ازاي اسافر باقل التكاليف
في وقتنا الحالي كتير من الشباب بيتمني يسافر بس عارف ان السفر مكلف جداا ..خصوصا الاشخاص اللي بيبقي عندهم شغف بالاماكن والتعارف علي ثقافات مختلفه وافكار جديده ومش عارف يسافر ازاي او يعمل ايه
بنسالبه السفر حلم مستحيل او صعب الوصول ليه لانه بيعتقد ان السفر مقتصر علي فئه الاغنياء او الناس المرفهه فقط .. مع ان في طرق كتير جدا غير الطريقه التقليديه الشائعه المكلفه عن طريق شركات السياحة ..كمل المقال ده عشان تعرف هي الطرق دي ؟
1 مواقع التبادل couchsurfing.com
هو موقع لعرض خدمات الاستضافه او الضيافه في جميع انحاء العالم .. هو فكرته ببساطه ان كل الناس اللي عليه بيستضيفوا
بعض في بيوتهم ..وكل الناس اللي عليه هما محبي للسفر ..بتقدر من خلاله تختار اسره او حد ظروفه تناسبك ويستضيفك الفتره اللي هتسافرها بالشروط اللي بتتفقوا عليها ممكن بالاكل او من غير وبيحددلك انك ممكن تحط اكل ليك في التلاجه او تاكل معاهم وممكن يستضيفك في غرفة كامله او يوفرلك سرير واحد بس خاص بيك .. وهما كذلك لو حب يجي زيارة لبلدك بتقوم باستضافته (عبارة عن تبادل ).. بتبقي غالبا رايح عارف هتصرف كام بالظبط
احيانا الاهل بترفض لو اللي عايزه تسافر بنت بسبب عدم ضمان توافر الامان فالموقع ده بيوفرلك انك بتبقي عارف ظروف الاسره اللي هتقيم معاها اذا كانت ام وبنتها لوحدهم او اسره كامله او شخص لوحده بتبقي عارف الظروف كامله ..فتقدر تختار انسب ظرف او اسره تتناسب معاك ومع ظروفك
*موقع workaway.com
*موقع worldpackers فكرته انك بتشارك خبره من خبراتك مقابل انهم بيقدمولك اكل ومسكن
في حاجات كتير ممكن تعملها عن طريق المواقع دي مقابل الاقامه والاكل .. تقدر تشتغل في فندق او في الزراعه او تشتغل كمدرس انجليزي .. او في مجال بتفهم فيه
الفكره بلا مقابل مادي اطلاقا .. هي الفكره التعارف علي بعض وعلي ثقافات وعادات الدول المختلفه
2-ابحث علي مساكن الشباب
موقع HODTELS.COM و موقع hostelworld.com من المواقع اللي بتوفر السكن للشباب حول العالم باسعار مناسبه جداا .. وده يعتبر بديل للفنادق الغاليه
والمكلفة بشكل مبالغ فيه بيسمي بيوت شباب بيبقي عبارة عن غرف كل غرف بها من 5 ل6 سراير بتحجز فيها سرير خاص بيك ..فئه كبيره من الشباب اللي بيسافروا رشحوا الهوستيلز انها من افضل الطرق واوفرها وبتقدر تتعرف علي عدد كبير من الشباب من بلاد مختفله
*موقع airbnb.com ممكن من خلاله حد يستضيفك في بيته او تستاجر غرفة عند شخص من اهل البلد
متحجزش تذاكر من شركات الطيران
متحجزش التذاكر عن طريق المكاتب لانها هتكلفك كتير .. احجز مباشرة من المواقع اونلاين زي موقع skyscanner.com بياخد كل خطوط الطيران من المنطقه الانت مسافر منها للي مسافر ليها .. لوهنفترض انك مسافر من مصر لدبي بيجيبلك ارخص سعر من مصر لدبي في المواعيد الانت محددها .. وبيوفرولك احصائيات عن افضل و ارخص وقت للسفر
في ايام ومواسم كتير في السنه بيبقي فيها عروض علي تذاكر الطيران وبتبقي بارخص سعر ليها ..ممكن تتابع كل بلد وتشوف ايه ارخص مواسم ممكن تسافر فيها
*ممكن تعمل سيرش علي الموقعين دول هيساعدوك انك تلاقي فيهم اسعار ارخص من اسعار شركات الطيران
*googleflights.com *skyscanner.com
حاول تبتعد عن ايام الاجازات الاسبوعيه او الاجازات الرسميه
السفر مقابل العمل
رعاية المنازل :بتسافر عن طريق طلب مالك المنزل لك من بلد اخري عن طريق الانترنت ويتكفل باجرائات السفر مقابل رعاية منزله عند غيابه ..رعاية أولاده او حيواناته عن طريق بعض المواقع زي *house careers *mind my house
*الاعمال الخيريه : ممكن تساعد في بعض المشاريع الخيريه مقابل الإقامة والطعام عن طريق موقع helpstay
*تبادل المنازل: لو بتمتلك بيت في مصر فممكن تستبدله مع شخص من بلد اخري عايز يعيش في بلدك عن طريق موقع homeExchange.com
*الرحلات البحرية :تقدر تشتغل في شركات الرحلات البحرية في تخصصات مختلفه والرحلة الواحده بتاخد من 6 الي 8 شهور مع توفير غرفة المعيشة والوجبات اليومية عن طريق موقع wanderingearl.com او موقع allcruisejobs.com
*تدريس اللغة الإنجليزية : هو مشروع لتبادل المعلمين يسمي esl اختصار لمصطلح الانجليزيه كلغة ثانيه ..وتحتاج شهادة التوفل لو عايز تعرف اكتر عن شهادة التوفل وكيف تحصل عليها في موقع *i-to-i-.com/tefl ومن اشهر مواقع تبادل المعلمين
موقع ESL Cafe وموقع jetprogramme.org/en
العمل في المزارع :وهو انك تساعد في مشاريع زراعية مقابل الإقامة والطعام ومدة المشاعده فيها 4 ساعات يوميا عن طريق موقع wwoof.net وموقع HelpX في مشاريع زراعية وغير زراعية
حضر اكل بنفسك
الاكل حاول تبعد عن المطاعم الرئيسية الكبيره او الشهيره اللي في مركز المدينه ..حاول تكتشف الاكلات المحليه في مطاعم متوسطه او صغيره ..
*والأفضل لو مقيم في هوستيل للشباب تشتري المكونات من السوبر ماركت وتعملها بنفسك بمطبخ الهوستل هتوفر مبالغ كبيره جداا
*لو حد هيستضيفك في بيته بدون الاكل ممكن تتفق معاه تدفعله فلوس مقابل ان يعملك اكل معاه طول مدة اقامتك
اركب المواصلات العامه
في المواصلات حاول متستخدمش التاكسي او المواصلات الخاصه لانها مكلفة جداا
استخدم المترو او الباصات العامة هيكون اوفر بكتير وهيخليك تتعرف علي اهل البلد وعادتهم ومعالمها
جروب محبي السفر
لو مش حابب تسافر لوحدك .. وعايز تسافر مع جروب شباب او مع جروب بنات لنفس البلد ا في كتير جداا من الجروبات علي الفيس بوك اللي اتعملت عشان تجمع الناس بديل لان كل فرد يطلع لوحده زي جروب
*meetup *وجروب she-travels للبنات
نصائــــح
السفر مش مقتصر علي شريحة معينه
مش لازم تسافر بمبلغ كبير
السفر هيعلمك كتير وهيبني شخصيتك
لو هتقعد مدة صغيرة الأفضل يكون في بيوت الشباب لو لفترة اطول الاحسن العمل مقابل السكن والاكل
#ازاي اسافر وانا طالب, #اسافر فين, #السفر بأقل التكاليف, #السفر للخارج باقل التكاليف, #السياحة باقل الاسعار, #تكلفة السفر الى اوروبا 2018, #تكلفة السفر الى اوروبا لشخصين
تعليقات
إرسال تعليق