ازاي تحافظي علي زوجك من الخيانه

فيه نوعين من الرجاله ، النوع اللي بطبعه بيحب الخيانه ومهما عملتيله هيخونك بردو لأنه في دمه وأنتي أكيد لاحظتي دا في فتره التعارف بس قولتي دا أكيد هيتغير بعد الجواز ، نحب نقولك للأسف هو عمره مهيتغير وأن النوع دا بيأذيكي نفسيا جدا فلازم تبعدي بأسرع وقت ، وفيه نوع تاني للأسف ممكن يلجأ للخيانه لو محسش أنك بقيتي بتحبيه بالشكل الكافي أو علاقتكم أتدمرت ودا اللي هنساعدك عن طريق مجموعه من الخطوات أنك تحافظي عليه من الخيانه وتفضل علاقتكم مستقره دايما :

 متكونيش تقليديه في أستايلك
أكتر حاجه ممكن تخلي جوزك يخونك انه يحسك تقليديه ومبتذليش أي مجهود علشان تبهريه بيكي ، فبلاش تكوني ممله وهتقدري تعملي دا بأنك تغيري دايما من أستايل لبسك في البيت وتحطي ميكب أب بكذا استايل ومن فتره لفتره تغيري لون شعرك وقصته ..

 حسسيه برجولته
الرجاله عامه أطفال وتقدري تكسبيه ليكي بكلمات قويه تحسسه أنه أحسن حد في الدنيا وأنك متقدريش تشوفي غيره في الوجود ، وأنه يقدر يعمل أي حاجه مهما كانت صعبه لأنه بس قوي وشجاع ..

 فجاءيه بأستمرار
المفأجات ليها تأثير قوي علي الرجاله عامه ، فأنتي من فتره لفتره جهزي عشاء رومانسي بأكتر أكلات بيحبها وخليه يتفأجا باللي عملتيه وقدميله هديه بيحبها ، وقابليه بأبتسامه خفيفه أنه طول اليوم واحشك جدا وانه تعبان فأنتي ملقتيش حاجه تكفأءيه بيها غير المفأجاه البسيطه .. إلي جانب انك تبعتيله رسائل علي موبيله من وقت للتاني في شغله أنك دايما فكراه وبتحبيه ..

 حسسيه أنك عاقله كفايه
الرجاله عامه بتكره الزن والنكد والتركيز الزياده في التفاصيل اللي ملهاش لزمه ، فأنتي مش كل شويه ترني عليه وتسألي أنت فين وبتعمل ايه هيمل منك جدا وهيحس أنك حمل عليه ، أكتفي برسائل فقط ومكالمات بسيطه ، الي جانب أنك لازم تتدوري علي حاجه تشغلك علشان متركزيش معاه طول الوقت وتبدأي تنكدي عليه ..

 أهتمي بعلاقتكم الخاصه
أكتر حاجه ممكن تخلي جوزك يخونك أنه يحس أنك مش حابه العلاقه الخاصه بينكم أو مبتتطلبهاش منه وأنك بتستني بفارغ الصبر أنها تخلص ، بالتأكيد هيخونك لو حس أنك مش مبسوطه معاه في العلاقه لانه بالتدريج هيبقي مش مبسوط ، فبين الوقت والتاني لازم انتي اللي تتطلبيها منه وتبدأي تتعرفي وتقرأي عن طرق وأساليب جديده تتطور علاقتكم وتسعده .. وحسسيه وقت العلاقه أنك مبسوطه جدا ونفسك تكرروها بشكل مستمر ..

نصائــــح
أديله مساحته الخاصه مع صحابه وبلاش تزني عليه كتير لما ينزل بالعكس حسسيه انك فرحانه بالحاجه اللي بتفرحه .
بلاش تفتشي في حاجات الخاصه بشكل مستمر وحسسيه أنك واثقه فيه وعمره ميعمل كدا .
جددي من حياتكم دايما بشكل مستمر .
لو حسيتي انك عملتي كل حاجه وجوزك خانك أنه مش راضي علي علاقتكم أبعدي عنه وأنفصلي وأبدأي من جديد .