كل الأمهات بيصيبها لحظات غضب من تصرفات ولادها وممكن تزعقلهم. بعض الأمهات بتعدف تملك أعصابها أكتر وبعض الأمهات كثيرة وسريعة الغضب. في عوامل كتير بتساعد الأم أنها تحتفظ بأعصابها وتسيطر علي غضبها عشان متزعقش لولادها لان ده له تأثير سلبي عليهم. لو عاوزة تعرفي ازاي تبطلي زعيق في اولادك اتبعي الخطوات التالية:
تأكدي من صحتك
كتير جدا من الأمهات متعرفش أن نقص فيتامين د ونقص الحديد في الجسم ممكن يسبب اكتئاب وتعب وعصبية وبالتالي الأم بتلاقي نفسها بتزعق كتير وقدرة تحملها قليلة. نقص فتامين د والحديد أمر وارد جدا مع الحمل والرضاعة خصوصا اذا كانت الأم عندها آكتر من طفل. اتاكدي من نسبة الحاجات دي في جسمك بعمل التحالليل اللازمة واعرضيهم علي طبيب عشان يكتبلك جرعة مناسبة.
الكمالية
الأم الكمالية هي الأم الي عاوزة كل حاجة تكون مظبوطة وفي مكانها والبيت نضيف ومتروق والولاد نضاف وشكلهم وشعرهم زي الفل وعشان ابقي صريحة معاكي ده عمره ما هيحصل الا لو عندك وسيلة مساعدة زي مربية مثلا للأطفال وعاملة نظافة بتساعدك في البيت. الأم الكمالية عشان تطلعاتها عالية بتصاب بالتوتر والغضب من الواقع الي موجود في أي بيت فيه أطفال. مفيش حل للنقطة دي الا انك تتخلي شواية عن الكمالية وتتقبلي أن الأطفال بيكركبوا البيت طول الوقت حاولي تحافظي علي مساحة أو مكان معين زي أوضتك مثلا بالشكل المهندم الي بيريحك لكن صعب يبقي بيتك مظبوط مية في المية طول الوقت.
خدي بريك
أفضل طريقة للتعامل مع الغصب أنك تمرني نفسك أنك أول ما تحسي بنوبة الغضب خدي بريك واقعدي في مكان لوحدك حتي لو ل١٠ دقايق اشربي فيهم شاي باللبن او خدي دش او صلي او اتوضي المهم أنك تتجني تحلي الموقف في نفس الوقت مع اولادك، استني اما تهدي وبعدين اتكلمي معاهم بهدوء واتناقشي معاهم ووضحيلهم مشاعرك وازاي ممكن الموقف ده يتصلح.
اتعلمي اساليب التربية الحديثة
كتير من الأمهات متعرفش أي حاجة عن الأساليب التربوية وبتربي ولادها زي ما هي اتربت وعشان كدة مش بيكون عندها رؤية أو سياسة معينة في التعامل مع أخطا الأطفال وتقويم وتربية الأطفال ومش بتعرف تتصرف كويس وبالتالي بتزعق وتغضب لأن دي الطريقة الوحيدة الي هي تعرفها. دلوقتي في كتب ودورات كتير وجروبات علي الفيس بوك بتعمل الطرق التربوية الصحيحة والأساليب المجدية الي بتنفع تعلم الأطفال الصح والغلط من غير زعيق.
اتعلمي أساليب السيطرة علي الغضب
من الحاجات الي بتساعد جدا في الحفاظ علي هدوئك كأم أنك تروحي للايف كوتش لعمل جلسات لعلاج مشكلة السيطرة علي الغضبأو تحضري دورات جماعية متخصصة.
نصائــــح
بالتدريب هتقدي تسيطري علي غضبك
شجعي نفسك وكافئي نفسك لما يوم يعدي من غير ما تزعقي
تعليقات
إرسال تعليق