ازاي تلعبى مع مولودك الجديد

كلنا بنستني لحظه البيبي بفارغ الصبر ، وأول ما نشوفه بنبقي ملهوفين أننا نلعب معاه طول الوقت ومنسبوش ، بس للآسف البيبي مبيبدلناش نفس الشعور دا ، فبنضايق بالفعل وبنحاول معاه أكتر من مره لحد ما نزعجه ويبدا بالبكاء ، ولكن في طرق تقدري تتبعيها أنتي والأب تساعدكم عشان تقدروا تلعبوا مع إبنكم حديث الولادة بسهوله ودا هنعرضه عليكي عن طريق الخطوات الآتيه :

 ساعديه عن طريق حاسه البصر


طفلك بعد أول شهر بيبدا يبص حواليه ويلاحظ كل شئ ، خليكي مع نظره وأحسبي بيقدر يبص علي حاجات بمسافه قد ايه ، وأبداي أستغلي المسافه دي بأنك تحطي قدامه حاجات فيه زي فقاعات الهواء طيريها في نفس المسافه المركز فيها هتلاقيه بالفعل مندمج معاها ، وقومي بوضع الألعاب الخاصه به في هذه المسافه ، وعن طريق حاسه البصر هتحفزيه أنه يتعرف علي الأشياء ويضحك فيما بعد عليها ..

حفزيه عن طريق اللمس


كل الأطفال وخاصه البيبي بيحبوا أنك تلمسي بشرتهم برقه وهدوء ، علشان كدا أتبعي حاسه اللمس في تحفيزة علي اللعب معاكي وحركي أعضاءه عن طريق لمس بشرته بنعومه والقيام بتتدليكها عن طريق ايديكي وبعد شهرين من ولادته قومي بالتتدليك عن طريق الأشياء ذو الملمس الناعم مثل الدانتيل أو القطن .. وبعد فتره هتلاحظي ضحكه والتفاعل معاكي ..

 ألعبي علي حاسه السمع


بشكل كبير البيبي بينام معظم الوقت وممكن لما يصحي ميركزش في أي مسافات وميستغلش بصره أطلاقا في أول شهرين من ولادته وميحاولش يتعرف علي اي حاجه حواليه لأن معظمهم بيعتقدوا أنهم لسه في بطنك ، فأنتي أستغلي حاسه السمع عنده ودي تعتبر من اهم الحواس عند الطفل ، فأتكلمي معاه بصوت عالي وغني له أغاني مميزه وأتحركي في الأوضه وأنتي بتغني بعد فتره هيلاحظ صوتك كويس وهيبدا يلتفت ليكي في كل ركن في الغرفه ..

 أعتمدي علي القصص المصوره


بعد ما طفلك يكمل الخمس شهور ضميه إليكي وأبداي في تفريجه علي القصص المصوره واحكيله قصه علي كل واحده منهم ، بعد فتره هتلاقيه بيقلب الصفحات بنفسه وبيبصلك في وشك كل شويه ويضحك .. وكرري دايما نفس القصه المصوره ليه علشان يحفظها ويتعود عليها ..

 النوم علي البطن


بعد ما يكمل شهر نيميه علي بطنه في البدايه وأبداي بتحريك رجله اليمين ناحيه اليسار والعكس وسيبه لمده ثواني علي بطنه في الأسبوع مش هيتحرك وهتبدأي تلاحظي في الأسبوع التاني انه بدأ يزحف علي بطنه بشكل بسيط ويحاول ، فانتي حركي اللعب الخاصه بيه قدامه وأعمليه مساج بأستمرار في رجله ودا هيساعده انه يفرح ويحرك جميع أطرافه ويلعب معاكي ..

نصائــــح
غيرليه البامبرز الخاص به بإستمرار علشان يحس بالانتعاش ..
كل أسبوع خرجيه بره البيت وخليه يتفرج علي الأماكن والوشوش ويبدأ يعرفها بنفسه ..
شغلي في أوضته الخاصه ميوزك هاديه تساعده علي الأسترخاء بليل والراحه ..
متحملهوش طول الوقت في بدايه ولادته لان دا هيعوده انك تشيله دايما ومش هيحب يلعب ولا يتحط علي السرير