القائمة الرئيسية

الصفحات







التدخل المبكر والعلاج بيساعد الأطفال المصابيين بالتوحد أنهم يكونوا أفضل . الهدف الأساسي من العلاج هو أنه تحسين قدرات الطفل بشكل عام علي التعامل. أعراض التوحد تختلف من طفل لاخر وهي نفسها بتختلف مع مرور الوقت. في بعض النصائح الي الخبراء بيوصوا بيها لمساعدة الطفل التوحدي علي تطوير مهاراته زي:

تدريب وإدارة السلوك
تدريب وإدارة السلوك هي الطريقة الي الطفل بيتعلم بيها عن طريق الاعتماد علي النفس ومهارات التواصل الاجتماعي والتعزيز الايجابي لتطوير سلوك الطفل وطريقته في التواصل. في طريق كتيرة تم ابتكارها لتطبيق النوع ده من التدريب للأطفال زي الABA والTEACCH والSensory integration. مهم للأم تتعلم عن الطرق دي وتختار لابنها مع اعتبار رأي الطبيب المباشر للطفل.

العلاج المتخصص
في بعض العلاجات المتخصصة الي ممكن الطفل يحتاجها زي جلسات التخاطب مثلا وغيرها. الجلسات دي مهمة لأنها بتساعد في ادارة سلوك الطفل والتواصل وفي أتواع مختلفة من الجلسات الي بتساعد الطفل علي تطوير مهاراته الحركية وعلي التعامل مع المحسوسات الي حواليه زي الروايح والأصوات والملمس بالمختلف للأشياء وأي حاجة بيستقبلها عن طريق حاسة من حواسه الخمسة.

الأدوية
بعض الحالات بتستدعي أعطاء الطفل أدوية بناء علي تقدير الطبيب. الأدوية بتساعد الطفل في التغلب علي المشاكل السلوكية زي الاكتئاب والتوتر وفرط الحركة وغيرها ….

الدعم ووتدريب الأهل
مهم جدا أن الأم تحصل علي تدريب وتتعلم ازاي تتعامل مع طفلها عشان تساعده علي تطوير مهاراته ومهم أنه يكون في مجموعة دعم مكونة من أمهات بتساعد بعض وبتسمع بعض وبينصحوا بعض بالنصايح الي ممكن تساعد في تحسين سلوك الطفل.


هل اعجبك الموضوع :

تعليقات