كيفية التعامل مع الرجل الخجول
كتير بنقابل أشخاص مبنعرفش نتعامل معاهم بسبب خجلهم الشديد ولان مش مطلوب منك تعدل سلوك كل الناس فلازم تعرف ازاى انك تتعامل معاهم خصوصا لو انت حابب او مضطر انك تتعامل معاهم وعشان تقدر تتعامل مع الشخص الخجول اتبع الخطوات التالية :
كيفية التعامل مع الرجل الخجول
متكلموش في وجود اشخاص اخرين
الشخص الخجول عادة بيكون مش واثق من نفسه وبيحب يكون منطوي ووجود أشخاص كتير حواليه بيزيد من خجله وبيخليه متوتر اكتر ولو عايز تبدا معاه كلام اول حاجه لازم تستني لما يكون لوحده ومتروحش تكلمه لما يكون معاك شخص تاني وخليك محتفظ بابتسامة لطيفة عشان تحسسه بالامان وتقلل من التوتر اللي بيكون موجود فيه
خليك هادي
لما تبدا الكلام معاه خليك هادي ومؤدب ومتقلش اي حاجه ممكن تسببله الاحراج او الكسوف ومتقولوش انت مكسوف او قاعد لوحدك ليه كلمه كأنه شخص عادي جدا متحسسوش باحراجه لأنه لما بيحس ان اللي قدامه حاسس بخجله بيخجل اكتر ومبيعرفش يتكلم وممكن يستاذن ويمشي
عدي أخطائه في الكلام
الشخص الخجول غالبا بياخد وقت علي ما ياخد علي الكلام مع اي شخص جديد وبيبقي خاي يغلط في الكلام وعشان كده بيكون متوتر في بداية الأمر وعشان تقدر تخليه يتكلم بارتياح متعلقش علي اي كلمة يغلط فيها كانك مسمعتهاش بالظبط او اي تصرف هو عمله ممكن يخجله
ولما متعلقلوش علي اي اخطاء هيحس ان الاخطاء متاحة معاك عادي وكل ماهيتطمن اكتر كل ما هيعرف يتعامل معاك أسرع
متبصش في عينه
من اكتر الاسباب اللي بتسبب الاحراج عند الشخص الخجول وبتزيد من خجله ان حد يبصله في عينه أثناء الكلام عشان كدا خليك حريص انك متبصش في عينه مباشرة وعشان تخليه يتاقلم عليك بشكل اسرع ليك جمبه بدل من مواجهته لان الوضع ده بيخلي يخفف من شعوره بالتهديد وخليك بس ملتفت ليه جسمك عشان يحس انك منتبه لكلامه ومهتم بيه
ابدأ الكلام معاه في مواضيع عامة
عشان تبدا تتكلم مع الشخص الخجول ابدا اتكلم معاه في موضوع عام زي انك تسأله عن رأيه في حاجه معينه او تتكلم معاه في اهتمامات مشتركة بينكوا أو قوله علي علي حاجه مفيش ناس كتير تعرفها عنك لان ده بيخليه يحس انك بتثق فيه وده هيعزز العلاقة بينكوا وهيكون قادر انه يتعامل معاك
استخدم لغة جسدك بشكل صحيح
عادة الشخص الخجول بيكون خايف من التعاملات الاجتماعية وبيكون رد فعله وبيبان في أعراض جسدية زي انه يعرق أو تسارع ضربات قلبه أو احمرار وجهه لانه بيكون خايف من رد فعل الشخص اللي بيتعامل معاه
وعشان تخفف من عليه القلق والتوتر خلي بالك من لغة جسدك زي انك تبص في عينه من حين لآخر عشان يحس انك مهتم بالحديث بس مش كتير ومتتوقعش انه يبص في عينك وهو بيتكلم وخلي ايدك وذراعك جمبك عشان ميبقاش متوتر وابتسم وقم بإيماءة رأسك لتشجيعه على إكمال حديثه
متحاولش تغصبه علي حاجه
الشخص الخجول لما بتغصبه انه يتكلم او ياكل او يشرب اي حاجة غصب عنه بيتحرج اكتر ومبيقدر يتعامل وعشان كده لما تيجي تتعامل معاه سيبه علي راحته ممكن تعزم عليه مرة واحدة لو مستجبش سيبه براحته لحد متاقلم ويبدا يتحرك ويتعامل من غير خجل
متزعلش من ردود افعاله
كيفية التعامل مع الرجل الخجول
كيفية التعامل مع الرجل الخجول
غالبا ردود أفعاله مش هتعجبك في مواقف كتير لانه هيكون رافضها وممكن يرد رد يكون عصبي شوية بس ده لإن الشخص الخجول بيكون اعصابه مشدوده وممكن يعمل ردود افعال غصب عنه تضايق اللي قدامه والمطلوب منك انك تكون هادي وتقبل اي كلام ممكن يقوله بدون قصد ولو اعتذر تقبل اعتذاره بسهوله عشان متخليهوش يتحرج اكتر
#الرجل الخجول والزواج, #الشخص الخجول ذكي, #انا خجول كيف اتعامل مع الناس, #صفات الرجل الخجول في الحب, #صفات الشخص الخجول, #غيرة الرجل الخجول, #كيف يحب الرجل الخجول, #كيفية التعامل مع الرجل الخجول
تعليقات
إرسال تعليق