القائمة الرئيسية

الصفحات

ازاي اتعامل مع الارتجاع عند الرضع







الارتجاع واحد من أكتر المشاكل المنتشرة بين الرضع، حوالي ٢٥٪ من كل الرضع بيصيبهم درجة ما من الارتجاع. الارتجاع ممكن يسبب حاجات كتير بداية من بثق بسيط وحتي البكاءووجع البطن الجامدين، والاستيقاظ كثيرا أثناء الليل.

الحقيقة أنه من أكتر آسباب نوبات البكاء عند الرضع هو الارتجاع! عشان نفهم أكتر طريقة التغذية لحالات الارتجاع من المهم أننا نفهم ازاي الارتجاع بيشتغل.

الطبيعي أنه في عضلة مدورة مطاطة بتفصل بين المعدة والي قبلها. بعد ما الأكل بيدخل المعدة العضلة دي بتضييق وبتعمل كأنها صمام في اتجاه واحد عشان يمنع الي جوة المعدة والأحماض من الارتجاع. بعض الأطفال بتكون العضلة دي غير مكتملة النمو بشكل كامل وده بيبقي لفترة مؤقته في حياتهم. وبالتالي بتسمح بارتجاع الأكل والأحماض. وده بيثير الطفل وبيسبب بعض الآلام.

لو طفلك عنده درجة متقدمة من الارتجاع، الدكتور بتاعك هيكتبك أدوية تقلل من افراز الأحماض في المعدة. أغلب الأطفال بيكبروا وبيتحسن الإرتجاع عندهم بين ٦و٩ شهور، الست الي بيكونوا بيقضوا وقت أطول وهما قاعدين بالفعل والي بذاته بيقلل فرصة الارتجاع. في بعض الحاجات الي ممكن تقلل الارتجاع عند طفلك زي:

 خلي طفلك يقعد في وضع مستقيم بعد الأكل


أي طفل بيعاني من الارتجاع، الجلوس مهم بالنسبة ليه خصوصا بعد الأكل لأن الجاذبية بتساعد في الحفاظ علي محتويات المعدة بداخلها. خدي ابنك علي حجرك وخاليه يسند راسه علي صدرك. خاليه يفضل في الوضعيه دي نص ساعة علي الأقل بعد الأكل.

 زودي عدد مرات الرضاعة


أهم قاعدة بالنسبة للارتجاع هي أنك تضاعفي عدد مرات الرضاعة لكن تقللي كمية الرضعة نفسها. ده لأن لو كمية أقل من اللبن دخلت المعدة هيتم هضمها بسرعة وبالتالي هتقل فرصة الارتجاع.

 الرضاعة الطبيعية


لو انتي بترضعي طبيعي، استمري علي الرضاعة الطبيعية بدون أي شئ اضافي لأطول فترة ممكنة. لبن الأم له فوايد كتير عن اللبن الصناعي خصوصا للأطفال الي عندهم ارتجاع. لبن الأم بيتهضم أسرع وده بيقلل الارتجاع وبيحتوي علي انزيمات تساعد علي الهضم. كمان الأطفال معندهمش حساسية من لبن الأم لكن ممكن جدا يكون عندهم حساسية لأنواع كتيرة من اللبن الصناعي خصوصا الأطفال الي عندهم ارتجاع. لو انتي بترضعي صناعي يبقي مهم تستخدمي نوع لبن مناسب هيكتبلك عليه الدكتورلأن اللبن ده هيبقي الأمعاء الحساسة بتتعامل معاه بشكل أفضل وبيتم هضمه بسرعة.

 حطي ابنك في وضع مريح للنوم


الأطفال الي عندهم ارتجاع بيصابوا بألم يصحيهم من نومهم بالليل. لأن النوم بشكل مسطح مش بيوفر الجاذبية الي بتخلي الأكل يفضل في المعدة. لو طفلك بينام كويس يبقي مفيش احتياج أنك تغيري أي حاجة في روتينه. لكن لو طفلك مش عارف ينام كويس زي مثلا أنه بيصحي ويبقي عنده نوبات من البكاء أو وجع في البطن أو رائحة فم حامضة أو تجشؤ مع سائل يبقي مهم أنك تميلي سريره ٣٠ درجه للأعلي. الأرتفاع ده كفاية قوي عشان الطفل ينام بالليل من غير ارتجاع. طبعا أفضل طريقة أنك تحطي ابنك ينام علي ضهره لكن لو مش قادر ينام في الوضع ده يبقي خاليه ينام علي جنبه الشمال لأن المعدة في الوضع ده بتكون مرتفعة شواية وده بيساعد علي بقاء الأكل في المعدة.


هل اعجبك الموضوع :

تعليقات