بعض الأطفال بيستعصي عليه فهم عملية الطرح. من الوسائل الي بتسهل علي الأم تعليم ابنها الطرح أنها تعلمه بأكتر من طريقة وتبدأ معاه بالأرقام البسيطة ثم تنتقل للأرقام المكونة من رقمين أو أكتر. لو عاوزة تعرفي ازاي تعلمي ابنك الصرح اتبعي الخطوات دي:
استخدمي الرسومات أو الأشياء
من أبسط الطرق لتعليم الطفل عملية الطرح هي استعال الرسومات زي رسمات الكور أو الأشياء مثل البرتقال. ممكن ترسمي ١٠ كور لابنك وتطلبي منه أنه يطرح خمسة كور ويقوم بعد الكور المتبقية. ونفس الشئ مع الأشياء الحقيقة المحسوسة حطي أدام الفاكهة أو حبوب الفول واطلبي منه انه يعمل عمليات طرح.
استخدام خط الأرقام
ارسمي لطفلك خط الأرقام وهو خط في نهايته من الناحيتين أسهم. ووزعي الأرقام عليه بالترتيب من صفر ل١٠ أو عشرين أو زي ما تحبي. وابدئي أطلبي منه مثلا يحسب عشرين ناقص خمسة فالطفل يشاور الأول علي رقم عشرين علي خط الأرقام وبعيدن يبدأ يرجع لورا خمس أرقام لحد ما يوصل ل١٥ وهكذا. كرري مع الطفل مسائل طرح مختلفة عشان يفهم أنه الطرق بيؤدي للعد الي الوراء.
استخدمي الطرح في معاملاتك اليومية
دايما ساعدي ابنك انه يقوم بعمليات طرح في الحياة اليومية زي لو بتحاسبي في السوبر ماركت خالي ابنك هو الي يحاسب وياخد الإيصال ويحسب الباقي وهكذا.
تعليقات
إرسال تعليق