القائمة الرئيسية

الصفحات

إزاي تعملي فطيرة الفراولة بالكريمة علي البارد



علشان الفراولة لونها لوحده بيسعد و طعمها و ريحتها حكاية ، هتكون النهاردة البطلة في طبقنا ، فطيرة الفراولة بالكريمة علي البارد ، طبق حلو و سهل تعمليه في 10 دقايق ، من غير ما تحتاجي تدخليه الفرن أو تعملي مجهود كبير. قدميه لاسرتك و ضيوفك وفي المناسبات و أعياد الميلاد ، يلا بينا نستعد لأحلي طبق حلو و نشوف المكونات و نبدأ نجهز الطبق .

 جهزي المقادير
فنجان بسكويت مقطع ، 3/1 فنجان سكر ، 2 معلقة صغيرة قرفة ، فنجان كريمة مخفوقة ، 3/1 فنجان زبدة 1½

جهزي بقية المقادير
علبة جيلي فراولة ، 3/2 فنجان ميه سخنة ، ½ فنجان ميه باردة ، ½ فنجان مكعبات تلج ، فنجان كريمة مخفوقة ، 4 فنجان فراولة فريش مقطعة شرايح .

مقادير التزويق
½ فنجان كريمة خفق ، ½ فنجان فراولة مقطعة شرايح .

حضري البسكويت
في الفود بروسيسور إطحني البسكويت و ضيفي عليه 3/1 فنجان سكر و 2 معلقة صغيرة قرفة و 3/1 فنجان زبدة و إخلطي كويس لحد ما تكوني عجينة من المكونات كلها .

جهزي الصينية
حطي العجينة في صينية و ساويها كويس بالمعلقة لحد ما تبقي قاعدة للفطيرة .

إعملي الجيلي
في طبق عميق حطي 3/2 فنجان ميه سخنة و ضيفي علبة جيلي الفراولة و قلبي كويس ، و بعدين ضيفي ½ فنجان ميه باردة و ½ فنجان مكعبات تلج و قلبي لحد ما الخليط يتقل . ممكن كمان تلاقي طريقة عمل الجيلي في ضهر العلبة .

ضيفي الكريمة
بعد ما الخليط اللي فات يتقل ضيفي فنجان كريمة مخفوقة و قلبي كويس لحد ما يبقي الخليط ناعم .

حطي الفراولة
ضيفي شرايح الفراولة الفريش لخليط الجيلي و الكريمة و حطيه في الثلاجة لمدة 30 دقيقة لحد ما الخليط يتقل .

ضيفي الخليط للبسكويت
ضيفي الخليط اللي عملناه في الخطوة 6 لطبقة البسكويت المطحون في الصينية ، و حطي الصينية في الثلاجة لمدة 6 ساعات لحد ما تجمد .

زوقي و استمتعي
خرجي الصينية من الثلاجة و قطعيها قطع و زوقيها بكريمة الخفق و قطع الفراولة و إستمتعي بفطيرة الفراولة بالكريمة علي البارد

نصائــــح
المقادير تكفي 8 أفراد ، زودي أو نقصي الكمية حسب عدد الأفراد .
ممكن تزوقي سطح فطيرة الفراولة بشرايح الموز هتدي شكل و طعم مختلف .
خلي بالك و إنتي بضيفي كريمة الخفق علي خليط الجيلي إنك مضيفيش الكريمة إلا لما خليط الجيلي يتقل .
ممكن ترشي علي السطح مكسرات أو جوز هند مبشور و استمتعي بفطيرة الفراولة بالكريمة علي البارد .
قدمي الفطيرة على الفطار مع الشاي بلبن أو الكابتشينو و إستمتعي بأحلي بداية ليومك أو كحاجة حلوة تكسري بيها روتين اليوم .

 #تارت الفراولة بالصور, #فطيرة الفراولة بالصور, #فطيرة الفراولة بالكاسترد, #فطيرة الفراولة منال العالم, #فطيرة مربى الفراولة


هل اعجبك الموضوع :

تعليقات