ازاي اتعامل مع ابنتي العنيدة في فترة المراهقة
فترة المراهقة من اكتر الفترات اللي بتحتاج من الاب والام انهم يتعلموا ازاي يتعاملوا مع اولادهم خلالها عشان يقدروا يعدوها بسلام خصوصا لو كان الاولاد من النوع العنيد او مبيقبلوش النقد او تدخل الاب والام عموما في حياتهم ، عشان كده في المقال ده هنقولك ازاي تتعاملي مع بنتك في فترة المراهقة وتكسبي صدقتها .
احترموا خصوصيتها
احترموا خصوصيات بنتكم في فترة المراهقة متحاولوش تحسسوها انها ملهاش خصوصية او انكم مراقبينها طول الوقت لان هي لو حست انكوا بترقبوها او بتحاولوا تخترقوا خصوصيتها هتبعد عنكوا وهتحس بالنفور علي سبيل المثال استاذنوا قبل دخول غرفتها ، متحاولوش تفتشوا في موبايلها او الحاجات الخاصة بيها عموما .
احترموا ارائها
من المهم علي الاب والام انهم يحترموا اراء بنتهم ويسمعوها ويشركوها في قرارتهم لان هي كمان هتبدا تشرككوا في حياتها وقرارتها وكمان هتقدر تكون شخصيتها الخاصة بيها وتكون شخصية قادرة تعتمد علي نفسها ،علي سبيل المثال زي انها تشترك معاكوا عموما في الشئون والقرارت الخاصة بالبيت سواء في ميزانية البيت او المشكلات اللي بتواجهكوا وتفتحوا النقاش ان ازاي ممكن تحلوها وتسمعوا اراء اولادكوا .
متحاولوش تقاطعوها اثناء الكلام ،من المهم انكوا تسمعوا رائيها في اي شئ للاخر لغاية لما تكون حست انها خلصت كل الكلام اللي عايزه تقوله وبعد ما تخلص كلامها ساعتها تقدروا تناقشوها في رائيها .
متقللوش من رائيها او تستهزئوا بيه حتي لو كان رائيها مش صح من وجهة نظركوا ، اسمعوا وجهة نظرها وحاولوا تفهموها بعدين ابدئوا اتناقشوا بهدوء في القرار ده لغاية لما تقدروا توصلوا للراي اللي يرضي جميع الاطراف .
متفرضوش رايكوا عليها
متحاولوش تجبروها تعمل حاجات هي مش حباها طول الوقت ،من المهم ان الاب والام يتفهموا ان الزمن اللي بيربوا فيه اولادهم غير زمانهم وان اولادهم مش لازم يكونوا نسخة منهم او يحققوا لهم احلامهم اللي مقدروش يحققوها ، لان كل شخص من حقه تكون حياته من اختياراته ويتعلم منها حتي لو كانت اختياراته خاطئة .
اتجنبوا صيغة الامر في الكلام ،لان الاكثار في استخدام صيغة الامر معها هيخلها تكون اتجاه عكسي وترفض معظم الاوامر اللي بتوجهلها من الاهل حتي لو كانت لصالحها او كانت شايفه ان قرارهم سليم ، لان كتر الاوامر بيؤدي الي النفور والرفض والعناد .
شجعوهم علي الحاجات اللي بيحبوها
الابن او البنت عموما بيرتبط وبيتعلق بالاب والام اللي بيشاركوهم اهتمامتهم و الحاجات اللي بيحبوها وبيشجعوهم باستمرار وبينموا مهاراتهم وبيهتموا بيها ، بالطريقة دي انت بتقدر تكون صلة صحوبية بينك وبين بنتك او ابنك وبتقدروا تتغلبوا علي الفجوات اللي مابينكوا وبيقدر الاب والام يدوا لاولادهم خبراتهم وطريقة تصرفهم بشكل غير مباشر وبتقدر توجههم من غير اوامر او مشاكل واختلافات .
مستخدموش العنف معاها
ازاي اتعامل مع ابنتي العنيدة في فترة المراهقة
ازاي اتعامل مع ابنتي العنيدة في فترة المراهقة
العنف والعند ما هو الا اداة بتولد عنف وعند من الطرف الاخر خصوصا في فترة المراهقة ، لان فترة المراهقة من اكتر الفترات اللي بتحتاح فيها البنت للرعاية والعطف والود في التعامل خصوصا من الاسرة اللي لو متوافرتش فيها هتحاول انها تدور عليها خارج الاسرة وده احيانا بيعرضها انها تتعرف علي صحبة سيئة بسبب عدم كفاية نضجها وخبرتها في الحياة واستعجالها في وجود اشخاص جمبها يعوضوها عن عنف الاب والام .
متحطوهاش في مقارنة مع حد
ان يكون دايما الشخص تحت ضغط انه بيتقارن بشخص تاني بيسبب له شعور بالاحباط والتدني بيخليه دايما فاقد الثقة بنفسه وبالتالي بيتصرف دايما بعنف مع اللي حواليه .
من التصرفات الخاطئة اللي بيرتكبها فئة كبيرة من الاباء والامهات انهم يظهروا ويبينوا اخطاء اولادهم امام الاخرين لان ده بيخليه اكتر عرضة للانتقاد من كل اللي حواليه وبالتالي بيحاول يتجنبهم فبيبدا يبقي شخص منطوي او منعزل او بيكون دايما رد فعله فيه هجوم علي الناس غير مبرر عشان دايما بيكون في محاولة انه يدافع عن نفسه .
سيبها تهتم بنفسها
سيبها تهتم بنفسها وبالموضة وبشكلها وباستخدام المكياج تحت اشرافك ، لان في مرحلة المراهقة بتبدا تحس انها انتقلت من مرحلة الطفولة لمرحلة النضج او الشباب زي الناس اللي حواليها فبتبدا تهتم بنفسها وبشكلها ، من الغلط ان الاهل دايما يكونوا في صراع معاها وفي معارضة مع اهتمامها بنفسها او اختلاف تصرفتها لان ده بيزود من الكبت اللي بيسبب مشاكل كبيرة في المستقبل ، حاولي تصحبيها وتنصحيها وتوجهيها بحكمة للصح من غير ما يتحول لتحكم او تسلط .
كوني علاقة طيبة مع اصحابها
كوني علاقة طيبة وقوية مع اصحابها علي سبيل المثال تعزميهم علي العشاء في البيت او تتفقي معاهم علي حفلة عيد ميلاد لبنتك وتحاولي تقربي منهم وتتكلمي معاهم وتوفريلهم جو من المرح والفرحة في المكان وتتقبلي اختلاقات التفكير والكلام بينك وبينهم لان ده هيخليكي تقدري بشكل غير مباشر تتعرفي علي اصحاب بنتك وتفكيرهم وبالتالي تقدري تحتويهم وتشاركيهم في مشاكلهم و اهتمامتهم ويكونوا دايما تحت رعايتك .
#ابنتي المراهقة تكرهني, #ابنتي المراهقة تكلم شاب, #كيف اتعامل مع ابنتي المراهقة التي تحب, #كيف اتعامل مع المراهقة التى تحب, #كيفية التعامل مع البنت العنيدة
تعليقات
إرسال تعليق