القائمة الرئيسية

الصفحات

ازاى اخلى ابنى ينام بسرعة








لو إبنك لسه مولود ومواعيد نومه مش منتظمة وده مسببلك أزمة ومشكلة كبيرة فى مباشرة حياتك اليومية بشكل طبيعى يبقى لازم تعرفى ازاى ممكن تخلى ابنك حديث الولادة ينام بسرعة فى 5 خطوات بس.

 إحرصى على إستحمامه يومياً


فى فترة الصيف حمى إبنك بمياه دافية بالليل قبل النوم مباشرة وإدهني ايده ورجله بزيت الأطفال المرطب وبعد كده لبسيه لبس فضفاض ومريح ده هيخليه مستعد إنه يروح فى النوم بشكل أسرع عن الوقت العادى لأنه جسمه بينتعش ده بيخليه يحس براحة جسدية تسرع من نومه .

 دلكى جسم طفلك


دلكى جسمه لمدة 5 أو 10 دقائق بشكل متواصل وده بيتم عن طريق تدليك إيده ورجله وصدره برفق جداً وينصح بإستخدام زيت الجسم الخاص بالأطفال لأنه هيساعده على الإسترخاء وهيخليه عنده رغبة أكبر فى النوم .

 رضعيه قبل النوم مباشرة


بعد كده رضعيه قبل النوم مباشرة عشان ميصحاش بعد ما ينام بفترة قصيرة عشان يرضع وأهم حاجة إتأكدى تماماً إنه أخذ كفايته وشبع قبل ما تنتقلى للخطوة التالية

 ضلمى نور الغرفة


ضلمى نور الأوضة اللى هو فيها وحاولى تشغلى موسيقى تُسمى بإسم White Noise ودى أصوات زى صوت الرحم اللى كان متعود يسمعه وهو فى بطنك أو صوت البحر أو صوت العصافير وتقدرى تستمعى لـ 90 دقيقة من أصوات الرحم من خلال الفيديو المصاحب للخطوة

 لفيه فى البطانية بشكل محكم


لفيه فى البطانية بتاعته بشكل يخليه ميقدرش يحرك إيده أو رجله وتقدرى تعملى سيرش على الطريقة الصحيحة فى جوجل وإسمها ” Swaddle ” ده هيساعده إنه يهدى وينام أسرع .

خليكى قريبة منه


خليكى دايماً قريبة منه الطفل مش هينام بسرعة غير لو حس بوجود أمه قريبه منه ودايماً طبطبى على بطنه وصدره لحد ما يروح فى النوم لأن ده بيحسسه بالأمان والأفضل للطفل انه ينام على ظهره مش جمبه أو بطنه .

نصائــــح
إبنك أو بنتك مسموح ليهم بفترتين يناموا فيهم طول اليوم فترة الظهر من الساعة 1 للساعة 4 وفترة العصر من الساعة 5 للساعة 8 بالليل وبعد كده لازم يفضل صاحى على الأقل 3 ساعات قبل ما ينام بالليل على الساعة 12
لو طفلك مبيرتاحش لما بتلفيه فى البطانية تقدرى تستغنى عنها لكن تنيميه على بطنه لأن ده بيخليه ميقدرش يحرك ايده ورجلة بحرية وهو نايم فهيروح فى النوم اسرع


هل اعجبك الموضوع :

تعليقات