اليوتيوب يعتبر مفتاح سحري لاي شخص حابب يتعلم لغة خصوصا اللغة الانجليزية لانه بيحتوي علي ملايين الفيديوهات في جميع المجالات سواء العمل او الحياة اللي تقدر من خلالها تتعلم لغة لو حرصت انك تعرف كل يوم عدد جديد من الكلمات .
مع الوقت بدون مشقة وتعب كبير هتلاقي نفسك بتتقن اللغة بمجرد مجهود بسيط ومتابعة بعض القنوات المسلية ، في المقالة دي هنقولك علي 11 قناة تعتبر اكاديمية الي حد ما تقدر تتعلم انجليزي من خلالها بالاضافة للمقالات القادمة اللي هتحتوي علي الاف المصادر لتعلم اللغة الانجليزية للناس اللي تخطوا المرحلة الاولي في تعلم اللغة الانجليزية .
قناة english for you
ودي فيها سلسلة من الجامعة الأمريكية بها حوالي 80 حلقة مقسمين لثلاثة مستويات ، مبتدئين 30 حلقة ، متوسط 30 حلقة ،متقدم 20 حلقة ، كل حلقة مدتها ساعة تقريباً english for you .
قناة Learning English with M Duncan
ودي فيها سلسلة من الفيديوهات القصيرة، مشروحه بطريقه كويسه ومضحكة، وهتكسر عندك حاجز الملل السلسلة فيها 90 فيديو مده كل حلقه 15 دقيقة، وكمان هتخليك تخلصها مره واحده Learning English with Mister Duncan .
قناة British council
قناة ال british council من افضل القنوات اللي ممكن تتعلم منها اللغة الانجليزية لان الفيديوهات بيها بسيطة وسهله وقصيرة وبيها ناس متخصصة ومحترفة لتعليم اللغة British council .
قناة EngVid
القناة دي بتحتوي علي 900 فيديو بيغطوا كل شئ في اللغه من Grammar وlistening, Speaking, وكمان الـ IELTS و TOEFLL ، هتفيدك تعدي امتحانات ال tofell و ال ielts .
eng vid
قناة Rachel’sEnglish
القناة دي مختلفه عن اللي فوق لانها بتركز على الصوتيات وطرق النطق . وهتلاقي فيها مواضيع كتير ومهمه ومهارات مختلفه وكمان هتلاقي فيها مصطلحات، عبارات، لهجة أميريكية، مواقف حياتية، صوتيات، طرق النطق .Rachel’sEnglish >
قناة Let’s Talk
القناة دي فيها جرامر ومهارات المحادثه، مصطلحات وكلمات، طرق النطق وحاجات تانيه كتير هتتعلمها من خلال أكثر من 150 فيديو متنوع Let’s Talk .
قناة American accent tutorial and tips
القناة دي فيها فيديوهات مترتبه هتعلمك اللهجه الأمريكية بسهوله ، والفيديوهات قصيرة وعدد الليستة 13 فيديو بس هيعلموك كتير American accent tutorial and tips .
افضل 3 قنوات لتعلم اللغة الانجليزية
اهم ثلاث قنوات :-
1- اول قناة هي قناة Cambridge English
2- ال Anglo-Link وهي تاني قناة فيها كم كبير جدا من الفيديوهات
3- ال BBC Learning English ودي من اهم القنوات علي الاطلاق ممكن تكتسب منها كلمات ومصطلحات .
قناة Learn English with Jennifer
القناة دي من افضل القنوات اللي هتعلمك طريقة النطق السليم ببساطة وسهوله Learn English with Jennifer .
نصائــــح
استغل اي وقت بيضيع من يومك سواء في المواصلات او في الجامعة او في البيت وافتح اي قناة واتفرج عليها ولو مستواك مبتدء ومش فاهم حاجات كتير مع الوقت هتفهم اكتر ، المهم تلتزم انك تتعلم كلمات جديدة والنطق بتاعها يومياً .
تعليقات
إرسال تعليق