القائمة الرئيسية

الصفحات

ازاي تعلم أولادك إنجليزي







تعلم اللغات أصبح ضرورة من ضرورات العصر وخصوصا لغة زي الإنجليزي. كتير من الأمهات والأباء عاوزين ولادهم يتقنوا اللغة الإنجليزية عشان ده هيفتج لأولادهم مجالات أوسع في الشغل والدرسة والحياة بشكل عام لو عاوز تعرف طرق تعلم أولادك لغة تانية في البيت اتبع الخطوات التالية

شجع أولادك يتفرجوا علي كارتون بالإنجليزي
أطفالنا بيقضوا وقت طويل أدام الكارتون كل يوم وممكن الأهل يستغلوا حب الأطفال للكارتون بأنهم يستخدموه كوسيلة لتعلم اللغة الإنجليزية. في كارتونات متخصصة لتعليم اللغات وممكن الأهل يختاروا كارتونات عادية متوفرة علي القنوات الأجنبية.

عرف أولادك علي أجانب
من الحاجات الي بتساعد جدا الطفل أنه يكتسب اللغة الإنجليزية أنه يكون له صاحب أجنبي. الأطفال بيتعلموا من بعض بسرعة جدا وده هيساعد ابنك أنه يتعلم مصطلحات جديدة وطريقة نطق صحيحة وكمان هيساعده يتدرب علي الكلمات والمصطلحات الي هو متعلمها.

إقرأ مع ابنك
تعليم الطفل القراءة ومشاركة الأهل له القراءة مهمة جدا وممكن تبقي وسيلة ممتازة لتعليم الطفل اللغة الإنجليزية. ممكن تاخد أولادك المكتبة وتختاروا مع بعض كتب مناسبة لسنهم وشدة انتباهم وتقرأوها مع بعض مرة أو مرتين أسبوعيا.

استخدم تطبيقات الموبيل المتخصصة
في تطبيقات موبيل كتير سواء مجانية أو باشتراك زي دولينجو لتعليم اللغة الي تختارها. ساعد ابنك يستخدم التطبيقات دي والي كمان هتساعدك تعرف قدراته وتحدد مستواه.

غنوا مع بعض
من المهم جدا لتعلم أي لغة أن يكون في حصيلة كلمات وجمل محفوظة ومعروفة عند الطفل ومن الحاجات الي بتسهل ده أن الطفل يحفظ بعض الأغاني والأناشيد بعد ما يكون اتشرحله معناها.

نصائــــح
متسيبش ابنك يتفرج علي الكارتون لوحده مهم جدا أنك تختار معاه وتتفرج معاه ويبقي في وقت محدد لده.
في نظريات بتقول أن تعلم اللغة الثانية يفضل أن يكون مبكرا لأنه بيبقي أسهل لكن الحقيقة أن الطفل بيقدر يتعلم لغة تانية بسهولة لسن كبير.
متهملش اللغة الأم للطفل في سبيل تعلم لغة تانية لأن ده هيؤدي أن الطفل لا هيتقن لغتة الأصلية تماما ولا اللغة التانية تماما.
متضغطش علي ابنك ومتحولش الموضوع لساحة حرب يومية بالعكس حافظ علي هدوئك وخلي التجربة دي ممتعة.


هل اعجبك الموضوع :

تعليقات