكن يبقي عندهم قدرة يزنوا طول اليوم وأن تجاهل الأهل لزنهم معناه أنهم هيستمروا في الزن أكتر من باب العند. وكل ما بتسيبي بنتك أو ابنك يزن لفترة أطول كل ما هيبقي مصر أكتر أنه ينفذ الي هو عاوزة أو يصر علي أنه يحصل علي طلبه. اتكلمي مع طفلك فورا ووضحيله أنك مش قادرة تفهمي هو عاوز ايه لأن الزن مش أسلوب مناسب وممكن كمان تمثلي أدامه الزن بيبقي شكله أيه عشان يشوف هو بيتصرف ازاي. كمان لو طفلك جعان أو مش نايم كويس أو تعبان وارد جدا أن ده يكون السبب الخفي للزن لأن الطفل ممكن ميقدرش يفهم احتياجاته وأنها بتأثر علي تصرفاته.
قربي منه
انزلي لمستواه وحاولي تفهمي منه ايه المشكلة وحاولي تقربي منه وتوصلي لحل وسط فمثلا لو ابنك مضايق عشان انتوا رايحيين السوبر ماركت اشغليه بمهام متعلقة بالسوبر ماركت زي أنه يختار معاكي الخضار والفاكهة ويجيب معاكي بقية الطلبات.
كمان قربي منه بأنك تفهميه أنك فاهمه مشاعره وحاسه بيها. مثلا قوليله ” آنا عارفة أنك عاوز بلونة كمان بس كل طفل بياخد بلونة واحدة بس”.
شجعي طفلك
لما طفلك يستخدم أسلوب الكلام المناسب بدل من أسلوب الزن دي فرصة ممتازة عشان تعززي عنده استخدام الأسلوب الصحيح. ممكن مثلا لما يطلب منك الحصول علي شئ بأدب واستخدم “من فضلك” تعلقي فورا علي أد أيه أسلوبه حلو ومؤدب. التشجيع هيعود الطفل أنه يتكلم ويطلب احتياجة بأسلوب مناسب ويبطل أستخدم أسلوب الزن.
نصائــــح
أهم شئ أن تحافظي علي هدوئك
تعليقات
إرسال تعليق