ازاي انمى ذكاء طفلى

كل أم بتتمني أن طفلها يكون أذكي طفل ، وبالتأكيد مستويات الذكاء بتختلف من طفل للتاني ، بس تعرفي أنك بمجموعه خطوات تقدري تساعديه ينمي ذكاءه بسهوله ودا هيتم عن طريق :

 توفير الألعاب


وفري لطفلك ألعاب كتيره ، ونوعي فيها ما بين ألعاب ترفيهيه وألعاب تنشط الذكاء عنده وتخليه يحاول في فهمها إلي جانب الألعاب الألكترونيه علي تليفونك الشخصي ، كل دا هيساعده أنك يفكر ويبتكر ويحاول يخترع حاجه خاصه ليه ..

 القراءه


عودي طفلك أنك تقريله من صغره قصص وكتب مختلفه وحاولي دايما أنك تحمسيه يشارك في أحداث القصه معاكي بأنه يفكر في نهايتها ودا هيطور من قدرته علي الأبتكار بشكل كبير وبالتالي هينمي ذكاءه ..

 خليه يرسم ويلون


من اكتر الحاجات اللي هتساعد طفلك علي تنميه ذكاءه وفكره أنه يرسم بنفسه أي أشكال ويلونها ، إلي جانب انك ممكن توفريله قصص مصوره غير ملونه وتساعديه في تلوينها وفي كل مره هتلاحظي بنفسك الأختلاف في أداءه ..

 الأنشطه المدرسيه


الأنشطه المدرسيه هتساعد طفلك أنك يكون أجتماعي وشخص بيحاول دايما يطور من نفسه وتوسع مداركه لحياه جديده فيها مجهود فكري كبير هيبذله ..

نصائــــح
خلي طفلك يتابع أفلام الأنيمشن بشكل كبير وناقشيه دايما فيها .
وفريله كتب وروايات بسيطه وسهله يقراها بنفسه ويفكر في محتواها .
عرفيه علي ناس كتيره وحاولي تخليه اجتماعي وحابب يسمع من الأشخاص علشان يبقي عنده أتساع في المدارك