ازاي تعرف تشتغل لو منمتش كويس

بتحصل ظروف كتير بتخلينا مننامش كويس وبيكون ورانا شغل ومهام كتير عايزين نخلصها والنوم بيكون عائق كبير قدامنا بيخلينا مننجزش الشغل اللي ورانا ،وعشان تقدر تكمل يومك وتقاوم النوم وتشتغل اتبع الخطوات التالية :-

الرياضة بتنشط العقل وبتساعد علي التركيز وبتقوي العضلات فلو عايز تنام ووراك شغل كتير ممكن تنشط نفسك بشوية رياضه عشان تفوق وتقدر تشتغل لحد مايجي الوقت الطبيعي لنومك وكل ماتحس بأن النوم هيسيطر عليك خد 5 دقايق بريك والعب شوية رياضة وارجع كمل شغل تاني

لو وراك شغل كتير ومنمتش كويس واخدت جزء كبير بجزء كبير غالبا هتنام من اول جزء لان عقلك مش هيقدر ولا هيستوعب اللي انت بتعمله ، والصح انك تقسم شغلك أجزاء صغيرة وبسيطة عشان تحس انك بتنجز وتتحفز تكمل اكتر وكمان لما تطول في حاجة واحدة هتحس بالملل وهتنام بسرعة اكبر من اللي انت متخيلها لان عقلك هيهرب من كل ده بسرعة لانه اصلا مجهد بسبب قلة النوم والإجهاد الزائد عليه هيخليه ينام بسرعة أكبر

شرب المياه بيساعد الجسم علي الحيوية والنشاط و هيساعدك تتغلب على النوم وهينشط العقل ويخليك تقدر تنتج اكتر وهيقاوم الاجهاد والتعب بنسبة معقولة

مفيش مانع من كوب قهوة واحد يعوض قلة النوم لكن مش اكتر من كده لان القهوة الكتير بتسبب الجفاف وبتتعب المعدة وهتسبب الأرق وهيعوض العقل بأكثر من اللي محتاجة ، ده غير انها هتخليك خامل وكسول بعكس ماتشرب كوب واحد منها هتفيدك وتعوض قلة النوم شوية و هتديك فوائدها بعيدا عن الاضرار اللي ممكن تحصل من القهوة الكتير

وفي دراسات اثبتت ان ريحة القهوة بس من غير شربها بتحفز العقل و بتخلي الشخص في حالة مزاجية أفضل وبالتالي هيساعدك تشتغل افضل

من قبل ماتحس ان النوم هيغلب عليك اوي حاول تشتغل وانت واقف عشان لما تحس بالراحة فترة كبيرة هيغلب عليك النوم غصب عنك ومش هتقدر تشتغل

حاول متخليش الجو ساكت وفي نفس الوقت متشغلش موسيقي هادية لانها هتساعدك علي النوم ،وحاول تشغل مزيكا مناسبة لو ينفع تعلي صوتها عليها عشان تشوش علي دماغك انما لو مبتعرفش او مكان الشغل مش هيسمح ، يااما تشغلها في سماعة او انك تتشغلها بصوت واطي شويه لكن راعي انها تكون صاخبة عشان تساعدك تكمل شغلك وتبعدك عن النوم

حاول متستغرقش في موضوع واحد لمدة كبيرة لأنك لو ركزت في موضوع واحد لمدة كبيرة هتجهد عقلك وهتنام بسرعة ومش هتقدر تكمل وتنجز الشغل اللي وراك وغالبا هتضايق لانك مقدرتش تعمل اللي وراك ، والمفروض انك لو حسيت انك مستغرق في موضوع واحد انك تغيره زممكن ترجعلة تاني بعد شوية

اليوم اللي هتكون مش نايم فيه كويس هتكون محتاج كل دقيقة فيه بتعدي منك في حاجه تانية بره الشغل ، والحل انك تبعد عن الموبايل بس لحد ماتخلص شغلك وترجع تاني ليه وكمان هيكون حافز ليك انك تخلص اللي وراك لو عايز تتصفح علي الفيس بوك شوية او تسمع اي حاجه تسليك