ازاي تنسي شخص كنت بتحبه

ازاي تنسي شخص كنت بتحبه
تكملة علاقة فاشله او فيها خلافات طول الوقت او حد بيجي طول الوقت علي نفسه عشان يرضي التاني من اكتر الحاجات اللي ممكن تظلم بيها نفسك وبتعذبها وفي الغالب النوع ده من العلاقات لو كملت فيها هتعاني طول حياتك وهتبقي الحياه عبارة عن سلسلة من الصراعات والمشاكل .

1 انهي التعلق وتقبل الألم لفترة

ازاي تنسي شخص كنت بتحبه
ازاي تنسي شخص كنت بتحبه

لما بتقضي فترة طويلةمن حياتك مع شخص يعتبر داخل في كل تفاصيل حياتك وليك معاه ذكريات في كل تفصيله في حياتك بيحصل نوع من التعلق والتعود او الادمان ، الشخص ده بيبقي بنسبالك عقلك مش متصور عدم وجوده ، او مش متقبل فكرة عدم وجوده فلازم تدرك ان هيحصل نوع من الالم لفترة ما ، نتيجه لعدم وجود الشخص ده لكن لازم تعرف ان الالم ده مؤقت لوقت ما زي ما بيتعافي شخص من عقار او مخدر ، بيعاني لفترة بسبب عدم وجود المخدر لكن بعدها بيبقي افضل من الاول ،الحياة مبتقفش عند شخص او شئ وبتستمر ولكن احنا اللي بنقرر هل هتستمر للاسوء ونبقي مدمرين كليا ، او هتستمر للافضل او هنفضل الاستمرار في علاقة مدمره لمجرد عدم تقبل الالم النفسي لفترة ما .

2 ابذل مجهود بدني


هتمر بفترة ما جواك شحنة غضب بتتفجر كل يوم لاسباب كتيرة منها انه انك بتفتكر بشكل مستمر الوعود اللي كانت ما بينكوا او احساسك بالحماقة فيبعض التصرفات في بعض المواقف والاحداث ، او انك كنت شايفه افضل شخص في الكون ولكنه مكنش كده ، فحول كل الشحنه دي لشحنة ايجابية وصرفها بالمجهود البدني سواء برياضه او بعمل شاق او بعمل خيري بكدة هتقلل من اثر الشحنه دي عليك وهتفرغها يوم بعد يوم .

3 اشغل تفكيرك


في فترة مش هتقف عن التفكير ومش هتقف عن مراجعة نفسك و اللوم والرجوع للاحداث وللذكريات وللمواقف ومش هتنتهي من الاحساس بالغضب ثم الندم ثم الاشتياق ، وكل ما هتسيب نفسك للتفكير وقت اكتر كل ما هتصبح فريسة للاكتئاب او الرجوع للشخص رغم اقتناعك بانه ليس الشخص الذي يستحق ،عشان كده عليك انك تبذل قصاري جهدك عشان متفكرش كتير.

حاول في الفترة دي تستغلها بانك تطور من نفسك تتعلم حاجة جديدة او علم جديد تماما متعرفش عنه كتير بيثير فضولك ،اقرأ ، احضر ندوات ، شارك في اعمال جماعيه سواء رياضة او غيره او اعمال تطوعية تتعلم فيها حاجاتت جديدة وتكون متواجد فيها بشكل مستمر مع ناس هتكون الخطوة صعبه وهتكون همتك ضعيفه لكن مع الوقت هتتعود وهترجع للحياه من جديد وهتكون اتعلمت حاجات جديده اكسبتك خبرات وصداقات .

4 خليك في وسط الناس



في فتره من الفترات هتكون منعزل ومش قادر تتكلم مع حد ولا قادر تفكر في حاجة لكن حاول متستسلمش للفتره دي كتير ، اقعد من ناس سواء اهلك او اصحابك هيحكولك اي حاجه او اي موضوع هيشغل تفكيرك ولو لبعض الوقت، هتتكلم معاهم فهتخفف عن نفسك ، الانعزال فترات طويله هيزود المشكله اكتر ويتعبك ويستهلكلك ومش هتوصل غير لحلول عقيمه وافكار سيئه .

idea نصائــــح
مفيش حد بيموت من الحب لكن في حد بيموت في علاقة فاشلة .
الحياة مش هتقف ، لكن خليها تستمر بيك للافضل مش للاسوء .
مش هتفضل تعبان طول العمر فترة وهتعدي وهتبقي احسن من الاول .
مش كل الناس زي بعض ، مش كل الناس وحشين (تفائل)