ازاي اشتغل مترجم/مترجمه من البيت؟

الترجمة من الحاجات اللي ممكن يشتغل فيها معظم التخصصات مش بس مقتصرة علي تخصص معين او كلية معينة يعني انت لو طبيب تقدر تشتغل في ترجمة طبية وتترجم حاجات ليها علاقة بالطب ، لو في حقوق ممكن تشتغل في الترجمة القانونية لو في كلية دراستك ليها علاقة بالعلوم الانسانية زي علم الاجتماع وعلم النفس فتقدر بردو تترجم مقالات ليها علاقة بالمجال ده وكذلك في اي مجال سواء تخصصك او تخصص تاني غير تخصصك وده بيوفرلك انك ممكن تشتغل مع دراستك في الوقت اللي يناسبك وبيحقق دخل اعلي من الوظايف التقليدية او لو بنت محتاجة تعمل شغل من البيت فده هيكون حل مناسب جدا ليها كل اللي مطلوب منك توفر نت ولاب توب ويكون الانجلش بتاعك في مستوي كويس في الكتابة والقراءة وفي العربي كمان ومن خلال الترجمة هيتحسن اكتر لانك هتقابل كم كبير من المصطلحات والمفردات الجديدة ، والافضل لو كان عند شغف بالقرأة والاطلاع ده هيساعدك في حاجات كتير

 اعمل فيزا او بايونير
اول حاجة هتحتاجها عشان تعرف تستلم او تاخد فلوسك من العميل اللي هتشتغل معاه او هترجمله المقالات هو ان يكون عندك فيزا عشان يكون حسابك مفعل وتقدر تتعامل بحرية في المعاملات المالية وميتمش رفض بعض المواقع للتعامل معاك ،كل اللي هتحتاجه عشان تعمل الفيزا هي البطاقة والمبلغ اللي هتم فتح الفيزا بيه من اي بنك ولو كان سنك اقل من 21 سنه فتقدر تعمل فيزا الطلبة ودي بتبقي متاحة للي سنه اكتر من 16 سنه .

او اعمل حساب علي البايونير payoneer وده بنك امريكي بيتيح لك انك تفتح حساب علية اونلاين و بيبعتلك ماستر كارد لحد البيت مجانا تقدر تسحب بيها بعد كده من اي ATM ، و لما بتقوم بمعاملات ” اول لما يبقي معاك فلوس ” بياخدوا منك رسوم حوالى 35$ فى السنة ، للاشتراك في بايونير اضغط علي الرابط التالي

https://www.payoneer.com/raf/?rid=4B0D681C-6EBE-4F8A-BD06-C610A5F9AB47

 اعمل حساب علي الباي بال paypal واربطه با
تاني حاجة هتحتاج تعملها عشان تقدر تتعامل مع المواقع هو عمل حساب علي الpaypal وهو موقع بتدخل تسجل بياناتك من خلاله وتبدا تربطه بالفيزا او البايونير من خلال اتباع خطوات التسجيل اللي هتتم اثناء عمل حساب عليه ، وهو بمثابة (بنك الكتروني) بتقدر من خلاله ترسل وتستقبل اي مبلغ علي الانترنت ، يعتبر بمثابة المحفظة بتاعتك علي الانترنت اللي ممكن تشتري بيها اوتسحب من خالها ومن ضمن مميزاته انك مبتحتاجش تدخل بيانات الفيزا الخاصة بيك مباشرة للموقع اللي بتعامل معاه فبيحمي بياناتك ، وكمان بيوفرلك او بيضمنلك حجم من الامان من عمليات النصب او الاحتيال ، وبتحتاحه في معظم تعاملاتك مع المواقع او حتي المتاجر الالكترونية لو حبيت تشتري حاجه من خلالها ، للدخول علي موقع باي بال ادخل علي الرابط التالي .

https://www.paypal.com/kw/webapps/mpp/home

ولمعرفة الخطوات تفصيليا لعمل حساب علي الباي بال ادخل علي الرابط التالي

دليلك الشامل لعمل حساب باي بال PayPal – مصر



اشتغل علي مواقع العمل الحر الفريلانسينج
في مواقع كتير جدا عالمية ممكن تشتغل من خلالها وبتضمنلك كامل حقوقك وكمان بتحاسبك مقابل عدد الكلمات اللي بتكتبها وكمان العائد من شغلك بيبقي بالدولار ودي من اكبر المزايا خصوصا مع ازمة ارتفاع سعر الدولار كل اللي عليك هو انك اولا تقرر هتشتغل او هتبدا مع اي موقع من المواقع وتبدا تسجل في الموقع وتعمل سيرش عن طريقة العمل علي المواقع دي لان في بعض الاختلافات في طريقة الشغل ما بينهم ودي من افضل المواقع اللي تقدر تشتغل من خلالها :

موقع https://www.upwork.com/

واحد من أفضل المواقع للعمل الحر على الانترنت، وان كنت تريد ان تعمل كفرى لانسر معتمد في هذا الموقع في تخصص معين فالموقع يوفر لك بعض الاختبارات ان نجحت فيها اصبحت مؤهل للعمل بالموقع كمعتمد في هذا التخصص ، يعتبر موقع (upwork) من أكبر و أقدم المواقع و أكثرها احترافية ، و بيشمل عدد من الخبرات في الكثير من التصنيفات من الكتابة و الترجمة و التصميم و البرمجة و خدمات البيع الخ ..

موقع ww.elance.com

هو أفضل موقع فري لانس على الإطلاق بدون مبالغة مقره في المملكة المتحدة و بدأ العمل في من سنة 1998، وبيعتبر الموقع من اقدم و اشهر المواقع، و من مميزاته انه من اكتر المواقع مكافئة على العمل، لان المتعاقدين يبحثوا عن اشخاص بيقوموا بالعمل المطلوب منهم علي افضل شكل ومبيبخلوش مقابل انهم يحصلوا علي افضل مستوي من الخدمة ، وبغض النظر عن نوع العمل اللي بتبحث عنه سواء ترجمة او غيره من الاعمال ، فالأغلب هتلاقيه متواجد ، لأن عليه
أكثر من 1.5 مليون متعاقد مسجلين في الموقع فعليه خيارات عمل كتير جدا ، وبيقدم موثوقية وأمان لطرق عديدة للدفع ، وده من الحاجات اللي بتخليه من بين أفضل مواقع العمل عن بعد في العالم ، موقع إيلانسمبيطلبش منك أي مصاريف مقابل التسجيل، لكن في بعض الباقات مدفوعة بتوفرلك إمتيازات
أكتر ، لكن من الافضل اولا انك تسجل على عضوية مجانية، وبعد فترة من الشغل واحترافه اشترك بالباقات المميزة او العضوية المتميزة .

موقع www.guru.com

واحد من أكبر مواقع العمل الحر و الربح بيوفر عدد كبير من فرص العمل ، وصل عدد مشتركين عليه 1 مليون مستخدم و تم تداول 150 مليون دولار عليه لذالك فهو موقع رائع ،الموقع موثوق جدا و بيحمي كل من العامل و صاحب العمل , وبيوفر مجالات عمل مختلفة .

موقع www.freelancer.com

موقع رائع للعمل على الانترنت , يتشتغل من خلاله عن طريق جمع نقاط الخبرة , كل ما زادت نقاط خبرتك كل ما زادت قيمتك في الموقع و بالتالي فرص عمل أكتر ، وهو موقع مشهور جدا ولديه أكثر من 3,6 مليون مشترك وعرض عليه أكثر من 1.3 مليون عمل وهو موقع بيدفع مقابلا محترما نظير خدماتك وبيوفر طرق دفع مختلفة للمستخدم اللي لا يملك حساب باي بال .

موقع Www.one hour translation.com

موقع خاص بالترجمة ، طريقة الربح من خلاله عن طريق ترجمة المقالات او القصص أو الكتابات التي بيطرحها أصحاب العمل أيا كانت.

http://www.fiverr.com/

فايفر مختلف نوعا ما عن باقي المواقع السابقة ، فالزوار فيه يقومون بعرض خدماتهم، و الخدمات قد تكلف فقط 5 دولارات، وقد يكون الموقع فريدا من نوعه ، وهناك موقع عربي مقلد لهذا الموقع وهو خمس خمسات ، وستجد في الموقع بعض أغرب الخدمات ، يمكنك إستكشاف الموقع بنفسك ، وكن مستعدا لأن تجد خدمات مدهشة وغريبة

Khamsat

موقع عربي يقدم خدمة مشابهة تماما لفايفر , حيث يمكنك أن تضع عرضك للقيام بعمل معين مقابل 5 دولارات .

مواقع اخري للترجمة
وهناك بعض المواقع الاخري المتخصصة بالترجمة منها :

موقع translators town
موقع translators cafe
موقع translators Base
موقع proz

ابحث عن وظايف للترجمة من المنزل
في طريقة تانيه انك تشتغل مترجم من البيت وهو انك تعمل سيرش علي جوجل عن الشركات اللي بتطلب مترجمين من البيت ولكن نصيحتي الافضل هو العمل الحر كفرلانسر من خلال التعامل مع المواقع .

نصائــــح
لازم يكون مستواك في اللغة قوي والا هتحصل علي تقيم سئ و العميل ممكن ميقبلش استلام العمل
حاول تعمل بروفيل مميز ليك عشان يوفرلك فرص شغل اكتر عن طريق معلومات عنك ولو عندك شهادات معينة للغة نزلها
خد مقابل قليل في البداية مقابل انك تبني سمعتك ويكون ليك تقيم جيد علي الاقل في الفترة الاولي
متياسش فالفتره الاولي هيكون نسبة الحصول علي فرص صعبه لكن مره في مره هتكون اسهل بكتير