البهارات كلمة السر في أي أكلة بتنقل الطبق لطعم تاني خالص ، مكرونة بالفراخ بطل ألف وصفة لكن لما نضيف للطبق بهارات الكاجون يبقي الطعم أكيد هيكون مختلف مش ممكن هتقدري تقاوميه ، إيه رأيك نبدأ مع بعض نشوف مقادير وطريقة طبق المكرونة بالفراخ و بهارات الكاجون اللي ممكن يكون طبق مثالي في العزومات سهل و سعره علي قد الإيد و طعمه رائع .
جهزي المقادير
2 قطعة صدور فراخ ، 2 معلقة زيت زيتون ، معلقة زيت (لسلق المكرونة) ، معلقة كبيرة توابل الكاجون ، ½ كيلو مكرونة ، 2 معلقة كبيرة زبدة ، 3 فص ثوم مقطع قطع صغيرة ، فنجان كريمة طبخ ، ½ معلقة صغيرة عصير ليمون ، ¼ فنجان جبنة بارميزان ، معلقة صغيرة ملح ، معلقة صغيرة فلفل إسود ، 2 حبة طماطم مقطعة مكعبات ، 2 معلقة كبيرة بقدونس مقطع .
جهزي الفراخ
إغسلي قطع الفراخ كويس و تبليها بمعلقة زيت زيتون و معلقة بهارات الكاجون و قلبي كويس أوي علشان تتغطي قطع الفراخ كلها بالبهارات و سيبيها 3 ساعات في الثلاجة علشان تدي نتيجة أفضل .
إشوي الفراخ
إدهني الشواية بمعلقة زيت زيتون و إشوي قطع الفراخ لحد ما يتحول لونها للون الذهبي الجميل .
جهزي المكرونة
إسلقي الفراخ في ميه بتغلي فيها ½ معلقة ملح و معلقة زيت و صفيها كويس أوي من الميه .
حضري الصوص
في طاسة علي نار هادية ضيفي الزبدة و الثوم و قلبي لحد ما يصفر و بالتدريج ضيفي كريمة الطبخ و عصير الليمون مع التقليب لمدة 3 دقايق ، و أخيرا ضيفي الجبنة البارميزان و الملح و الفلفل الإسود و قلبي لحد ما الخليط يتقل شوية .
ضيفي المكرونة
ضيفي المكرونة للصوص اللي حضرناه في الخطوة 4 و قلبي علي نار هادية لمدة دقيقة و إغرفي المكرونة في طبق التقديم .
قدمي و استمتعي
رصي قطع الفراخ علي طبق المكرونة و زيني الطبق بقطع الطماطم و البقدونس المقطع و استمتعي بأجمل طبق مكرونة بالفراخ و بهارات الكاجون .
نصائــــح
بسهولة ممكن تحضري صوص الكاجون بنفسك و تحفظيه في برطمان تستعمليه لتتبيل اللحوم و الفراخ و ده مقادير بهارات الكاجون فلفل إسود ، ملح ، بابريكا ، شطة ، بصل بودرة ، ثوم بودرة ، زعتر جاف ، بردقوش جاف ، حطي مقادير متساوية من كل المكونات ده و قلبيها كويس ، و بال
ممكن تستغني عن الشواية و تسوي الفراخ في طاسة فيها معلقة زيت علي نار هادية و استمتعي بمكرونة بالفراخ و بهارات الكاجو
تعليقات
إرسال تعليق