جهزي المقادير
فنجان سكر بودرة ، 3 بياض بيضة في درجة حرارة الغرفة ، ¼ فنجان سكر عادي ، فنجان دقيق 1¾ ، 3 نقط ألوان طعام صحية .
جهزي مقادير الحشو
فنجان جبنة كريمي ، فنجان سكر بودرة ، 2 معلقة كبيرة لبن ، فنجان مربي فراولة .
إضربي البيض و السكر
في طبق عميق إضربي بياض البيض كويس أوي ، و ضيفي السكر العادي بالتدريج مع الضرب لحد ما تحسي إنه بيتكون قمة لما تشيلي إيدك ، و بعدين ضيفي السكر البودرة و إستمري في الضرب بالمضرب .
ضيفي الدقيق
بعد ما ضيفتي السكر البودرة ضيفي الدقيق و إضربي بمعلقة خشب ، و متزوديش الضرب علشان النتيجة تكون أفضل .
لوني العجين
قسمي العجين نصين ، خلي جزء أبيض و جزء ضيفي ليه ألوان طعام صحية ، و حطي كل جزء في كيس بلاستيك .
شكلي الدوائر
إقطعي كل كيس من أكياس العجين من الطرف و نزلي العجين بهدوء من الفتحة ، و خلي العجين الأبيض ينزل في طبق و العجين الملون ينزل في نفس الطبق (الخطوة اللي فاتت الهدف منها خلط اللونين ببعض علشان الماكرون ياخد درجات اللون المختلفة ) ، و حطي العجين اللي إتكون في الطبق في كيس بلاستيك تاني و إقطعي الطرف ، و نزلي العجين علي شكل دوائر في صينية فرن متغطية بورق زبدة و خلي الصينية ساعة قبل الخبز .
جهزي الحشو
ضيفي الجبنة الكريمي و السكر البودرة و اللبن و اضربي بالمضرب لحد ما الخليط يتقل و حطيه في الثلاجة لحد ما تستعمليه.
إخبزي الماكرون
بعد ما سيبتي الصينية لمدة ساعة إختبري قطع الماكرون بلمسة إيدك و إتأكدي إن سطحه ناشف و إخبزي الصينية في فرن ساخن في درجة 140 لمدة 15 دقيقة .
قدمي و اسمتعي
بعد ما خرجتي الصينية من الفرن سيبيها تبرد و إبدأي زوقي الماكرون ، حطي الحشو اللي جهزناه في الخطوة 6 فوق قطعة من الماكرون و في نص الحشو معلقة صغيرة من المربي و غطي قطعة الماكرون بقطعة أخري ، و بكده هيكون عندك حلوي الماكرون الفرنسية بمربي الفراولة .
نصائــــح
لازم يكون الفرن سخن و إنتي بتحطي صينية الماكرون في الفرن .
#بديل اللوز في الماكرون, #طريقة عمل الماكرون الفرنسي الاصلي, #طريقة عمل الماكرون الفرنسي بدون لوز, #طريقة عمل الماكرون الملون, #طريقة عمل الماكرون بدون لوز, #طريقة عمل الماكرون حورية المطبخ, #طريقة عمل الماكرون فتافيت, #ماكرون منال العالم
تعليقات
إرسال تعليق