ازاي افطم طفلى

كتير من الأمهات بيعانوا من فطم طفلهم ومبيعروفوش بالتحديد أمتي تقوم بفطمه ، إلي جانب أن الطفل بيصعب المرحله دي جدا وبيرفض بكل الطرق الأستغناء عن الرضاعه الطبيعيه ، فلو أنتي بتمري بكل الصعوبات دي مع طفلك ومش قادره تقنعيه ، هنساعدك بمجموعه خطوات أنك تساعديه يتقبل أنه يتفطم :

 أفطميه بشكل مفـاجئ ( الطريقه الأولي )


بعد سنه الطفل بيكون اخدت كفايه كبيره من الرضاعه الطبيعيه ، فأنتي أفطميه بعد سنه وبشكل مفاجئ في البدايه وخصوصا الأسبوع الأول هتعاني معاه من قله النوم والعياط بأستمرار وهيتعبك بشكل كبير ، بس مع الأستمرار عن أبعاد عنه الرضاعه الطبيعيه وتوفير له الأكل المناسب ، نفسيته هتتأهل بعد أسبوعين بالكتير علي الأكل وينسي الرضاعه ..

 أفطميه بشكل تدريجي ( الطريقه التانيه )


أحسبي يوميا عدد المرات اللي طفلك بيرضع فيها ، وأوقات نومه اللي بيصحي وبيحتاج وقتها الرضاعه ، وأبداي تدريجيا أنك تقللي عدد مرات الرضاعه ماعدا رضعه قبل النوم لأنها مهمه جدا وطفلك في الوقت دا مش هيقدر يستغني عنها .. وحاولي خطوه بخطوه لحد ما توصلي لرضاعه قبل النوم وأمنعيها في البدايه هتعاني معاه بس بعد فتره قصيره هينساها ..

 أستبدلي الرضاعه الطبيعيه بالرضاعه الصناع


وأنتي بتفطميه بشكل تدريجي أستبدلي مره من المرات بالرضاعه الصناعيه ، في البدايه هينفر منها بس مع الوقت مش هيلاقي بديل قدامه غيرها فهيبدأ يستغني عن الرضاعه الطبيعيه بشكل كبير ..

 خرجيه كتير


خرجي طفلك أثناء فطامه كتير ، ولعبيه ألعاب ممكن تتعبه بدنيا علشان ينام أكبر وقت ممكن ، وطول الوقت حاوطيه بألعابه اللي بيحبها علشان يلعب بيها أطول وقت وينسي الرضاعه وشغلي جمبه الكارتون اللي بيحبه ..

نصائــــح
الأفضل تفطمي طفلك بشكل مفاجي وتبعديه لمده أسبوعين بعيد عن رؤيتك ..
بلاش تنامي جمبه في الوقت اللي بعد فطمته مباشره ..
جهزيله الوجبات الخفيفه اللي بيحبها وعوديه علي الاكل من سن 6 شهور ..
متتراجعيش عن فطامه لانه هيصعب الفطام في المره التانيه ..