ساعات بتحتاج تتحكم في جهازك من برا البيت لو عاوز تطلع من عليه معلومات مهمة أو تبعت حاجه من عليه لحد ما توصل بيتك أو تخليه يعمل مهمة ما وأنت برا البيت والكمبيوتر الخاص بيك بعيد عنك . النهارده هنعرف ازاي نقوم بالتحكم الكامل في الكمبيوتر عن طريق الموبايل وأنت برا البيت
متطلبات التشغيل
لازم يكون عندك أكونت على Gmail ومتصفح Google Chrome وهتلاقي رابط عمل اﻷكونت ورابط تحميل المتصفح موجود في الجزء الخاص بالمصادر في أخر المقالة .
ثبت الإضافة
أفتح Google Chrome ولازم تضيف Extension بأسم “chrome remote desktop” واللي هتلاقي الرابط الخاص بيها في جزء المصادر في أخر المقالة
فتح التطبيق
أفتح الإضافة وسطبها بعدها هيظهرلنا النافذة دي .. أضغط على Get Started زي اللي في الصورة علشان تقدر تبدأ التهيئة للتطبيق وضبط الإعدادات الخاصه بيه .
أعطاء صلاحيات للتطبيق
أختار Enable remote Connections علشان تقدر تبدأ تربط الكمبيوتر بالموبايل
ربط الموبايل بالكمبيوتر
أفتح حسابك الـ Gmail من على Chrome وكمان على موبايلك علشان يقدر التطبيق الجديدة اللي أحنا نزلنها يربط جهازك بالموبايل
حمل التطبيق
نزل تطبيق Remote Desktop الخاص بـ Google من المتجر موبايلك علشان يقدر يربط بين الموبايل والجهاز . أدخل على متجر Google Play من موبايلك وأكتب في مربع البحث أسم التطبيق وهو بالشكل التالي : “Google Remote Desktop” أضغط بعدها على كلمة install علشان تقوم بتحميل وتثبيت التطبيق على موبايلك وتقدر تستخدمه بسهولة . بعد ما ينتهي التحميل هتتحول كلمة install وهتبقى كلمة open فأضغط عليها علشان تفتح التطبيق .
تكملة ربط الهاتف بالموبايل
هتلاقي الموبايل أتعرف أتوماتيك على موبايلك بمجرد ما تفتح التطبيق من موبايلك وده فقط عن طريق أكونت الـ Gmail الموحد اللي قولنا في أول الموضوع أنه لازم يكون مفتوح على نفس الموبايل والكمبيوتر
أعمل كلمة مرور
حدد كلمة سر من الكمبيوتر من تطبيق جوجل علشان تقدر تدخل بيه من موبايلك وده زيادة في اﻷمن والحماية
أدخل من موبايلك
أدخل كلمة المرور من موبايلك علشان تعمل Connect بالكمبيوتر بالشكل ده وتقدر تتحكم فيه بشكل كامل
تحكم في كمبيوترك من الموبايل
دلوقتي خلاص أنت على الكمبيوتر من الموبايل وتقدر تتحكم فيه بشكل كامل وعمل كل شئ عليه عن بعد ومش لازم تكون على نفس الشبكه .
تعليقات
إرسال تعليق