لطفل عشان يكون مهذب وعنده ذوق وعارف بيقول ايه في كل موقف ومحبوب مش لازم يكون منطوي أو هادي جدا لدرجة انه مش بيتحرك من مكانه عشان يكون كده لكن لازم تعوديه علي شوية عادات يتربي عليها ويشوف منك تصرفات معينه ومن أفراد الأسرة ، وعشان تعلمي ابنك الإتيكيت اتبعي الخطوات التالية :-
علميه الحمد والشكر والرضا
اللي بيخلي الطفل عنده سلبية و دايما رافض اي حاجة ومش بيقول غير لا ومينفعش ومفيش وكل حاجة تتعرض عليه مش بتعجبه ويقول عليها وحشة انه دايما شايف من أفراد البيت السلبية دي والسخط وعدم الرضا ،وبتتكرر كتير قدامة كلمة مش هينفع ومش هيكفي ،بالشكل ده الطفل مبيعرفش اي معني للحمد ولا الشكر ولا الرضا وبالتالي بيظهر في تصرفاته
“على سبيل المثال” انك تخرج الطفل خروجه وتعبت نفسك واخدت من وقتك ومجهودك وفي الاخر تلاقي الطفل لما يرجع مبيقولش شكرا على الخروجة الحلوة دي والاسوء انه مش بيكون حتى مبسوط ولا فرحان ده ببساطة لأنه مش بيشوف ده من أفراد البيت ،و عشان تخليه يتعود انه يقول شكرا لاي حد بيعمله حاجة ويكون راضي ومبسوط لازم تقوليله شكرا لما يقدملك حاجه وتقللي قدامه كلمة مش هيكفينا أو الشكاوي عامة من اي حاجة عشان توصليله معني الرضا بالفعل قبل الكلام
اتكلمي بهدوء
مينفعش اطلب من الطفل الكلام بالهدوء والراحة وخصوصا لما بيطلب طلب وهو بيشوفني بزعق سواء معاه أو مع غيره سواء لما بنطلب طلب أو مجرد الكلام ، وأوقات كتير من غير قصد لما بنتكلم مع صحابنا أو اخواتنا بنطلب منهم طلبات بهزار أو بصوت عالي أو من غير كلمة لو سمحت أو من فضلك والنتيجة أن الطفل بيطلب مننا الطلبات أو من غيرنا بنفس الطريقة ومش بيستوعب لما بتقوليلة اتكلم بطريقة كويسة لأنه بيتعلم من اللي بيشوفه مش من اللي بيتقاله اعمله
علميه اداب الطعام
و اداب الطعام بتبدا بتحضير المائدة وعشان تخلي ابنك يحترم الاكل لازم يحس انه شارك فيه وطبعا الطفل هيكون مش عارف يحط كل حاجة في مكانها الصحيح من الأطباق والاشواك عشان كده تقدري تستعيني بالplacement الموضحة في الصورة وموجود منها اشكال مختلفة علي النت ، ودي تبقي عبارة عن الحاجة اللى بتتفرش تحت الاطباق عشان الطفل يكون عارف مكان كل حاجة يحطها فين سواء ع السفرة أو علي الأرض ممكن تطبعي منها 4 على سبيل المثال وتفرشيها والطفل يرص عليها الاطباق ويبدأ الطفل يشوف جميع أفراد الأسرة وهما بيسموا وبيقولوا الحمد لله بعد الاكل بصوت مسموع واللي عمل الاكل نقوله شكرا وتسلم ايدك الاكل كان جميل
اسمعيه كويس
عشان تعودي طفلك علي آداب الحوار لازم لما يتكلم تنصتي ليه كويس وتسمعيه للآخر وتردي عليه ولو بتتكلمي مع حد تاني لازم تكوني متفقه معاه من قبلها علي إشارات تعمليها ليه يفهم منها انك سمعاه و هتردي عليه لما تخلصي حوارك مع حد تاني لان اوقات كتير بنكون مشغولين في التليفون أو مندمجين في الحوار مع شخص تاني ولما يجي الطفل يتكلم نصده وبكده هيتعلم يتعامل معاكي أو مع غيرك بنفس الطريقة وهو مش فاهم
نصائــــح
انتي قدوة لابنك وعشان تعليمة حاجة لازم يشوفها فيكي انتي وافراد الاسرة اولا
خلي بالك من كل تصرف وكل كلمة بتقوليها قدام الطفل لان كتير مبناخدش بالنا و ده مصدرة في الاكتساب والتعلم
تعليقات
إرسال تعليق