طريقة تتبيلة الفراخ المشوية

الفراخ من أكثر الوجبات اللي تقدري تعمليها بكذا طريقه ، وكل طريقه منهم بتدوقك الفراخ بطعم مختلف وممتع ، وبالتأكيد علي رأس الطرق دي هي ” الفراخ المشويه ” ، وعلشان تقدري تستمعتي بيها ومتحسيش أن الطعم مختلف عن الفراخ المشويه من المطاعم لازم تتبليها كويس لفتره 24 ساعه .

وفيه طرق كتيره لتتبيل الفراخ ، بس أحنا هنقدملك أكتر طرق مجربه ومضمونه تتبلي بيها فراخك وتدوقي طعم مختلف للفراخ المشويه :

المقادير
_ 1 بصله متوسطه الحجم .

_ 1 طماطم كبيره .

_ 3 فصوص توم .

_ معلقه خل كبيره .

_ عصير ليمون ( بتقومي بعصر 2 ليمونه ) .

_ علبه زبادي كبيره الحجم .

_ معلقه شطه كبيره أو متوسطه ( حسب رغبتك )

_ معلقه فلفل أسود بالأضافه الي معلقه ملح كبيره .

_ معلقه كاتشاب كبيره بالأضافه الي معلقه مايونيز كبيره أيضا .

_ خلطه الفراخ المشويه ( خلطه الفراخ المشويه عباره عن توابل متوفره عن اي عطار وهي بتضيف طعم مميز جدا للتتبيله أو تقدري تتضيفي توابل لحمه هتديكي نفس الطعم بس الأفضل توابل الفراخ المشويه ) .

أضربيهم في الخلاط
جهزي الخلاط الخاص بيكي وحطي فيه كل المقادير السابقه واضربيهم كويس جدا ، لحد ما تبقي كل المقادير عباره عن صوص .

أحشي الفرخه
هاتي طبق كبير وحطي فيه الفرخه وأبداي بحشوها بالتتبيله بين الجلد ودخلي الحشو في جميع أنحاء جسمها زي الرقبه وقلب الفرخه .. وغطيها من الخارج بكل الصوص ، وأحفظيها في التلاجه لمده 2 ساعه علشان الفرخه تشرب التتبيله كويس والطعم يمتزج بالحشو .

أشويها في الفرن


بعد ما تتركيها لمده 24 ساعه في التتبيله ، خرجيها من التلاجه وأشويها بأحدي الطرق التاليه :

1 _ ممكن تشويها بالطريقه التقليديه بأنك تقطعي الفرخه وترسيها في صنيه الفرن الخاصه بيكي وتحطي فوقيها 3 معالق صلصه طماطم وتتدخليها الفرن تستوي علي درجه عاليه 180 وبعده تتطلعيها تاخد لون علي الشوايه وزودي قطعه فحم مع التسويه وهتتديكي نفس الطعم اللي بتجربيه في أي مطعم .

2 _ أو ممكن تشويها عن طريق الزجاجه والطريقه دي أفضل بكتير وسهله جدا وتقدري تعمليها عن طريق أنك تحضري زجاجه بيبسي أو اي زجاجه مبتسخدميهاش وتملي نصها مايه علشان متفرقعش وتحطي عليها الفرخه وتدخليها تستوي وبعده تاخد لون علي الشوايه .

نصائــــح
تقدري تزودي دبس الرمان أو صويا صوص ودول تجبيهم من أي سوبر ماركت كبير وتضيفهم علي الخلطه .
متنسيش ان اهم خطوه تسيبي فيها التتبيله 24 ساعه علشان يمتزجوا كويس جدا مع بعض .